أحدث المشاركات
صفحة 1 من 2 12 الأخيرةالأخيرة
النتائج 1 إلى 10 من 13

الموضوع: مانيش راجع

  1. #1
    الصورة الرمزية مصطفى عمار شاعر
    تاريخ التسجيل : Jun 2006
    العمر : 33
    المشاركات : 144
    المواضيع : 29
    الردود : 144
    المعدل اليومي : 0.03

    افتراضي مانيش راجع


    يا عم البحر طمني
    على الناس الي ظالميني
    شتيمة وسب وسط الناس
    مفيش رحمة ولا احساس
    دانا المطرود
    ومش عارف أكون موجود
    عشان اصرخ واقول الحق
    واقولك لأ
    مانيش ظالم ولا جارح دانا المجروح
    صوابعك لسة فيها الدم مش هيروح
    هتفضل تبكي في الضلمة
    ياظالم كنت او ظالمة
    مسيرك تعرف اني خلاص
    مسحت مشاعر الاخلاص
    وجيت عندك ادق الباب
    تقابلني بوش هباب
    وكان حالي ماهوش خافي
    دانا جيتلك كمان حافي
    عشان حافي؟ ترد الباب؟!
    حاولت انسى الجراح واقسى
    لقيت النفس مش حسة
    باي فرح واي عذاب
    واسيب الناس هناك وارجع
    واسيب اهلي كمان واقطع
    وسافرلك بعيد واقطع
    مسافاتي عشان انفع
    ترديني؟!
    ليالي سهرنا نتكلم
    ونتعاتب ونتعلم
    وحالي ف غربتي اتقدم
    وبيت ندمي بيتهدم
    جمعت الشبكة بالمليم
    وربي وحده هو عليم
    عملت ال اللي كالمحاريم
    وبسال تاني عن قلبك
    الاقيكي بعدتي خلاص
    حاولت اوصل ما بوصلش
    غريق تايه ما بيعومشي
    قفلت عنيا وسط البحر
    وسلمت الحياة للغدر
    ومت خلاص
    مانيش راجع
    ومش هنفع اكون راجع
    لاني خلاص اكلني البحر

  2. #2
    الصورة الرمزية أحمد موسي شاعر
    تاريخ التسجيل : Mar 2009
    الدولة : حيث مات الأمل
    العمر : 33
    المشاركات : 1,925
    المواضيع : 72
    الردود : 1925
    المعدل اليومي : 0.46

    افتراضي



    وليه يا صحبي مش راجع ؟؟
    بعادك شئ مهش نافع
    تعالى نخلّي أيامنا
    حقيقه فـ قلب أحلامنا
    يا درش الجرح بيقويي
    هنقوى يا صحبي صدقني
    فقول شعرك وسمعني
    د انا من بدري مستنيك
    وبندهلك ومش بلاقيك
    واقول يا شعري قول حاجه
    الاقي الشعر منّك ليك
    عشان الشعر منّك فيك
    يا درش تعالى من تاني
    وعلّي الصوت فـ ألحاني
    د انا فرحان عشان راجع
    فجيّ تقولي مش راجع ؟!!
    حرام د احنى اللي بنحبك
    وشوقنا ف قلبنا والع
    وسامح موسى يا عمار
    عشان حرفه قصاد حرفك
    يكون خايب يكون مايع
    تعالى ياصحبي ويّانا
    نشوف بكره النهار طالع
    نجيب الشبكه من تاني
    ونخطب واحده تستاهل
    تكون من بيت أصيل طاهر
    ولو بـ الماس مـ تتاقل
    وحاول تاني راح توصل
    فمتقلّيش منش راجع



    وأديك رجعتلنا بعد شوق يا صديقي الحبيب

    مصطفى عمار

    شاعر وأي شاعر انت يا مصطفى

    فرحتي هنا بعودتك لينا بالسلامه وبالكرسي الأول في التعليق

    ربنا ما يحرمنا من وجودك معانا يا "قلم يا مشارك"

    مبروك الترقيه

    وان شاء الله هتتشال دي ويتحط شاعر متميز بس الصبر

    تحياتي
    تلميذك / أحمد موسى

  3. #3
    الصورة الرمزية مصطفى عمار شاعر
    تاريخ التسجيل : Jun 2006
    العمر : 33
    المشاركات : 144
    المواضيع : 29
    الردود : 144
    المعدل اليومي : 0.03

    افتراضي أنا راجع ومش راجع

    زمان كنا
    فـ بحر الحب ع المركب
    ولما الموجة كات تعلى
    نلاقي بطننا تكركب
    فنحضن شوقنا من خوفنا
    لامركب حبنا تقلب
    ووسط الموج لقيت صحبي مع الموجة
    بيقلبني على ضهري بدون مركب
    ولما ناديته كان سامع وبيطنش
    وراح للناس يشهدهم على ظلمي
    لاني سيبته وسط الموج لوحده بس ع المركب

    ياعم احمد
    انا راجع ومش هبعد
    دا انا اللي رسمت موج البحر متجمد
    وانا اللي بنيت فهيصة قلبهم مسجد
    وانا اقوى من الماضي
    ومش يعني عشان فاضي
    بيتمسكن ويتنهد

    نسيته خلاص
    ومش راجع ولو دندن عليا ولاص
    هسيبله شفطة من كاسي
    دا انا نسيته وكان ناسي
    وخدت التاج على راسي
    ومابين اهلي وبين ناسي

    وشوفت الحب في الاعماق
    مهوش برياء ولا بنفاق
    وشوفت جماجم العشاق
    وشفت كنوز بدون آخر
    فقاع البحر
    كتبت الشعر جوا البحر
    فقابلتني عروس البحر
    وكان فرحي فيوم واحد كدا من شهر
    وصرت عريس فكوشة كبيرة جوا البحر
    كفاية عليا اني بقيت
    أمير البحر

  4. #4
    الصورة الرمزية الطنطاوي الحسيني شاعر
    في رحمة الله

    تاريخ التسجيل : Jun 2007
    المشاركات : 10,901
    المواضيع : 538
    الردود : 10901
    المعدل اليومي : 2.28

    افتراضي

    كفايا علينا ان نزفك لحب البحر
    نزوقلك عروس البحر جوة القصرد
    ونهديها لاغلى عريس تقى ونضيف
    نباركها لآغلى ونيس جميل وعفيف
    نقول بالحلم يا ناسنا هنمحي الظلم
    ولا نلاقي اللي ياكل شبكة الخاطب ف عز الضهر
    وتتبخر بكرشو فلوس وكسر الضهر
    كفايا عليك يا درش نور عروسة البحر
    اخي مصطفى عمار اشتقنا لحرفك المبدع
    ولكن الا تخرج من الخطوبة الا لخطوبة
    يعني واحد سبقك المرة اللي فاتت واللي شبكت ياكلو الشبكة
    نحن نريد امتاع شعرك ف غير مواضيع ولو انها تمس حياتنا وامراض ياما اكلتنا
    أمانة عليك لو تضيف تعليقك على احمد موسى الحبيب للقصيدة لان القفلة كلها امل ورائعة فعلا وتحذف ما تعلق باخينا احمد
    رغم انه سببه
    اشكركما من القلب للابداع والتألق
    والقصيدة للتثبيت تقديرا للابداع والقصد الجميل

  5. #5
    الصورة الرمزية أحمد محسن الحديدي شاعر
    تاريخ التسجيل : Oct 2007
    الدولة : المنصورة - مصر
    المشاركات : 237
    المواضيع : 22
    الردود : 237
    المعدل اليومي : 0.05

    افتراضي تعليق

    اخي مصطفى سلام الله عليك ورحمته وبركاته
    القصيدة الآولى موضوعها الشكوى والثانية موضوعها التمرد
    ولا أعتقد أن ثمة علاقة بين القصيدتين لكن الثانية أجمل إلى حد ما في الصور والحبكة الفنية والنهاية
    وأما الآولى فقد أخذت عليها
    1 أنك خاطبت البحر في البداية ثم جعلت نفسك منغمسا فيه في النهاية
    2 أن سبب عدم رجوعك هو أن البحر قد أكلك لا مللك وعدم رغبتك في المحاولة لما قد بدر لك
    وهذا تعارض بين
    3 النهاية لم تكن جيدة ؛ لأنها فصلتني عن القصيدة بدون تمهيد على عكس النهاية في الثانية
    فقد كانت رائعة.

  6. #6
    الصورة الرمزية محمد عبد القادر شاعر عامية
    تاريخ التسجيل : Mar 2009
    الدولة : مصر - الأسكندرية
    المشاركات : 1,036
    المواضيع : 32
    الردود : 1036
    المعدل اليومي : 0.25

    افتراضي

    فكرة النص جميلة جدا
    و التعبير عنها أجمل
    بس أنا رأيى من رأى الحبيب أحمد محسن الحديدى
    الفقرة الثانية كانت أجمل
    تحياتى لك أيها الشاعر
    و
    إلى لقاء

  7. #7
    الصورة الرمزية د. سمير العمري المؤسس
    مدير عام الملتقى
    رئيس رابطة الواحة الثقافية

    تاريخ التسجيل : Nov 2002
    الدولة : هنا بينكم
    العمر : 55
    المشاركات : 40,478
    المواضيع : 1090
    الردود : 40478
    المعدل اليومي : 6.29

    افتراضي

    أفتقدك يا مصطفى فأرجو أن تكون بخير وعافية.

    نص رقيق وجميل ومليء بالشجن.

    دمت بخير وعافية!

    وأهلا ومرحبا بك دوما في أفياء واحة الخير.


    تحياتي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  8. #8
    الصورة الرمزية نادية بوغرارة شاعرة
    تاريخ التسجيل : Nov 2006
    المشاركات : 20,304
    المواضيع : 328
    الردود : 20304
    المعدل اليومي : 4.08

    افتراضي

    إبداع مزدوج و أداء شعري مميز لم يفارق أي من النصين .

    الشاعر مصطفى عمار ،

    بوركت و دمت بكل خير .
    http://www.rabitat-alwaha.net/moltaqa/showthread.php?t=57594

  9. #9
    شاعرة
    تاريخ التسجيل : Jan 2010
    الدولة : على أرض العروبة
    المشاركات : 34,923
    المواضيع : 293
    الردود : 34923
    المعدل اليومي : 9.14

    افتراضي

    مفيش رحمة ولا احساس
    دانا المطرود
    ومش عارف أكون موجود
    عشان اصرخ واقول الحق
    واقولك لأ
    مانيش ظالم ولا جارح دانا المجروح
    صوابعك لسة فيها الدم مش هيروح

    حاولت اوصل ما بوصلش
    غريق تايه ما بيعومشي
    قفلت عنيا وسط البحر
    وسلمت الحياة للغدر
    ومت خلاص
    مانيش راجع
    ومش هنفع اكون راجع
    لاني خلاص اكلني البحر


    لبعض الحرف ما يشبه أثر اختراق الخنجر للقلب
    تضع يدك من غير قصد على صدرك حين تقرأه كأنما تحاول تحسس الدم النازف
    وقد جعلتني حروفك أتحسس دما تصورت قلبة ينزفه

    مدهش أنت أيها الشاعر

    تحيتي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  10. #10
    الصورة الرمزية محمد حسن النادي أديب
    تاريخ التسجيل : Jun 2012
    الدولة : بين رفات الذكرى
    العمر : 36
    المشاركات : 194
    المواضيع : 16
    الردود : 194
    المعدل اليومي : 0.07

    افتراضي

    نصٌ جميل جداً
    تغلفه المشاعر..ولا يفتقد الشعور
    أحييك وأشكرك
    فقط استوقفتني تلك الجملة

    لقيت النفس مش حسة
    باي فرح واي عذاب
    الشطر الثاني قرأت به ثقل على غير البقية
    فهل أنا محق..أم أنني قرأتها على خلاف ما كتبتها أنت
    على كلٍ أشكرك جزيل الشكر

    cryheart
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    كل اللي باقي فـ دنيتي حبة صور على ذكريات

صفحة 1 من 2 12 الأخيرةالأخيرة

المواضيع المتشابهه

  1. مانيش مجبر
    بواسطة إكرام مجاور في المنتدى أَدَبُ العَامِيَّة العَرَبِيَّةِ
    مشاركات: 12
    آخر مشاركة: 04-07-2013, 08:53 PM
  2. مانيش فى المود
    بواسطة اسلام محروس في المنتدى أَدَبُ العَامِيَّة العَرَبِيَّةِ
    مشاركات: 28
    آخر مشاركة: 20-05-2008, 05:59 PM
  3. راجع اعشق
    بواسطة ابو ضحي في المنتدى أَدَبُ العَامِيَّة العَرَبِيَّةِ
    مشاركات: 2
    آخر مشاركة: 16-05-2008, 01:19 PM
  4. مانيش مارد ولاعصفور
    بواسطة أحمد إبراهيم أحمد في المنتدى أَدَبُ العَامِيَّة العَرَبِيَّةِ
    مشاركات: 14
    آخر مشاركة: 13-07-2007, 05:12 PM
  5. راجع يا لبنان
    بواسطة عبد الرزاق خلف في المنتدى أَدَبُ العَامِيَّة العَرَبِيَّةِ
    مشاركات: 6
    آخر مشاركة: 05-09-2006, 08:55 PM