خيبة

شديت رقبتي
من تحت باط00
الزمن الردىء
و قعدت ادور00
ع الصديق
ملقتش غير 00
حبل الوجع
بيكتّف الضحكة 00
في وشي
ويخش جوا في النفس
و يقولي دا هو الطريق

فينوا الطريق
دورت ياما ملقيتوش
ملقتش غير حبة فتل 0
بيشبكوني في غزلهم0
يا عزلهم
عزلوني عن كل العيون الطيبه
يا صدمتي يا دي الزمان
دوّرت فيك ع الكامل
ملقتش غير قمصان
و عرفت فيك الصدق
ملقتش غير نقصان

ايه مش مفهومة
ولآ وحشة
ردوا لو سمحتوا

طيب والله العظيم من أجمل ما قريت لك يا ابو النجوم
وحالا هتلاقي الردود حبايبك يامه متقلقش

الواحه اللي مفيهاش كتير اليومين دول معرفش ليه ؟؟

ممتاز وأكتر

استاذ فتحى نجم
جميلة هى صورك المتدفقة المعبرة رغم صغر النص
دمت بكامل ابداعك
تحياتى

شكرا اخى الشرقاوى
تحياتى

السلام عليكم ورحمة الله وبركاته
اخي ابو النجوم
مين قال انها وحشة وهو انت تبدع شيئ وحش لا سمح الله
صدقني من اجمل ماقريتلك ولكن احس جواها بوجع وزعل
هوا انت زعلان ولا ايه
القصيدة رائعة ولكن لمسة منك على الوزن يا بو النجوم مرة اخرى في بعض المواضع
ستكون اكثر من جميلة
تقبل ثقل مروري بجمال روحك
ومتزعلش ان كنت اخالفك في ان الصدق بتلاقي ضده دائما نقصان اكيد هتلاقي مين يصدق معاك
الخير في وفي امتي
تقديري

حبيبى يا حج طنطاوى