الرؤيا منقوشة على جبينك
مهما لسانك هيداريها...
مابقتش سرّ
ده انا حتى شايف ع المدى...
البير بينده والدموع ملياه/
ياريت بإيده
بس أصل الوعد منه مفيش مفرّ


شمس وقمر ساجدين
ومتحاوطين بكام كوكب
وانت من فرط المفاجأة...
ماسمعتش الشمس اللي بتحذر من الساجدين
ساجدين بدن/سايبين قلوبهم بين إيدين إبليس
وانت البرئ
صدّقتهم وفرحت بالمنظر


واتجمّعوا
والبدر كان نفسه وماعرفشي
دي الضلمة ف قلوبهم ولا يقدرعليها أي بدر
شاوروا شيطانهم واستكانوا


نشفت دموع البير والوعد ماكملشي
لسّاه بيستنى
ماعرفشي إن المرة دي فيها اختلاف
المرة دي إتعلموا
المرة دي مش محتاجين "دم ٍ كذبْ"






باسم زكريا
9/12/2008