الفرق بينى وبينك
انك مشاعرك حجارة
وانك مساهمة ف بنايا
رغم ان قربك ..خسارة
ف كفاية رملك خنقنى
وردمنى جوا جروحى
وانا روحى سور من ورق
رسمه المهندس سطوحى
وسطوحى ده من حبايبك
ماشى فى خطك شوارع
وانتى شوارعك حفر
بلعانة كبشة موانع
منعانة حضن الرصيف
بيعانة معدة بتعوى
طب ايه هنقدر نضيف
واحنا.. بطونا بتكوى
فمتعمليش..
بتحبى فيا
انا اصلى فاهمك من زمن
لو كنتى بنتينى بروحك
كان يفرق الطوب ف التمن