هذا أبي

كانت ارتجالية سريعة ردّا على قصيدة الشاعر الحبيب/ مصطفى الجذار
وتفاعلا مع قصيدته (( إن قلت .... متخافشي ))
أرجو أن تتقبلوها بصدر رحب

	أنا ابويا أب حكيم وكلامه بسبوسه خبرة سنين وسنين واسمه سعيد موسى راجل تقي ورزين حافظ كتاب الله عايش مع القران وصباحه زيّ مساه شال الهموم شيله ولا همهوش من حد وبيعدل الميله وخصاله ما تتعد وكلامه زيّ السيف يقطع خيوط الخوف ينهي الضلال والزيف وبيسعى للمعروف جه مره قال يبني علشان تكون شاعر هات الكلام وابني درب الحياه واعر متخافش من إنسان أصل الإله واحد وامشي فـ طريق الله تلقى الأمل واعد قول القصايد قول متخافش مهما كان خلّي الكلام موصول حسْبك رضا الرحمن خايف من ايه ياحمام؟ إكتب .. ومتخافشي هتموت لكن يبني شعرك ماهيموتش فاكتب وقول أشعار خلّي الأمانه تعيش خاف بسّ م الجبار متخافش م الحرافيش عيش كالنخيل عالي فيك الأمل ممدود واياك تهاب رزقك د الرزق ع المعبود احفظ كتاب ربّك كل النعيم تلقاه وازرع ورود الخير يرضى عليك الله

الشاعر / أحمد موسى
13 / 8 /2009

رائعة يا أحمد وما هو بجديد عليك
جزاك اللّة خيراً
وما حرمك اللّة من أبيك.....
تحياتى وتقبل مرورى

ربنا يجزيك خير يا أحمد يا ابن خالتى ، إلى الأمام كما عودتنا، وربنا يخلى لك أبوك
عمى سعيد موسى ، ويخليله قرآنه دائما
دايما أبو أشرف= حابب سعيد موسى
واسال عليه رمضان = يديك متين بوسه

الاخ الشاعر الابن البار احمد موسى
اهنئك ببرك بوالدك واهنئ اباك بك قصيدة خفيفة جميلة ذات هدف و مهنى احسنت.
و الحمد لله شفنا عيونك الجميلة وتخلصت من اختباءك خلف النظارة

د خليل

اهى دى بقى بالذات مقدرش أمشى غير لما أقول
ربنا يخليلك والدك و يبارك فى عمره
و يبارك فيك يا صاحبى
و يجعلك ذرية صالحة
النص عجبنى جدااا من أول قراءة هههههههه
تحياتى
و
إلى لقاء

لما قريت يا ناس *** خمنت: دا موسى

و مشيت مع الإحساس *** ما احتست و لا حوسة

راجل نبيل فنان *** شعره جميل و بجد

ربي يزيده كمان *** دا عطاءُ (ه )ما له حد

لما الكلام بيكون *** هدية للوالد

لسه الكلام مخزون *** خليك هنا شاهد

الشعر ده صادِق
ياأحمد الرايق
كلامو زي الفل
وبكحمتو دافقْ
سلام لأجدع ناسْ
أصحابْ وعي وإحساس
بيمشوا بدرب الله
والإلفة بين الناسِ
لما الشعر يتقالْ
بفِكرِ عالِ العالْ
بكره هيبقى أغاني
وتُضْرَبْ بهِ الأمثالْ
الكلمة ياابني أمانه
لازم تكون منصانه
ونخاف بيها إلهنا
ونقولها بالرصانه
شعر
زاهية بنت البحر
بارك ربي بك ورعاك

أخي العزيز .....أحمد موسى

حقيقي إنت شاعر (بجد) ....ياأحمد الصادق البار

دمت رائعا ياأخي

السلام عليكم ورحمة الله وبركاته
اخي احمد موسى
بعد مرور سريع الموضوع فكرته في قصيدة اخوك مصطفى الجزار
ولكنه يسحتق
التثبيت استحسانا وتشجيعا ولجمال موسيقاه
ولي عودة

شوي شوي علينا يا أحمد
من الفصيح للعامي ، ومن الغزل لبر الوالد
إبداع وراه إبداع والواحد مش ملحق عليك
أما القصيدة ففي منتهى الجمال ، بفكر بجد أبعتها لوالدي (ولإبني)
تقبل تحيتي ، مع عناق دافئ