أحدث المشاركات
صفحة 5 من 5 الأولىالأولى 12345
النتائج 41 إلى 49 من 49

الموضوع: أوّل قصيدة ف مَصر ...... شعر: مصطفى الجزار

  1. #41
    الصورة الرمزية د. مصطفى عراقي شاعر
    في ذمة الله

    تاريخ التسجيل : May 2006
    الدولة : محارة شوق
    العمر : 61
    المشاركات : 3,523
    المواضيع : 160
    الردود : 3523
    المعدل اليومي : 0.68

    افتراضي

    اقتباس المشاركة الأصلية كتبت بواسطة مصطفى الجزار مشاهدة المشاركة
    أوّل قصيدة ف مَصر
    شِعر/ مصطفى الجزار
    ما باكتِبش القصايد فيكي بالسّاهِل
    برغم انّ القصايد فيكي تستاهل
    وانا عُمْري..
    ما كنت ف حِرْفتي عاجز ولا جاهل
    لكن ساعة ما اقول إني هاقول فيكي..
    ألاقي الحرف جوايا ما بين مقتول.. وبين قاتل
    وعارفه.. كل دا مِن إيه؟
    باحِسّ انّ الكلام عنِّك.. سحابه عالية فُوق فُوقي
    وانا واقف على قلبي وْعلى حُبّي وْعلى شُوقي..
    وبرضه لسه مش طايل!
    ولما يقولوا: "غَنِّلْها..
    وقُول الشعر ف عينيها عشان يِرضى عليك نِيلها
    وتِعدِلْ بَخْتَك المايل"..
    أَرُدّ بْكُلّ إحساسي: مَنِيش قايل..
    يا مَصر الشِّعر ف عينيكي ما هوش سطرين بيتقالوا
    ولا موّال بيتغنّى وانا قايلُهْ ومِتْقالُه
    ولا شوية كلام شعارات بيتحطّوا.. ويتشالوا
    يا مَصر الشعر ف عينيكي جبال عالية
    وحِمْل تقيل..
    يشيلُه إبنِك الفارس
    وانا لسّه منَِيش فارس
    لكنْ حاسِس..
    بإني هابقى يوم هُوَّا
    ساعتها يا امَّه تِبقى الكِلْمه مِن جُوَّا
    وأبقى قَدّ قُول قلبي
    وامِدّ إيديَّا لإْيديكي
    ساعتها بسّ أستاهِل.. أقول الشعر ف عينيكي
    *****
    ***
    *
    يا شايلَة كْتير على اكْتافِك
    ومش هَمِّك.. وبتشيلي
    وساقيَه الكُلّ من دَمِّك
    وبتقولي: "فِدا نِيلي"
    يا أيُّوبَهْ..
    يا غالبَه وانتِ مغلوبَهْ..
    يا نِسمَه ف عِزّ صيف باردَهْ
    وحُضن ف عِزّ ليل طُوبَهْ
    باحبِّك.. وانتِ مش غيرِك
    باحبِّك لما تبقِي انتي
    بِطين الزرع وبْخيرِك
    ف عِشَّه صْغَيَّرَه سْكِنْتي
    باحبِّك وانتِ مش "هانم"
    ولا لابْسَه الكعوب عاليَه وماليَه وِشَّها أحمر
    باحبِّك وانتِ فلاّحَه..
    ولابْسَه الحِشْمَه والطِّيبَه وْعلى جْبِينِك.. عَرَقْ أخضر
    واحبِّك لما ألقاكي بتتوضِّي.. بميّة نيلِك الأسمر
    وبتصلِّي على التّرْعَهْ.. وفَارْدَه الكُون مِصَلِّيَّه
    باحبِّك...
    وانتِ مصريَّه
    ما تبقيش واحدة منسوخه..
    وممسوخه..
    ف آخْر الصفّ مَرْمِيَّه
    يا أُمّي إرفعي راسِك
    ودُوسي كل مِن داسِك
    وِحِبِّيني..
    أنا شعبِك.. أنا ناسِك
    أنا أرضِك.. أنا فاسِك
    أنا العايش بأنفاسِك
    أنا العطشان لنقطة فايضة من كاسِك
    لا انا طمعان انول دهبِك.. ولا ماسِك
    دا انا.. ماسِك..
    بإيدي الجمر طول عُمْري
    ولا خَيِّبت يوم ظنِّك ولا كدّبت إحساسِك
    ولو عايزة.. أكون تاجِك
    واكون لو عايزة كَنّاسِك
    واكون عَلَمِك..
    واكون قَلَمِك..
    واكون حِبرك وكرّاسِك
    واكون كُرباج على ضَهْر اللي يوم غَشِّك
    وقرّب إيدُه مِن وِشِّك
    وقال لِكْ إنُّه مِن جُندك وحُرّاسِك
    وع الخَدّ اليمين ضَرَبِك... وع الخَدّ الشمال.. بَاسِك!
    * * *
    يا أُمّي... حِسّي بوْجودي
    دا انا الكِلْمة اللي فوق سَطْرِك
    طب اعمل إيه عشان خاطرِك؟
    عشان خاطرِك..
    أكون مَدْفَعْ..
    واحارب في صفوف الجيش
    واكون أجدَعْ..
    واحارب في طابور العيش
    ولو ينفع..
    أعيش زيّ الملايكة هاعيش..
    ولا آكُل.. ولا أشرب.. ولا أحزن.. ولا أغضب
    ولو كان اللي جاي أصعب.. ولا يهمِّك
    ما انا اتعودت يا (غالية).. على (الغَلَيان)
    وإنّ الفاضي دلوقتي.. صَبَح بيصُبّ ف الملْيَان
    وإنّ المَكسي عايز هِدْمَة م العِريان
    وإنّ سعادة الشبعان..
    بيطلُب لُقمة م اللي مقضّي طول عُمرُه نهار رمضان!
    أنا اتعودت ع الدنيا اللي بالمقلوب
    وع اللي بيتُه مَبنِي إزاز لكنْ وَاصِل
    فيِحْدِف حِلْمِنا بالطوب!
    * * *
    أنا اتعودت..
    ع الجري اللي للمتاعيس
    وع الزفّة اللي فوق أرضي ومش ليا
    وماشي فيها ألف عريس..
    وبنت بنوت..
    حِلمت ف يوم تكون ليا.. واكون ليها
    حِلمت اسكن على نيل رمشها الصافي
    واقابل بُكرة ف عينيها
    حِلمت بكل شيء فيها
    وفجأة ألاقي أحلامي..
    سما عمّالة بتمطّر سيول كوابيس
    فاقوم من نومي من فزعي
    ألاقي الصبح بيشقشق على وجعي
    يصحّيني بُكا الأشعار
    فأغسل وشّي بالأخبار
    واحضّر من همومي فْطار..
    يكفّي قلبي طول الشهر
    وابلّع لُقمتي.. بالقَهر
    ولما اشبع من الأحزان.. أبوس على إيدي وش وضَهر
    واقول.. نِعمَه
    هتفرق إيه.. نشوف الدنيا أو.. نِعمَى؟
    يا مصر القلب مش قادر يشوف غيرِك
    ولا قادر ينول... خيرِك
    ولا قادر.. يكون مِن غير جناح طيرِك
    لكن برضه بيستحمل
    يقول.. عادي.. ولا يهمِّك
    أنا اتعوّدت يا غالية.. فمدُّقّيش
    ما انا هافضل كده عايش على أمل اني بُكرة هاعيش!
    واقضّي عُمري مش فارقة..
    ألاقي اللقمة.. أو ما الاقيش
    وانام برضُه جعان.. لكنْ...
    أخاف احلَم...
    بسوق العيش!
    *********


    الحبيب القريب الشاعر الفذ الأستاذ مصطفى الجزار

    تحية منداة بماء النيل لهذه القصيدة العامية الغنية بالفصاحة والشعر والفكر والجمال

    وتحية لهذا التوظيف الفني الثري لمفردات الثقافة والأمثال والملامح المصرية بكل براعة واقتدار

    وبديع نداءك لمصر يا أيوبة

    حيث حولت العلم إلى صفة فجرى عليها التأنيث بسلاسة وعفوية وراءهما إحساس لغوي راق



    بوركت ايها الغالي

    ولا حرمنا الله إطلالاتك الشاعرية المدهشة


    محبك: مصطفى
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي ولريشة الغالية أهداب الشكر الجميل

  2. #42
    الصورة الرمزية مصطفى الجزار شاعر
    تاريخ التسجيل : Dec 2006
    الدولة : مصر.
    العمر : 42
    المشاركات : 3,077
    المواضيع : 149
    الردود : 3077
    المعدل اليومي : 0.62

    افتراضي

    اقتباس المشاركة الأصلية كتبت بواسطة د. سمير العمري مشاهدة المشاركة
    هنا نص أشب نهمي وأشبع سغبي لشعر عامي كهذا منذ حين بعيد.

    لقد أبدعت وهذا ليس مستغربا وأمتعت وهذا ليس مستبطنا ، وأوجعت وهذا ليس مستعتبا.

    والنص لعمري قد جمع الكثير وقال أكثر مما حملت السطور ويكأني بها حملت مصر كلها حتى ما تركت فيها وجعا ولا فزعا ولا منعة. ولكني أصارحك افتقدت شيئا مهما ما ظننت أن مثلك بما عودنا يهمله إلا أن يكون تحسبا ولك العذر في ذلك.

    سبقني هذا الحبيب وائل فثبتها في غقلة انشغال مني فقد كنت أحب أن أحظى بشرف تثبيتها بنفسي ولكن لا فرق بيني وبين وائل.


    تقبل التحية ولمصر الحرة كل تقدير ولشعب مصر الحبيب كل محبة وشوق.



    العمري

    شهادة من كبير... أعتز بها وأسعد

    بورك فيك وفي مرورك د. سمير العمري

    وشكراً على المرور والتعليق الجميل.

    تحياتي

  3. #43
    الصورة الرمزية مصطفى الجزار شاعر
    تاريخ التسجيل : Dec 2006
    الدولة : مصر.
    العمر : 42
    المشاركات : 3,077
    المواضيع : 149
    الردود : 3077
    المعدل اليومي : 0.62

    افتراضي

    اقتباس المشاركة الأصلية كتبت بواسطة هيثم محمد علي مشاهدة المشاركة
    الشاعر الرائع المبدع
    في العامية و الفصحى سواء معلمنا الفاضل الاستاذ / مصطفى الجزار
    السلام عليكم ورحمة الله وبركاته
    برغم أن الصمت في حرم الجمال جمال
    إلا أن كلماتك أستاذي تجبر من لديه شعوراً أن يتحدث طويلاً
    على قدر ما قرأ ها هنا جمالاً كثيرا
    ولكن عندما نكون في محراب هذا الجمال وجب علينا انتقاء
    أجمل كلمات في معاجم العربية حتى تسعفنا وأظنها لا تسعفنا في الرد
    رائعة رائعة رائعة استاذي ..وما أروعــك
    دمت متألقاً في سماء الشعر
    تلميذكم هيثم
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    أخي الكريم/ هيثم محمد علي

    بارك الله فيك وشكراً لمرورك وتعليقك الذي أسعدني حقاً.

    خالص تحياتي وتقديري.

  4. #44
    الصورة الرمزية نادية بوغرارة شاعرة
    تاريخ التسجيل : Nov 2006
    المشاركات : 20,304
    المواضيع : 328
    الردود : 20304
    المعدل اليومي : 4.08

    افتراضي

    أخي مصطفى الجزار ،

    لأول مرة أقرأ و أسمع لك شعرا بالعامية ،و قد عشت مع كلماتها و معانيها
    و صورها البديعة .

    من تألق إلى تألق أيها الشاعر الكبير .

    تقبل مروري .
    http://www.rabitat-alwaha.net/moltaqa/showthread.php?t=57594

  5. #45
    قلم مشارك
    تاريخ التسجيل : Apr 2009
    الدولة : القاهرة
    العمر : 41
    المشاركات : 117
    المواضيع : 14
    الردود : 117
    المعدل اليومي : 0.03

    افتراضي

    الشاعر الجميل / مصطفى الجزار
    بصراحة يا أخى بعد ما قريت كلماتك أكتر من عشر مرات
    كان عندى اصرار انى اقرأ كل التعليقات اللى كتبت عليها
    يمكن ألقى كلمة جميلة ما أتقالتش
    لكن لقيت اساتذتى قالوا كل حاجة
    بس برضه ما يمنعش انى اقولك
    ان القصيدة أجمل ما رأيت واجمل ما كتب فى حب مصر
    بصراحة اسمحلى احتفظ بيها عندى واخلى اللى عايز يكتب ويحس يتعلم منها
    انا بجد بشكر ربنا اولا وموهبتك ثانيا على امتاعنا بهذا الابداع
    تقبل معانقتى الشديدة على هذه الرائعة

  6. #46
    الصورة الرمزية آية علاء الدين قلم منتسب
    تاريخ التسجيل : Oct 2009
    الدولة : بلد خير أجناد الأرض
    العمر : 32
    المشاركات : 66
    المواضيع : 7
    الردود : 66
    المعدل اليومي : 0.02

    افتراضي

    واقول ايه
    دى ملحمة
    بحب مصر
    ملغمة
    طلعت بروحنا
    للسما
    من مصطفى لما نوى
    يهمس لمصر بهمهمة

    تقبل تحياتى أستاذى الفاضل مصطفى الجزار ..ليست أول مرة أقرأ لك شعرا ..لكنها أول مرة أقرأ لك عامية

  7. #47

  8. #48
    قلم منتسب
    تاريخ التسجيل : Aug 2008
    المشاركات : 92
    المواضيع : 10
    الردود : 92
    المعدل اليومي : 0.02

    افتراضي

    هنا
    مدرسة
    الجزار
    هنا التوهج الدائم
    والمشاعر
    واللالىء
    والكنوز
    ولا تعليق اكثر
    تحية من قلب مصرى
    تحياتى مصطفى الجزار
    حنين
    حنين الفيروز المنياوى

  9. #49
    الصورة الرمزية مصطفى الجزار شاعر
    تاريخ التسجيل : Dec 2006
    الدولة : مصر.
    العمر : 42
    المشاركات : 3,077
    المواضيع : 149
    الردود : 3077
    المعدل اليومي : 0.62

    افتراضي

    اقتباس المشاركة الأصلية كتبت بواسطة هشام عزاس مشاهدة المشاركة


    رائعة و كفى ...

    راقتني كثيرا أيها الشاعر الجميل .

    اكليل من الزهر يغلف قلبك
    هشـــام

    أخي الكريم/ هشام عزاس

    بوركت وبورك مرورك الجميل.

    تحياتي وتقديري.

صفحة 5 من 5 الأولىالأولى 12345

المواضيع المتشابهه

  1. ضربوا المربوط..... شعر/ مصطفى الجزار
    بواسطة مصطفى الجزار في المنتدى أَدَبُ العَامِيَّة العَرَبِيَّةِ
    مشاركات: 55
    آخر مشاركة: 16-08-2012, 11:44 PM
  2. تهنئة أمريكية.... بعيد الأضحى..!!! شعر/ مصطفى الجزار
    بواسطة مصطفى الجزار في المنتدى الشِّعْرُ الفَصِيحُ
    مشاركات: 51
    آخر مشاركة: 05-11-2011, 09:02 PM
  3. الشاعر مصطفى الجزار في برنامج مصر النهاردة
    بواسطة ربيحة الرفاعي في المنتدى أَنْشِطَةُ وَإِصْدَارَاتُ الأَعْضَاءِ
    مشاركات: 8
    آخر مشاركة: 05-05-2011, 09:57 AM
  4. مصر الحزينة.... شعر/مصطفى الجزار
    بواسطة مصطفى الجزار في المنتدى أَدَبُ العَامِيَّة العَرَبِيَّةِ
    مشاركات: 30
    آخر مشاركة: 13-02-2011, 09:40 PM
  5. الوطن الحَجَريّ...... شِعر/ مصطفى الجزار
    بواسطة مصطفى الجزار في المنتدى الشِّعْرُ الفَصِيحُ
    مشاركات: 56
    آخر مشاركة: 12-03-2010, 06:22 AM