حالة توهان

	مش عارف احبك حب عشانه أعيش فرحان مش عارف ليه أنا عايش جوا الخوف دايما قلقان مش عارف مش عارف اكتب أي كلام لو حتى قصيدة كل معاني الشعر فـ راسي لقيتها بعيدة كل ما افكر أوَنِّسْ رُوحِي الاقِيهَا وَحِيدَة مِشْ عَارِفْ أَحْلَمْ زَيِّ النَاسْ أَحْلاَمْ تِتْحَسْ مِشْ عَارِفْ أّعْمِلْ أي عَمَل من غير اليأس مخنوق م الدنيا ومن ناسها العايشين ف النحس أحيانا بفرح وبتوِّه وبقول معلش أيام بنعيشها وبتعدي تحلو ساعات وساعات توحَشّ وزمان القلب المؤمن كان بيقوللي كتير.... معلش لكن مات القلب المؤمن جوا القفص الصدري وساب العش جربت الفرح اشكال والوان وكأني بغش مش عارف ليه ؟ ! من إيه حيران؟ ! حاسس بالهم من كل الناس العايشة العيشة المرة ف حلم من دولة بتنهي كل أمال النصر بـ سِلْم من طفل مخدر ولا محشش ولا شباب بيبيعوا الدم ولا لإني غريب مش لاقي حنان من صدر الأم مش عارف ... مش عرف حتى أنا ليه مش عارف مش عرف حتى أنا ليه مش عارف ألاقي إجابة لأي سؤال مش لاقي كلام ينفع يتقال مش عارف حتى أنا ليه تايه... ومعدش أمان وهآمن مين على قلب حزين ؟ مش عارف يعرف ليه زعلان ودموعي المالية خدودي بتنزل فوق الورقة اللي انا بكتبها بتنسخ م الأحزان أحزان وصداع بيفجر راسي وعيني .. وتحت حواجبي نيران بركان والبرد مبهدل جسمي وحاسس إني ماعنتش انفع اكون أنسان وهكون إنسان من قلة عقلي عشان اتهان؟ مش عايز حتى اكون انسان خليني لوحدي بعيد احسن. أحسنلى ان افضل مش عارف وإجابة أي سؤال هتكون؟؟؟؟؟؟ {للأسف انا برضه مانيش عارف}

مصطفى!!!
قصيدة جميلة من شاعر جميل
طغت عليها مشاعر الحزن واليأس
إحكام الفكرة والكلمة والتصوير
جاءت الكلمات على قدر الفكرة
وجاءت الصورة موحية معبرة
أبدعت يا صديقى
فرج الله الكرب
سعيد بعودتك
تقديرى وشوقى
وائل القويسنى

العزيز مصطفى..

وجدتك تحاول التناغم بين السطر وقرينة ، بين الكلمة والصورة ، بين اللحظة الشاعرة وبين الدفين الكامن في القلب والنفس ، ولاانكر بانك قد نجحت في جذب المتلقي.

محبتي
جوتيار

مصطفى!!!
قصيدة جميلة من شاعر جميل
طغت عليها مشاعر الحزن واليأس
إحكام الفكرة والكلمة والتصوير
جاءت الكلمات على قدر الفكرة
وجاءت الصورة موحية معبرة
أبدعت يا صديقى
فرج الله الكرب
سعيد بعودتك
تقديرى وشوقى
وائل القويسنى

حبيبي وأخي وأستاذي وائل كيف البشر يعيشون بدار مثل الدا الموجود أنت فيها
لا شك أنهم في أحسن حال منا
ولكني أتساءل هل يتساءلون كما تساءلت عن حال الناس في البلاد التي نعيش نحن فيها؟

صدقني هتلاقي إجابتك {مش عارف}
هههههههههههه
واحشني ووحشاني القعده معاك
تحياتي

:
::
قصيدة جميلة بالفعل .
سلمت ودمت بخير

تقبل خالص تفديري وتراتيل ورد

مصطفى عمار
لأنى أحبك
سانقل لك إحساسى
ولأنك تحبنى
فستسمح لى
بالكلام

أشعر ان النص به قلق
عايز يقول وخايف يقول
فايقول حاجات
غير الحاجات اللى كانت مطلوبة تنقال


تحياتى
وربما أخطأ إحساسى


ولكن هذا لا يمنع
اعجابى وثقتى
بأنك شاعر فحل
هههههههههههههههههههه

الشاعر مصطفى عمار : سلام الله عليك ورحمته وبركاته ... لاأظن أن مستواك في العامية يختلف كثيرا
عن مستواك في الفصحى وإن كنت أراك في العامية أقوى. ولقد لاحظت أن هذه القصيدة فيها روح جديدة
لم أعهدها منك قبلا .. ولي فلسفة خاصة في تسميتها ،وهي أن التائه لايدرك الأمور من حوله ولايكثر الأسئلة
فعدم علمه بالأشياء جهل ليس توهان ، وعلى هذا فأنا أبدي اعتراضي على العنوان ، والأفضل - في رأيي- أن يكون ( مش عارف ليه؟). تحيتي ومودتي لك.

ششششكرا علاء عيسى

لأننى كنت متأكد انك تحبنى
ولذا
تكلمت بما اشعر
تحياتى
ايها الجميل

شاعر شاعر
أتدري لماذا؟
لأنك قد عبرت عن كثير مما يشعر به الكثيرين فيها
شكراً أيها المتألق