بث مباشر لكل حكام العرب

بث مباشر لكل حكام العرب
ياكل حكام العرب ..
خلصنا مخزون الورق
وفنينا مخزون الغضب
لو كات سيوف الكلمة تنفع ..
كان نفع ..
كل الكلام اللى اتكتب
ده مش زمان سيف الورق
الطلقة نفدت في العصب
والطلقة جاهلة ف القراية
وفي تصفح أي بند ..
في المعاهدات والكتب
الطيارات مالهاش أُذن
الدبابات مالهاشي قلب
بحث المهادنة ماهوشي حل
في وقت مايطيح اللهب
بكل مبدأ للبشر ..
ده كأننا بنقول علن ..
إنزف وجودك موت ياشعب
وكأننا بنقول علن ..
غزة دخلية على العرب
ياكل حكام العرب ..
قبل اتهامى بالشغب
وإنى بتعاطى الأدب
من باب إثارة الفتن
بصوا ف قلوبكم راح تلاقوا ..
ألف دمعه بتغتصب
( الله .. الله .. الله ..
ياكل حكام العرب ..
ياكل حكام العرب ..
ياكل حكام العرب ..
صوتى اندبح .. )
جرس النهاية دق دق ودقته
رعد وصواعق مش طرب
يوم الحساب منا اقترب
ومافيش هناك عند القوى
عذر إسمه سياسة أو ..
كنت بحقن دم شعب
فارش عواطفه ف كل درب
القصة مش قصة مشاعر
القصة قصة دين وأرض
دم مسلم فى المجازر
واحنا قول تنديد وشجب
****
ليه تبقوا قادات الهزايم ؟
ماتكونوا قادة الانتصار
هو يعنى عدونا جبار وغاشم ؟
ده عدو مهزول جبان
................
خافوا يوم مايشكينا الرسول
رافع إيديه للواحد القهار ..
لهجرِنا السنة ومحكم التنزيل
................
....................
شايفه عيونى القدس والبيت الحرام
رافعين إيديهم للسما ..
داعيين لغزة ولأهل الرباط ..
بالنصر رافضين السلام
شاكيينَّا للمولى الشديد
باكيين على حالنا المهان
والكعبة باعته أسراب الحمام
تاخد عزا كل المساجد ..
اللى هدمها الغل واد صهيون
بالله عليكم ياعرب ..
لو مس طفل هوا المعابد
هايهادنه قرد خسيس جبان !!! ؟
****
ياقادة الحاضر وأيامنا ... اللى جايه
حَجَر العيون شرب البكا وجفت دمايا
ووقعت ( مكفي ) من حِجر الكرامه
ومادمت من ضمن الرعايا
حقى عليكوا ترجَّعولى دمعتى
وترفعوا لكرامتى رايه
إحقنونى بدم من نزف الضحايا
يمكن ساعتها أشد عودى واستعيد
النظرة للعيوني السبايا
واحقنو معايا العروبه بحزن غزة
ودمع أمه وأمهات قدسي اللى أبداً
ماكانوا من ضمن البغايا
جابوا عيالهم من ضهور أهل الرباط
بالشرع زفوهم بإيدهم للشهادة
إحقنوا عروبتى بدم النخوة
وكل معنى لبكارة الصبايا
..................
......................
أنا أغبى واحد فى السياسة والكياسه
لكنى حافظ كل غزوة وكل نزوة ف التاريخ
وعارف ان الأرض عرض صبيه وفى شرعى أمانه
إن خدها منى معتدى مايردهاش أبداً صراخ
وان كان لابد نحط إيدنا ف الجيوب باسم السياسة
نعمل عمل " أمريكا " أم كام مليون زبانة
مع بنتها الفاجره الزنيمة
وندِّى أولادنا السلاح
ندَّى أولادنا السلاح
ندَّى أولادنا السلاح
" حى على الفلاح "

هي رساله مباشرة من قلب الوجع
لله درك