محاسن بيومي لما كنت صغيرة
لما كنت صغيرة
وردة جوا المندرة
قالوا عني
وشافوا إني
كنت حتة سكرة
لما كنت صغيرة
كان يمر العيد عليا
وضحكة رايحة وفرحة جاية
كان حنان أمي عليا
وردة بيضة معطرة
لما كنت صغيرة
كان حنان لحظة فراقي
يروي حبي واشتياقي
للأراضي مخضرة
لما كنت صغيرة
والنجوم بتلالي فوق
كان جمال حسي يفوق
طرحة تلي مشجرة
لما كنت صغيرة
شفت مجدي ف عهد جدي
يتزرع ف احضانه ودي
والإله يفرح بحمدي
رغم إن الفقر عندي
أرض قلبي منورة
لما كنت صغيرة
لما كنت أتمنى أكبر
أروي أرض المسك عنبر
والخيوط م الشمس تكبر
نورها جوا الكون يكبر
يعلا صوت القاهرة
لما كنت صغيرة
مستحيل كان يوم أصدق
إن إيد للأرض تحرق
تخطف الأحلام وتسرق
أو مابينا ف يوم تفرق
لما كنت صغيرة
كنت بحلم زي طير
ينزرع فاحضانه خير
مش ألم يصبح أسير
نعش لو يصبح أمير
يبكي جوا القلب يسأل
فينها تاني المندرة
لما كنت صغيرة
رد مع اقتباس