انا شفت صورة
فى عز نومى
لوحدة حولة والتانية عورة
والتالتة...شايفة وما بتنطقش
والصورة تانية
صرصور جيرانا
عايش فى جنة
وصاحبه صرصر..
بردو ما فقش
والصورة تالتة
بحسبها فالتة
الناس فى زحمة
وما بتزهقش؟؟
اتارى ملقط
عمال بيلقط
فى جيوب غلابة
فيه ناس ديابة ما بتعتقش
والصورة رابعة
حياتنا صعبة
الموس يتلم ويا المعلم
وزبونه يخرج
ولا يحلقش
والصورة خمسة
خيال وفرسة
فى لجامها ماسك
وف ايده ...يافطة
الناس فى ضنك
وما بتزعقش
والصورة ستة
فى كل حتة
انا شفت كورة
عمالة تجرى
وكام مكسح
عمال بيحبى عشان يجبها
ما بيلحقش
والرمز واضح
الكورة ..عااااالم
والناس معالم
وان كنت فاهم
ما تعلقش