أحدث المشاركات
النتائج 1 إلى 9 من 9

الموضوع: يبقى مين المجرمين؟ رد على فيلم {فتنة}

  1. #1
    الصورة الرمزية د صبرى إسماعيل قلم مشارك
    تاريخ التسجيل : Feb 2008
    المشاركات : 145
    المواضيع : 18
    الردود : 145
    المعدل اليومي : 0.03

    Thumbs down يبقى مين المجرمين؟ رد على فيلم {فتنة}

    يبقى مين المجرمين؟
    ******
    أشعار الدكتور صبرى إسماعيل
    ******
    { رد على فيلم {{فتنة }}لعن الله من شارك فيه من أشرار الغرب والمجرمين }
    ******
    دا احنا شعب المؤمنين---------العرب والمسلمين
    والرسالة دنيا دين---------------قائدى هوّ الأمين
    يبقى مين المجرمين؟!
    ******
    قدوتى هوّ رسولى------------لا منافق لا وصولى
    والصحابة وصّلولى--------------دين لكل العالمين
    يبقى مين المجرمين؟!
    ******
    جيشكوا جانا بألف حملة—بالخراب والخِطة كاملة
    وانتوا عملة بعد عَملة------برضوا لمتوا المسلمين
    يبقى مين المجرمين؟!
    ******
    حتّى كُفارك يامكة---------واللى حاصر بلدى عكّا
    واللى خرّب فيكى دكّا--------برضه جيش المعتدين
    يبقى مين المجرمين؟!
    ********
    بالحصار بيخندقونا--------فى المدينة يهود باعونا
    وبسفالة بيخونونا-------------واحنا كُنّا مسالمين
    يبقى مين المجرمين؟!
    *******
    حتّى كِسرى واهل فارس------لولا إن الربّ حارس
    والعرب فيهم فوارس----------كان زمانّا مدفونين
    يبقى مين المجرمين؟!
    *******
    حتّى فى عهد الرومان------خانوا أى عهود أمان
    جزية ندفع وامتهان---------والدماء سالت سِنين
    يبقى مين المجرمين؟!
    *******
    ولبلادى وصل التتار-------والشجر عانى الدمار
    والظلام غطّى النهار-----------دم صارخ بالأنين
    يبقى مين المجرمين؟!
    *******
    واسألوا الظالم لويس------اللّى هاجم بالدسيس
    ليه كارهنا ياخسيس--------حِلمه نصبح ميتين
    يبقى مين المجرمين؟!
    *********
    و ف معارك العلمين-------------الضحايا ملايين
    والقنابل شاهدين----------زادوا فينا المجروحين
    يبقى مين المجرمين؟!
    *********
    والطلاينة يغزوا ليبيا------كان هدفهم نبقى سوبيا
    أصبحوم فى عيشة لوبيا—ب ال {عمر} أسد العرين
    يبقى مين المجرمين؟!
    *******
    سوريا عانت والجزائر-----من فرنسا وظلم جائر
    هبّ فيهم شعب ثائر----------شهدا كانوا ملايين
    يبقى مين المجرمين؟!
    ******
    فى ارض تونس والصومال-إعتدى الغرب ب خبال
    يتّموا كل العِيال------=-------واتنهب كل الثمين
    يبقى مين المجرمين؟!
    ******
    حتّى هتلر دكّ فينا---------فى البوادى والمدينة
    طياراته ياحزينة----------ليه يكون الظلم دين!
    يبقى مين المجرمين؟!
    ******
    ياعزيز ,ياعزيز-------------كبّة تاخد الاِنجليز
    من شروركم نستعيذ-------إحنا واهل المؤمنين
    يبقى مين المجرمين؟!
    *******
    حتى مينا وبونابارته-----غيروا فى الدنيا خارطة
    م البحار والبر ساقطة-----والتاريخ كاتب حزين
    يبقى مين المجرمين؟!
    *******
    دم صابرا وشاتيلا----—جاتكوا خيبة وألف نيلة
    داانتوا للسفاح وسيلة---------رغم كمّ المقتولين
    يبقى مين المجرمين؟!
    ******
    واللى هاجمك ياكابول--داس فى أرضك زى غوول
    حاجة تِخبل فى العقول--------إرحلوا حالاً وحين
    يبقى مين المجرمين؟!
    *******
    جيشكوا ليه وصل العراق------للعرب أصبح وباء
    البطل أعلنها لاء-------------إلاّ أرضك ياحسين
    يبقى مين المجرمين؟!
    ********
    دم يجرح قلب قانا-----------بالجبان اللىّ كوانا
    ليه شروركم ساكنة دانة----حتى مارحمت جنين
    يبقى مين المجرمين؟!
    ******
    واتسرق أرض العروبة------أمريكا يابلاد لعوبة
    ها رجمك لو حتى طوبة----لو ماتمشى وترحلين
    يبقى مين المجرمين؟!
    ******
    كلكم داعمين عصابة------مجرمين زى الديابة
    ماتقولوش إحنا فى غابة—مهما تصرخ فلسطين
    يبقى مين المجرمين؟!
    *******
    قوموا عِدّوا كام قتلتم------قولو ليه للعهد خنتم
    دا احنا أهل الله وكنتم---------جُند إبليس اللعين
    يبقى مين المجرمين؟!
    *******
    ألف لا ل الإحِتلال--------مهما زِدتم فى المقال
    إسرائيل إلى زوال----------باِذن رب العالمين
    باِذن رب العالمين
    *******
    يابلاد الغرب دا اِحنا--------اللىّ إرهابكم دبحنا
    والعرب عاشت فى محنة--وب سببكوا يامجرمين
    يبقى إنتوا المجرمين
    حتماً إنتوا المجرمين
    البريد atfal6@yahoo.com
    الموقع{ طبى اسلامى أدبى}
    Geocities.com/tabeby

  2. #2

  3. #3
    قلم نشيط
    تاريخ التسجيل : Apr 2009
    الدولة : مع من يحسبون أنهم يحسنون صنعا
    المشاركات : 373
    المواضيع : 26
    الردود : 373
    المعدل اليومي : 0.09

    افتراضي

    رائع جدا يادكتور صبرى

    استطعت اخراج شحنة غضب تملكتنى بهذا النص الجميل
    تقديرى

  4. #4

  5. #5
    الصورة الرمزية د صبرى إسماعيل قلم مشارك
    تاريخ التسجيل : Feb 2008
    المشاركات : 145
    المواضيع : 18
    الردود : 145
    المعدل اليومي : 0.03

    افتراضي

    اقتباس المشاركة الأصلية كتبت بواسطة أحمد حاتم مشاهدة المشاركة
    رائع جدا يادكتور صبرى

    استطعت اخراج شحنة غضب تملكتنى بهذا النص الجميل
    تقديرى
    أخى المبدع أحمد حاتم أشكرك سيدىوانا ايضا اخرجت شحنة الغضبلاننا ساكتين أمام جبروتهم

  6. #6
    شاعرة
    تاريخ التسجيل : Jan 2010
    الدولة : على أرض العروبة
    المشاركات : 34,923
    المواضيع : 293
    الردود : 34923
    المعدل اليومي : 9.06

    افتراضي

    أنشودة جميلة تستحق من يلحنها ومن ينشدها
    وتستحق أن تترنم بها الناس في كل وقت
    ليتنبه الجميع للحقيقة " مين المجرمي"

    أحسنت شاعرنا

    دمت بألق
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  7. #7

  8. #8
    الصورة الرمزية د صبرى إسماعيل قلم مشارك
    تاريخ التسجيل : Feb 2008
    المشاركات : 145
    المواضيع : 18
    الردود : 145
    المعدل اليومي : 0.03

    افتراضي

    [QUOTE=ربيحة الرفاعي;622161]أنشودة جميلة تستحق من يلحنها ومن ينشدها
    وتستحق أن تترنم بها الناس في كل وقت
    ليتنبه الجميع للحقيقة " مين المجرمي"

    أحسنت شاعرنا

    دمت بألق[/
    QUOTE
    اشكرك سيدتى بارك الله فيكى

  9. #9

المواضيع المتشابهه

  1. وَطَني العراقُ - ردّا على ردٍّ للشاعر رياض المحمّدي في ( عيونها)
    بواسطة عادل العاني في المنتدى الشِّعْرُ الفَصِيحُ
    مشاركات: 20
    آخر مشاركة: 10-09-2016, 04:05 PM
  2. (ليست الدنيا لمثلي موطنا) ردٌ على قصيدة (موطني الدنيا) للشاعر الفاضل:جورج جريس فرح
    بواسطة سعد بن ثقل العجمي في المنتدى الشِّعْرُ الفَصِيحُ
    مشاركات: 4
    آخر مشاركة: 28-07-2010, 11:52 AM
  3. همس الجواري - ردّ على رائعة أخي د. سمير العمري
    بواسطة محمد المختار زادني في المنتدى الشِّعْرُ الفَصِيحُ
    مشاركات: 8
    آخر مشاركة: 31-08-2006, 09:22 PM
  4. بنتُ جبيلَ ... ردٌّ على قصيدة الشاعر سلطان السبهان " آخر قصيدة غزل "
    بواسطة عادل العاني في المنتدى الشِّعْرُ الفَصِيحُ
    مشاركات: 30
    آخر مشاركة: 23-08-2006, 10:45 AM
  5. يا توأم الروحِ ... ردٌّ على قصيدة اليمامة
    بواسطة عادل العاني في المنتدى الشِّعْرُ الفَصِيحُ
    مشاركات: 18
    آخر مشاركة: 20-08-2006, 12:15 PM