الدخان والإدمان
دخِّن عليها دخِّن
واشفط يا هلغلبان
بكره ع حالك تحزن
وتندم على اللى كان
*****
ماتدرى يامسكين
إنه غراب البين
والعمر يامجنون
يرحل بلا استئذان
*****
المال تفنيه طيش
وبتحرقه كده ليش
هادا دمار للعيش
وخساره للولدان
*****
وانت فى عز شباب
تصبح عجوز وداب
تقعد ورا الأبواب
وتكلم الحيطان
*****
والشِّيشه يا مسطول
قحَّه وقبر على طول
لا إبره أو محلول
تشفى من السرطان
*****
لو بيته بده كماجه
والمال ع قد الحاجه
يبخل بكل سماجه
وبيشترى الدخان
*****
ياناس ما فى احساس
ولا فى عقل فى الراس
قاعد بيشرب كاس
جواته عزرائيلان
*****
وشايله دايما عياقه
عزه وفخر وحداقه
ما يعرف إنه حماقه
وهوية الهبلان
*****
لا تظن انها رجوله
أو جدعنه وبطوله
عايز رضا السنيوره
وتعمل لحالك شان
*****
دينَّا بيقول حرام
اوعى تقع فى ملام
وتعيش فى الإجرام
وتصبح أخو الشيطان
*****
أهلك فى حاجه ليك
تتكون أقوى ديك
وبلادك تناديك
تحمى ثرى الأوطان
*****
يا خوفى يا ملطوش
كيفك يصير حشيش
والكُكّ بدل العيش
وانت عبد سكران
********
م كفايه ريحته وسمُّه
دايما فى تمُّه ودمُّه
وعمره ما ينسى همُّه
لاحقه فى كل مكان
*****
سعله ورا سعله
والصدر نار ولعه
ما تفارقه الدمعه
ولا ترحمه الأشجان
*****
وكلُّه ولا البلغم
يخنق ولا يرحم
فى صدره يتلملم
ويخلِّى عيشته جنان
*****
مره واحد مهووس
مدمن معوش فلوس
طاطا وصار ديُّوس
وباع عرضه للغيلان
*****
ومرَّه فيه وحده بنت
كيفها قلبها ست
ضاعت وضاع البخت
لا أهل ولا عرسان
*****
فكِّر تمام فى الحال
يا مبعتر الأموال
واكرم لى هالأطفال
تكسب رضا الرحمن
*****
الدنيا حلوه ياناس
من غير دخان أوكاس
ما بتعرف الإفلاس
وتجرى كما الغزلان
*****
وانت يا صاحبى فوق
واكسر حديد الطوق
وارميلي هالمدعوق
يلعن أبو الدخان
شعر/
عبد الكريم العسولى /خانيونس