حياتى خيوط

أستاذي الفاضل تحياتي لقلمك البارع واحساسك المبدع وشعورك الجميل
الحياه إيه غير خيوط
زي دنيا العنكبوت
خيطه فرحه..وخيطه جارحه
وخيطه جايبه معاها موت
خيطه شده القلب مني
وخيطه سايبه دموع ف نني
وآهه طالعه بالف صوت
الحياه إيه غير خيوط
تحياتى لك واحترامى
المخلص / أحمد موسي

الشاعر الجميل أحمد
مداخلة رائعة وتفاعل أسعدنى كثيراً
تحياتى لك
ولكلماتك

إي يافنان مستني ردك على

1 - ف رثاء عدنان البحيصي
2 - يالي بتسعدينى
3 - كل حياتي

أنا بنتظر ردك

حياتى خيوط


حياتى خيوط ...
بتتلوِّن وتتشكِّل
وبتكوِّن تفاصيلى
تحدد إمتى راح أفرح
وإمتى الحزن هيجيلى
وبين الحزن والفرحة
ألاقى خيوطى ممدودة
- بطول العمر -
خيوط جارحة ... خيوط سُودة
بـ تتلوِّن بلون الليل
وبتفصَّل ثياب الـمُر
تعبَّرعَ اللـِ جوايا
فى وقت الشَر
وبتكعبِل خيوط الفرْح
بخيط من شوك
يسيب جوايا مليون جرْح
واعيش تايه فى وسط خيوط
فِ لحظة ألمح
نهاية خيطى معقودة .. بخيط ابيض
ومتلوِّن بلون النور
وبيدارى خيوط الحزن فِ ثيابى
والاقى الفرحة بتخبط
على بابى
مفيش غير لحظة والتانية
تِرُوح ماشية وسيبانى
أنادى يا فرحة وحشانى
- بِعِلْو الصوت -
خيوط الحزن خنقانى
ومن بعدك هاعيش فِ سكوت
تقول راجعة
أكيد راجعة
- ولو طالتْ سنين الحزن
ولو كانتْ
ثوانى الفرحة معدودة -
ما تنسانى
مادام البسمة موجودة
تِرُوح ماشية وسيبانى
فبحدف نفسى وسط الخيط
واعيد الكَرَّة من تانى

انت جميل يا محمد كما قلتلك قبل كده
وجدت هنا ابداع والله
وفكرة رائدة وجميلة ذكرتني بقصة قصيرة ليا اسمها
مسيرة طوق
معالجة ولا اروع
ساعود لها مرة اخرى
دمت بكامل ابداعك

إي يافنان مستني ردك على
1 - ف رثاء عدنان البحيصي
2 - يالي بتسعدينى
3 - كل حياتي
أنا بنتظر ردك

أنت تؤمر يا أحمد
المشكلة أنى مش بتواجد بشكل مستمر فى الملتقى
ولكن أنا يسعدنى أنى أقرأ لشاعر زيك
تحياتى

انت جميل يا محمد كما قلتلك قبل كده
وجدت هنا ابداع والله
وفكرة رائدة وجميلة ذكرتني بقصة قصيرة ليا اسمها
مسيرة طوق
معالجة ولا اروع
ساعود لها مرة اخرى
دمت بكامل ابداعك

الأستاذ الجميل طنطاوى
سعيد جداً بمرورك
وجميل أنها ذكرتك بقصة لك
ولكن الأكيد أنها ليست بجمال قصتك :)
فى إنتظار عودتك
تحياتى

خيوط الحزن خنقانى وربطانى
وجو القلب جارحانى
بخاف اقطعها تدبحنى
واخاف تدبحنى لو برضه مهقطعهاش
يافرحة جددى القوة
معايا يلا بالهمة
وساعدينى وساااااعينى اكمل عمرى جواكى
خيوط الحزن خنقانى
تعالى يلا فيكيها
عشان افرح وماحزنش
المبدع / محمد عبد القادر قصيدة رائعة أبدعت فيها
خرجت من القلب ووصلت الى القلب
تحياتى وتقديرى لقلمك الصادق
دمت مبدعا

خيوط الحزن خنقانى وربطانى
وجو القلب جارحانى
بخاف اقطعها تدبحنى
واخاف تدبحنى لو برضه مهقطعهاش
يافرحة جددى القوة
معايا يلا بالهمة
وساعدينى وساااااعينى اكمل عمرى جواكى
خيوط الحزن خنقانى
تعالى يلا فيكيها
عشان افرح وماحزنش
المبدع / محمد عبد القادر قصيدة رائعة أبدعت فيها
خرجت من القلب ووصلت الى القلب
تحياتى وتقديرى لقلمك الصادق
دمت مبدعا

الشاعرة الصاعدة الواعدة إلهام
أشكر لكِ جميل مرورك هنا
وسعيد بتفاعلك
وكلماتك التى أضافت للصفحة جمالاً
تحياتى

الشاعر محمد عبد القادر: قصيدتك جميلة جدا وفكرتها رائعة
وجديدة لم أرها قبلا .. تحيتي لك

الشاعر محمد عبد القادر: قصيدتك جميلة جدا وفكرتها رائعة
وجديدة لم أرها قبلا .. تحيتي لك

الحبيب أحمد محسن الحديدى
سعيد بمرورك هنا أيما سعادة
و أعتذر سلفاً عن التأخير فى الرد
لك الود و الورود
تحياتى

المبدع محمد عبد القادر
أنت جميل وجميل وجميل
ياحاج طنطاوى النص ده والله حقه التثبيت
مبدع يا محمد
منتظرك !