متخدّرين
الله يسامحه البِنْج
لو خَف مفعوله
يطلع كلام من ألم
كان مستحيل قوله
خرجنى عن عهدنا
مش برضو كان عهدنا؟
نخرج عن المألوف
نقسم حدود الخوف
للحلم ونعدّى
يحْكُم خطانا ثبات
فنطير بدون جناحات
ونصَحّى روح النَّص؟
ولاّ الشيطان أوحى
عند النهاية وقَص
و شد من غَضبِتى
كل الحروف جارحة
ولْتَسقُط الكلمات
فاضحة الغضب لو بات
فى شهوره يتحمل
وامّا الأناية اتمَلِت
كَبّ العشم فى القول
و لكل روح طاقة
لو ضغط صاب دمّها
الحِمْية بتضمها
وساعتها ما يهمها
لو تخسر العالم
كان مين وقف جنبها
غير شكوى من ظالم
فتقول بعِظْم الزهق
جبتك تعين ياللى
تلْفح ولا تخَلّى
لقلوبنا عندك عشم
لو كنت بتقَدَّر
كان كافى إن الهدف
موهوم ومتخدّر
بس انت مش من هنا
ولا تنتميش للبُنا
ولا كنت يوم مشروع
يا ضعف أضعف شبح
الحلم مَهْمان وَضَح
بالوقت مات م الجوع
فرضًا تكون مطرحه
هتحط ألف سؤال
باللى رماك عندنا
أحلامه لو مؤمنة
و عيونه شبعانة
كان برضو م الجدعنة
ياخدك على خوانة ؟
رد مع اقتباس
المشاركة الأصلية كتبت بواسطة خالد الهواري
