ومشيت طريق رمضان
ولقيت فرح ف القلب
ولقيت بيوت الله
تملى السما بالحب
ودوىفلكل بيت
رنة كتاب الرب
بصيت لفوق فلقيت
المدنة سهرانة
والنور يلالي بضي
والخلق فرحانة
فسرقت نظرة شوق
من قبلة نشوانة
وفمسجدي لفيت
وأعد عمدانه
وأدي مجموعة عايشة
فكتابها برهانه
وناس سجود وقعود
والنفس هيمانة
م بين كلام الله
وسجود طويل زانه
ودعاء يبكي الحجر
ويهز أركانه
يارب اصطفي منا
في دينَّا فرسانه
و تركت بيت ربنا
ومشيت شوارعِ ألم
شباب سهران لهيان
على دنية الندم
ودا شهر رب كريم
فين هربت الزمم
لو كانو ينووا الخير
كانو نضفوا الذمم
ورجعت بيتي دموع
سايلة على خدي
دمعة لنور الله
ضعفان وبيهدي
ودمعة عل العصيان
و الأمة مخنوقة
ليه م ناخدش إيديها
مِ التوهة ونعدِّي
لو كان عددنا نقص
ماكنش خادني الزعل
لكننا يابشر
مكسوف عشنَّا الخجل
كبير قوي فرعنا
لكن قليلُه بطل
كل عام أنتم بكل خير ورحمة وبركة