ايه يعنى فات كام سنة

هادّيلك ..
فرصة تانية للمشاهدة
بس المرّادي
عاوزك تركِّز قوي
ف كل التفاصيل اللي ممكن ..
تخليك مرتاح
جرّب .. تبُص برؤية تانية
وتشوف الفستان .. كإنه السما
بتزغرط .. علشان هتمطر ف حضنك
وتبلّك بحاجات محتاجها
وتحس الشَعر كإنه الليل
بيغطي تفاصيل الرغبة
الباينة ف وشك طول اليوم
استعمل ايدها مخدة
وطولها المُفرح جداً
كإنه الضل
اللي بيحميك من لمبه
كانت هتبيّن قلقك
هتنام فرحان ..
كل التفاصيل ف اللحظادي مغايرة
جرّب .. تفتح جوه عيونها
شبابيك الأحلام على قلبك
إحلم ان الحب
البحر الشايل حلم سفينة نوح
الضل / الشجراية / الساقية
وفارده عليها كل خضار لدار
ألقُط ولاتحزنشِ
الليلة كل التفاصيل قدامك
ماتشوفهاش من ع السطح
يمكن تلمح
شكل تاني للحياة

ألقُط ولاتحزنشِ

وعليكم السلام ورحمة الله وبركاته
اخي نجم مصمم تكون اوحد في تصويرك ووحيد في رؤيتك
القصيدة نعتبرها من باب القصيدة السطرية وللتثبيت تقديرا للأبداع
رائع واكثر

الله الله الله

على ملوك التصوير والإبداع

فين أخونا / أحمد حاتم هنا

الله يا أستاذنا على الإبداع

بعيدا عن الموسيقى والإيقاع
القصيدة رااااااااائعة

محبتي وتقديري

يااااااانجم


الرحمة يانجم ، ليس مجرد تصوير هذا .
هذا هو البعد الثالث .

أقولك إيه ... مفيش فايدة .. نجم .

أهو جابلك م الآخر يا بو النجوم

بقول هوا فين ... لقيته جه

والله دا كتير عليا
ربنا يخليكو ليا وللابداع
تحياتى الحارة

فعلا كلمات لا تخرج إلا من شاعر محنك ونجم حقيقي فيالها من دقة وياله من إبداع

اشكرك استاذة محاسن
تحياتى

هادّيلك ..
فرصة تانية للمشاهدة
بس المرّادي
عاوزك تركِّز قوي
ف كل التفاصيل اللي ممكن ..
تخليك مرتاح
جرّب .. تبُص برؤية تانية
وتشوف الفستان .. كإنه السما
بتزغرط .. علشان هتمطر ف حضنك
وتبلّك بحاجات محتاجها
وتحس الشَعر كإنه الليل
بيغطي تفاصيل الرغبة
الباينة ف وشك طول اليوم
استعمل ايدها مخدة
وطولها المُفرح جداً
كإنه الضل
اللي بيحميك من لمبه
كانت هتبيّن قلقك
هتنام فرحان ..
كل التفاصيل ف اللحظادي مغايرة
جرّب .. تفتح جوه عيونها
شبابيك الأحلام على قلبك
إحلم ان الحب
البحر الشايل حلم سفينة نوح
الضل / الشجراية / الساقية
وفارده عليها كل خضار لدار
ألقُط ولاتحزنشِ
الليلة كل التفاصيل قدامك
ماتشوفهاش من ع السطح
يمكن تلمح
شكل تاني للحياة

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟من وين سحر الكلام بتجيبه يا نجم العاميه

وشكل متجدد في تخليق الصورة والمعنى ..............تحياتي والاحترام يا استاذ نجم

اشكرك استاذ غازى
تحياتى