كعب داير

كعب داير


فى البداية ..
كنت إنسان الحكايه
والحكايه ..
عمر خالى م البشاير
لحن ميت فوق شفايف
قلب خايف
م اللى حاصل واللى داير
كلمه تايهه ف ألف صفحه
محبوسين جوا الدفاتر
عشت شاعر والمشاعر
حلم ساكن كل خاطر
والنهايه ..
بين موانى الحزن راحل
كعب داير
*****
ضحكتى بستان أسف
حلمى روح بردانه تايهه بترتجف
والأمان عصفور وقع من ع الشجر
إغتيال .......!
مش قضية غصن مال
مستحيل إنه انتحر !
كل شئ مضطر يرحل
اللى يرفض واللى يقبل
والنجوم ماعادتش تغسل
شعرها ف ضى القمر
أو تبوس خد السهر
فوق جبين الوقت واقف
عقرب ساعات العمر خايف
من فكرة الموت ف السفر
بس فيه ف القلب مؤمن
باللى فى لوح القدر
****
من قزاز شباك عيونى
طالل الدمع وجفونى
بتشد ف ستارة حنينى
يهزنى الشوق للوطن
ألف ذكرى تدور ف بالى
حضن أمى لسه دافى
شمعه قايده ف انتظارى
باكيه من لحظة وداعى
والدموع عد الزمن
فات مافات والباقى كام
خيط ف مشوار الآلام
ياترى راجع الحمام
للبنانى ولا يوم
الرجوع مالهوش وطن ؟
****
عيشنى ياصاحبى الغريب
لم من كل الدروب
الغريبه خطاوى روحى
قول لى بوح ..
وان لقيتنى غصن ساكت
مد إيدك هز بوحى
وان لقيتنى جثه خارت
والنفس فارق ضلوعى
شيلنى فوق كتفك وعاند
إدفننى فى تربة بلادى
هيل عليا تراب حنينى
بعد ماتسبِّل عيونى
بعد ماتغسِّل آلامى
بعد ماتصلى عليا
واوعى تنسى ياصديقى
إبقى لقننى الشهادة
وانت إيدك فوق قليبى
قبل ماتقول بالسلامه
يارفيق غربة طريقى

فى البداية ..
كنت إنسان الحكايه
والحكايه ..
عمر خالى م البشاير
لحن ميت فوق شفايف
قلب خايف
م اللى حاصل واللى داير
كلمه تايهه ف ألف صفحه
محبوسين جوا الدفاتر
عشت شاعر والمشاعر
حلم ساكن كل خاطر
والنهايه ..
بين موانى الحزن راحل
كعب داير
*****
ضحكتى بستان أسف
حلمى روح بردانه تايهه بترتجف
والأمان عصفور وقع من ع الشجر
إغتيال .......!
مش قضية غصن مال
مستحيل إنه انتحر !
...

هنا جمال في جمال !

رائعة معنىً ومبنى

انسيابية في الموسيقى لا تنقطع

فيما بعد ذلك لم أحس بوحدة الموسيقى الكاملة.

مرور للترحيب بكَ في الخضراء, أهلًا ومرحبًا بين إخوتكَ.

يرعاكَ ربي

المبدعة الفاضلة د . / نجلاء طمان
مجرد مرورك على نصى شرف لى وتوقيعك وسام أعتز به .. وإن شاء الله تقرأين لى ما أتمنى أن يحوز على شئ من إعجابك .. وشرف لى أن أنضم لهذه الكوكبة الجميلة من المبدعين والتى تحمل رسالة الكلمة الصادقة .
وكل عام وأنتم جميعاً بألف خير .
يحفظكم الله .

سميح عزت

ونبض مختلف وروح مختلفة
جرس موسيقي جميل
ودندنة رائعة المعنى
فأهلاً بكَ نبضة في قلوبنا
طبتَ يا نقي بكل درر
محبتى وعيد سعيد

الله الله الله الله على الجمال وعلى مراعاة الاستهلال والتخلص
في القصيدة لافض فوك

من قزاز شباك عيونى
طالل الدمع وجفونى
بتشد ف ستارة حنينى
يهزنى الشوق للوطن
ألف ذكرى تدور ف بالى
حضن أمى لسه دافى
شمعه قايده ف انتظارى
باكيه من لحظة وداعى
والدموع عد الزمن
فات مافات والباقى كام
خيط ف مشوار الآلام
ياترى راجع الحمام
للبنانى ولا يوم
الرجوع مالهوش وطن

ماشاء الله عليك
قصيدة جميلة معنى ومبنى
لكن كما قالت استاذتنا نجلا طومان
وحد شطوطك والحدود
والدمع جاري في الخدود
متوقفه
فوق الكفوف الجروحين
ولا بهدوم المحرومين
ولا غناوي الفلاحين
الشقاينين
وحد الموسيقى يا حبيب
القصيدة تنم عن شاعر مبدع ومبهر
دمت بكل ابداع وجمال وايمان
وحضن وطن دافي م يعرف الغربة ولا الغربا
تحط راسك جوة سدر مخدتك وتغسل الكربة
واحباب ورا احباب ورا اصحاب بيذللو الصعبة
دمت بابداع

سميح عزت

ونبض مختلف وروح مختلفة
جرس موسيقي جميل
ودندنة رائعة المعنى
فأهلاً بكَ نبضة في قلوبنا
طبتَ يا نقي بكل درر
محبتى وعيد سعيد

المبدعة البهية / مروة عبدالله
أعتذر عن تأخرى فى الرد لظروف الحج
وكل عام وأنتِ بخير
أسعدنى وشرفنى مرورك العطر كزهر الياسمين
وكم أنا سعيد لوجودى بينكم بكل ماتحملون فى قلوبكم من حب ومن نقاء
طابت لك الحياة يادرة الملتقى
لكِ خالص محبتى فى الله

الله الله الله الله على الجمال وعلى مراعاة الاستهلال والتخلص
في القصيدة لافض فوك

أخى الجميل المبدع / أحمد محسن الحديدى

بوركت أخى ولا جميل إلاك وما تسعدنا به من إبداعك الراقى
فنحن على شطوطكم مازلنا
أحبك فى الله

ماشاء الله عليك
قصيدة جميلة معنى ومبنى
لكن كما قالت استاذتنا نجلا طومان
وحد شطوطك والحدود
والدمع جاري في الخدود
متوقفه
فوق الكفوف المجروحين
ولا بهدوم المحرومين
ولا غناوي الفلاحين
الشقاينين
وحد الموسيقى يا حبيب
القصيدة تنم عن شاعر مبدع ومبهر
دمت بكل ابداع وجمال وايمان
وحضن وطن دافي م يعرف الغربة ولا الغربا
تحط راسك جوة سدر مخدتك وتغسل الكربة
واحباب ورا احباب ورا اصحاب بيذللو الصعبة
دمت بابداع
[/align]

الله عليك أيها المبدع .. أنت الأروع .. يامن قرأت القلب
دمت لنا خير أخ وناصح
لك تحياتى
ومحبتى فى الله

أطربتني بجرسها الحلو وانهمارها البديع وجمال البناء
رائع في نسج الشجن بألق شاعرنا الفاضل
دام ألقك
ومرحبا بك في واحتك
تحاياي