أحدث المشاركات

أخت القمر» بقلم عبدالحكم مندور » آخر مشاركة: عبدالحكم مندور »»»»» شَبَقٌ ولَبَقٌ» بقلم احمد عقلان » آخر مشاركة: عبدالحكم مندور »»»»» عشتار و..المملوك» بقلم احمد المعطي » آخر مشاركة: عبدالحكم مندور »»»»» ألا يا سلاماً» بقلم ايهاب الشباطات » آخر مشاركة: عبدالحكم مندور »»»»» قيثارة طرب ..!» بقلم لبنى علي » آخر مشاركة: عبدالحكم مندور »»»»» فأثابكم غما بغم.» بقلم أسيل أحمد » آخر مشاركة: ناديه محمد الجابي »»»»» عبد الشكور» بقلم عماد هلالى » آخر مشاركة: ناديه محمد الجابي »»»»» الموت» بقلم عماد هلالى » آخر مشاركة: عماد هلالى »»»»» && خلص الكلام &&» بقلم عمر الصالح » آخر مشاركة: عمر الصالح »»»»» && زائرة &&» بقلم عمر الصالح » آخر مشاركة: عمر الصالح »»»»»

صفحة 1 من 3 123 الأخيرةالأخيرة
النتائج 1 إلى 10 من 21

الموضوع: بيقول ... إنسان !!

  1. #1
    قلم نشيط
    تاريخ التسجيل : Apr 2009
    الدولة : مع من يحسبون أنهم يحسنون صنعا
    المشاركات : 373
    المواضيع : 26
    الردود : 373
    المعدل اليومي : 0.09

    افتراضي بيقول ... إنسان !!

    البدايه
    عارف ياصاحبى هيه إيه .. !!
    .................................
    البدايه نطفه قذره
    والسكن إيه فى النهايه !!
    جيفه ملفوفه ف ملايه
    رمه نتنه
    والحدود
    كل سنتى يشغى دود
    والصديد مالى الفراغ
    بص شوف بين الخدود
    واللسان اخرس جبان
    ياما زيّف ياما خان
    ياما غالط ف البيان
    قوللى إنته تسوى إيه ...
    وللا أصلا كنت إيه ؟
    كنت هابط م الفضاء ...
    كنت شعره ف ريش ملاك !!!
    عاوز اقولك وانته عارف
    انك انته كنت نطفه
    كات ف لحظة فكره طايشه
    يعنى حشره ف شكل دوده
    راكبه من يومها الهلاك
    يللا قوم ابرى اللسان
    قوم وقول رتّب كلام
    من غير كسوف هات الوصوف
    إغلط فى حقى ...
    قول كمان
    عيش الغرور والكبرياء
    عيش العته
    إغرق جنان
    مهو إنته فوق
    أنا بانصحك ...
    يمكن تفوق
    ولأنى ذوق
    مش هاضربك
    ولا هاجرحك
    غير بس ساعة ما المحك
    هانده بشوق
    على بنت حره
    مهره أصيله طيبه
    شاربه الجمال
    من قبل منه انهارأدب
    جايبه الدلال وباليمين
    وفى الشمال
    شايله لقلبى ألف كيلو م الحنين
    د انا عمرها من ألف عام
    على الدوام طول السنين
    مكتوب لها
    ويوم ما اموت ...
    راح اندفن ف قلبها
    خليك صريح
    يابو اللسان عامل فصيح
    طهّر صراخك م الرديح
    لو كنت نابغ وبصحيح
    تعالى نقراها سوا
    وانده لحكّام الهوى
    خللى الكبار ويا الصغار يتفرجوا
    ويحللوا
    وينظّروها كلمتك
    همه أكيد راح يشهدوا
    وانا ضمنهم
    إن انته أصلا موهبه
    راقٍ البيان
    وبمعلمه تُحْسد عليها
    إنما
    جوه سطورك معضله
    متلونه متزخرفه
    بس اللى يقرا من جديد
    يلقى المعانى من صديد
    النيه بيه متغلفه
    بلفظ ساحر أبّهه
    يدخل القلب السليم
    بنيه صافيه يمدحه
    والنص حكمه فى الصميم
    مولود دميم
    لافف أساسه بعنصريه
    بدون مبرر ، مفرطه
    مقززه
    ميِّزت نفسك ياكليم
    ميِّز كمان
    إشبع كلام
    إيه الأماره ؟
    بأى دين ما تقولنا...
    إيه العباره ؟
    إرجع ووحد ربنا
    رب الخلايق كلها
    رب القلم
    رب المعانى والبيان
    رب الآداب رب الحِكَمْ
    خد من رسولك قدوه ليك
    يمكن بسيرته يحيى فيك
    حبة قيم
    عرفت إيه هيه الروايه
    ياسيدى هيه فى البدايه
    نطفه قذره
    والسكن إيه فى النهايه
    جيفه ملفوفه ف ملايه
    رمه نتنه
    ................
    من كل قلبى أنا أشكرك
    أحمد حاتم

  2. #2
    الصورة الرمزية أحمد موسي شاعر
    تاريخ التسجيل : Mar 2009
    الدولة : حيث مات الأمل
    العمر : 33
    المشاركات : 1,925
    المواضيع : 72
    الردود : 1925
    المعدل اليومي : 0.46

    افتراضي

    يا أخي والله أنا اللي من كل قلبي بشكرك

    أخيرا يا حبيبي قلبي رجعتلنا بالسلامه

    والله القصيدة من أولها لآخرها ممتازه

    بس تلميذك له رأي صغير

    تبقى :

    ياسيدى هيه فى البدايه
    نطفه مذره
    والسكن إيه فى النهايه
    رمه ملفوفه ف ملايه
    جيفه قذره

    من باب " أولك نطفة مذرة وآخرك جيفة قذرة
    وأنت ما بين هذا وذاك تحمل داخلك العذرة "

    كرأي فقط مش أكتر

    ومقدرش أدخل بشعر لإني هنا بملي بياني
    من نبع بيانك اللي ان شاء الله عمره ما هيجف

    يا حمّال الأسيّه
    يدايق مرار
    يا شارب ألامك
    ومتعة منامك
    بتقلب لنار

    يـ راضي بعذابك
    وضايع شبابك
    فـ غربه وكربه
    سببها .......
    وإيه اللي حاسه
    يا صحبي فـ جوابك
    تعالي وقول للجميع
    اللي صابك
    عشان صوتنا يعلى
    وجايز يا صحبي
    نحِسّ النهار


    صديقي الحبيب / أحمد حاتم
    فرحتي النهارده فرحتين والله
    فرحه لرجوعك بالسلامه وان شاء الله دايماً منتصر على
    كل المحن اللي تقابلك

    وفرحه تانيه إني أخدت الكرسي الأول هنا

    والقصيدة دي لازم تثبت على الأقل
    في قلبي

    يارب ميحرمني منك أبدا

    تلميذك

  3. #3
    الصورة الرمزية نادية بوغرارة شاعرة
    تاريخ التسجيل : Nov 2006
    المشاركات : 20,304
    المواضيع : 328
    الردود : 20304
    المعدل اليومي : 4.08

    افتراضي

    كلمات نبيلة و مواعظ جميلة ،

    و أسلوب سلس يصل للأفهام .

    أعجبتني مقطوعتك .

    تقبل مروري.
    http://www.rabitat-alwaha.net/moltaqa/showthread.php?t=57594

  4. #4
    الصورة الرمزية الطنطاوي الحسيني شاعر
    في رحمة الله

    تاريخ التسجيل : Jun 2007
    المشاركات : 10,901
    المواضيع : 538
    الردود : 10901
    المعدل اليومي : 2.28

    افتراضي

    اقتباس المشاركة الأصلية كتبت بواسطة أحمد حاتم مشاهدة المشاركة
    البدايه
    عارف ياصاحبى هيه إيه .. !!
    .................................
    البدايه نطفه قذره
    والسكن إيه فى النهايه !!
    جيفه ملفوفه ف ملايه
    رمه نتنه
    والحدود
    كل سنتى يشغى دود
    والصديد مالى الفراغ
    بص شوف بين الخدود
    واللسان اخرس جبان
    ياما زيّف ياما خان
    ياما غالط ف البيان
    قوللى إنته تسوى إيه ...
    وللا أصلا كنت إيه ؟
    كنت هابط م الفضاء ...
    كنت شعره ف ريش ملاك !!!
    عاوز اقولك وانته عارف
    انك انته كنت نطفه
    كات ف لحظة فكره طايشه
    يعنى حشره ف شكل دوده
    راكبه من يومها الهلاك
    يللا قوم ابرى اللسان
    قوم وقول رتّب كلام
    من غير كسوف هات الوصوف
    إغلط فى حقى ...
    قول كمان
    عيش الغرور والكبرياء
    عيش العته
    إغرق جنان
    مهو إنته فوق
    أنا بانصحك ...
    يمكن تفوق
    ولأنى ذوق
    مش هاضربك
    ولا هاجرحك
    غير بس ساعة ما المحك
    هانده بشوق
    على بنت حره
    مهره أصيله طيبه
    شاربه الجمال
    من قبل منه انهارأدب
    جايبه الدلال وباليمين
    وفى الشمال
    شايله لقلبى ألف كيلو م الحنين
    د انا عمرها من ألف عام
    على الدوام طول السنين
    مكتوب لها
    ويوم ما اموت ...
    راح اندفن ف قلبها
    خليك صريح
    يابو اللسان عامل فصيح
    طهّر صراخك م الرديح
    لو كنت نابغ وبصحيح
    تعالى نقراها سوا
    وانده لحكّام الهوى
    خللى الكبار ويا الصغار يتفرجوا
    ويحللوا
    وينظّروها كلمتك
    همه أكيد راح يشهدوا
    وانا ضمنهم
    إن انته أصلا موهبه
    راقٍ البيان
    وبمعلمه تُحْسد عليها
    إنما
    جوه سطورك معضله
    متلونه متزخرفه
    بس اللى يقرا من جديد
    يلقى المعانى من صديد
    النيه بيه متغلفه
    بلفظ ساحر أبّهه
    يدخل القلب السليم
    بنيه صافيه يمدحه
    والنص حكمه فى الصميم
    مولود دميم
    لافف أساسه بعنصريه
    بدون مبرر ، مفرطه
    مقززه
    ميِّزت نفسك ياكليم
    ميِّز كمان
    إشبع كلام
    إيه الأماره ؟
    بأى دين ما تقولنا...
    إيه العباره ؟
    إرجع ووحد ربنا
    رب الخلايق كلها
    رب القلم
    رب المعانى والبيان
    رب الآداب رب الحِكَمْ
    خد من رسولك قدوه ليك
    يمكن بسيرته يحيى فيك
    حبة قيم
    عرفت إيه هيه الروايه
    ياسيدى هيه فى البدايه
    نطفه قذره
    والسكن إيه فى النهايه
    جيفه ملفوفه ف ملايه
    رمه نتنه
    ................
    من كل قلبى أنا أشكرك
    أحمد حاتم
    اخي الحبيب احمد حاتم
    بعد السلام هنقول كلام
    دائما اقولك انت شاعر التصوير مش مصدقني
    القصيدة تشبيهية جميلة وتحمل ايضا شقين تعريف الانسان بقيمته وترجيعه لربنا وايضا تخويفه م الحساب
    على الكلام حتى ولو كان ماهر في النسج والبوح والتعبير لا يغني ابدا عن شرعية الموضوع وعدم الخلط
    ودس السم في العسل
    تحياتي لألقك وجمالك
    همسة لماذا نطفة قذرة الا تنفع نذرة او اي معنى يليق بالقصيدة النطفة نفسها ليست فيها قذارة والا لما خلق الله منها سيد الكون بعده سبحانه فلو نراجع الكلام معلش نعم هناك بعض المأثور ولكنه ليس دائما صحيح في كل مكان
    تحياتي لجمالك
    والقصيدة للثبيت استحقاقا وتقديرا لجلال الكلمة والدفاع عنها
    وان احببت تعديل شيئ انا تحت امرك ان شاء الله

  5. #5

  6. #6
    الصورة الرمزية محمد عبد القادر شاعر عامية
    تاريخ التسجيل : Mar 2009
    الدولة : مصر - الأسكندرية
    المشاركات : 1,036
    المواضيع : 32
    الردود : 1036
    المعدل اليومي : 0.25

    افتراضي

    احمد حاتم
    أنت شاعر كبير
    استمتعت بالعمل جداا
    و فتحت نفسى للكتابة فى العامية
    و أنا رأيى من راى عمنا الطنطاوى
    نذرة أفضل من قذرة
    حمد الله ع السلامة

  7. #7
    الصورة الرمزية خليل ابراهيم عليوي شاعر
    تاريخ التسجيل : Jun 2009
    الدولة : اليمن
    المشاركات : 2,105
    المواضيع : 98
    الردود : 2105
    المعدل اليومي : 0.52

    افتراضي

    اخي الكريم احمد حاتم الشاعر الواعظ و الفنان المبدع
    احسنت و بارك الله لك في حرفك

  8. #8
    الصورة الرمزية مروة عبدالله قلم فعال
    تاريخ التسجيل : Dec 2006
    المشاركات : 3,215
    المواضيع : 74
    الردود : 3215
    المعدل اليومي : 0.65

    افتراضي

    أخي أحمد

    معبرة وكأنها كتبت من أعماق العمق, وأتفق أيضاً مع رأي أخي الطنطاوي, ممتنة من القلب لما قرأت هنا.

    تقديري

  9. #9

  10. #10
    قلم نشيط
    تاريخ التسجيل : Apr 2009
    الدولة : مع من يحسبون أنهم يحسنون صنعا
    المشاركات : 373
    المواضيع : 26
    الردود : 373
    المعدل اليومي : 0.09

    افتراضي

    الحبيب الغالى أحمد موسى
    آسف على التأخير
    فرح أنا بك دوما وأسعد بمبادرتك فى التعليق
    وكما تعلم أنا أختلس الوقت وهذا يحد من الإسهاب في مواضع تستحقه
    فاعذرنى .
    أشكرك ياغالى على مشاعرك واحساسك العالى بما أمر به والذى عبرت عنه بارتجالك السريع
    اما النطفه سواء قذرة أو غيرها فاسمح لى بتناول الرد على شاعرنا الحبيب الطنطاوى منعا للتكرار .
    دامت موهبتك يابو حميد بجمال
    ودمت أخا غاليا

صفحة 1 من 3 123 الأخيرةالأخيرة

المواضيع المتشابهه

  1. حـتـى تـكـون إنسان راقي .. ذوق .. ومحترم
    بواسطة محمد عصام في المنتدى الاسْترَاحَةُ
    مشاركات: 8
    آخر مشاركة: 21-03-2006, 09:07 PM
  2. شظايا إنسان
    بواسطة سعيد أبو نعسة في المنتدى النَّثْرُ الأَدَبِيُّ
    مشاركات: 21
    آخر مشاركة: 24-12-2005, 11:49 AM
  3. "أنّني إنسان" ردّدتها سحائب الأجفان!!
    بواسطة كلمات في المنتدى النَّثْرُ الأَدَبِيُّ
    مشاركات: 4
    آخر مشاركة: 26-11-2004, 11:45 PM
  4. إنسان آلي من إنتاج شركة سوني
    بواسطة د. محمد صنديد في المنتدى عُلُومٌ وَتِّقْنِيَةٌ
    مشاركات: 3
    آخر مشاركة: 24-11-2004, 02:08 AM
  5. أنا إنسان
    بواسطة النجم الحزين في المنتدى النَّثْرُ الأَدَبِيُّ
    مشاركات: 1
    آخر مشاركة: 05-07-2003, 08:16 AM