"انسوا دينكم " !

انسوا دينكم !!!!
الأحداث التي صاحبت مباراة كرة قدم بين مصر والجزائر تأهلا لكأس العالم2010 أحداث مضحكة مبكية ، لكنني استطعت فك شفرات اللغز وعلمت بالهدف الأقدس الذي من أجله صرفت حكومتنا الموقرة أنظارنا إلى هذه المباراة وجعلتنا نكره إخواننا الجزائريين!!!!
لا يا شعبي
مش هاسيبك
لما تتبهدل كرامتك
لا ياشعبي
أنا بس اللي أبهدل
لما يتعكنن مزاجك
لا ياشعبي
أنا بس اللي اعكنن
لما تنداس فوق جبينك
لا ياشعبي
أنا بس اللي أهينك
لما تتسوِّد سنينك
لا يا شعبي
أنا بس اللي أذِلَّك
انت جُوَّايَ في قلبي
مش هاسيبك
................
انت ليه صابر وساكت ؟!
فِزّ قوم واضرب أخوك
في الجزاير والسودان
فز قوم واشتم أخوك
عالهوا وللا في ميدان
لاجل ما نسبق صحابنا
من اليهود والأمريكان
انت مستغربلي ليه ؟!
انت مش عارف خططنا؟!
انت نايم وللا ايه ؟!!
د الخطط دي ياشعبي سابها
لينا جدك (خفرعان)
وما كنتش عاوز اقولك
أصل دي اسرار بلدنا
لاجل ما أسعد ولادنا
والولاد اللي وراهم
لاجل ما أمِّن حياتهم
.................
الخطط دي يا شعبي هيه
قالي خفرع لما مات :
"الحضارة واحدة واحدة
كل شيء يبدأ صغير
واحدة واحدة راح بيكبر
احنا قولنا يللا نبني
وبنينا الأهرمات
من الحجارة والبلاط
شوفوا إنتو عاوزين ايه؟"
قلت إيييه .... قلت إيييه ؟!
قلت: آه
شعبي عاوز يبقى فيه عانده حضارة
يسبق الدنيا بعلمه
يسبق الدنيا بفنه
يسبق الدنيا بجدارة
قالي خفرع :
واحدة واحدة
قلت عارف
وما نمتش كل ليلة بعدما سابني وكوَّع
رحت افكر
يسبق الدنيا بعلمه ؟... يسبق الدنيا بفنه؟...!!!
قام صِحِي خفرع وقالي :
واحدة واحدة
قلت عااااارف
احنا عاوزين نبقى أحسن
من الوكالات اللي هِيَّا
اسمها " الفضائية"
لليهود والأمريكان
هما طلعوا عالقمر
احنا لازم نسابقهم
آه ونبقى أحلى منهم
واحدة واحدة
قلت :يا شعبي وحبيبي
لما بصِّيت عالقمر
القمر دا كان مدوَّر
والكواكب بردو زيُّه
قلت : سهلة
القمر نُوصَلُّه دُغْري
واحدة واحدة
والكواكب تيجي بعده
واحدة واحدة
بس نبدأ بالصُغَيَّر
قلت : لازم شعبي يتعب
لاجل ما يصنع حضارة
لازمه إيه يبدأ طريقه ..؟!
حتى يوصل للكواكب؟؟!!
القمر ده كان كبير
عمو (خفرع) كان قايللي :
واحدة واحدة
يبقى ياشعبي وحبيبي
لاجل ما تصنع حضارة
قوم ودَوَّر عالمِدَوَّر
عالمدور الصغير
إبتداءا من الرغيف
حتى توصل للكواكب
موت وجاهد في الطابور
لاجل ما توصل لقوتك
لاجل ما تأكِّل عيالك
لاجل ماتفوز بالرغيف
انت مش عاوز حضارة؟!!
لما بتفوز بالرغيف
راح نشوف اللي اعلى منه
واحدة واحدة
بس جاهد وانت توصل
رحت افكر
أعلى منوووو ...... أعلى منوووو؟!!
آه لاقيتها
المدور اللي أكبر من الرغيف
هو (بطيخ) الخريف !!!!!!
قوم ياشعبي شد حيلك
انت مش عاوز حضارة ؟!!
لما بطيخك يجيلك
ابقى دور عاللي أكبر
واللي أكبر هو إيه؟؟؟!!!
هو كورة
دي يا شعبي اللي هاتصنع حضارة
لما تلعب بمهارة
من العقول بتكون نضيف
راح نسيطر عالفضاء
واللي يوقفلك تدوسه
أنا مش هاقبل إهانة
ليك ياشعبي
إلا مِنِّي
احنا عاوزين نبقي أحسن
دولة في العالم حضارة
لاجل مستقبل بلدنا
جمَّعولي كل كورة
جمعولي كل كلمة سب حلوة
اعملولي من الشتايم كراسات
لأ معاجم
راح نحارب ياجماعة
دي حضارة
هي لعبة؟؟؟
ساعة الصفر
ابتدينا
لسه مشوارنا طويل
لسه قدامنا( الكرنب)
قوم و( أوَّر)
لاجل ما تصنع( كروش)
.......................
انسوا أي علاقة تربط
بينكو والخصم المعادي
ولَّعولي في الملاعب والنوادي
اقطعوا من قوت عيالكم
وادفعولي
انسوا (عبَّارة سلام)
انسوا (قطرين في الصعيد)
انسوا غازكم الطبيعي
اللي بيروح إسرئيل
انسوا قصة دم فاسد
يجري في عروق ألف جيل
انسوا دينكم
انسوا مصحف
انسوا سنة
اللي كانوا مجمعينكم

اخي وجيه ابو العلا
السلام عليكم ورحمة الله وبركاته
قصيدة جميلة وف محلها لي عودة

أنظر عودتكم بلهفة شديدة يا سيدي

شكرا لمروركم العطر

الأخ الكريم وجيه أبو العلا

عبرت فأبدعت وشعرت وأشعرت

كلمات كلها جمال لأنها تعبر عن الحقيقة المرة التي تعيشها شعوبنا

الفن والكورة وبس

والمصيبة الكبرى أننا أصبحنا كورة في أرجل الإعلاميين والمضللين

وأصبح الكثير لا يفهم إلا ما يلقى عليه فضائيا

بوركت أخي على طرحك وعلى شجاعتك وبارك الله في قلمك .

سيدي عبدالكريم

شكرا جزيلا لك على المرور والاهتمام

لا شك أنني سأذكر مروركم هذا فاخرا

وشكرا لإطرائكم الذي أسعدني كثيرا

وإن شاء الله تعود الأمة إلى رشدها وسالف مجدها وطريق ربها

أخي العزيز .الشاعر الأصيل أصالة النيل ...وجيه

ماذا يكون دور الشاعر والفنان إذا مكانش وخز النيام وإيقاظ الراعي والرعيه ؟؟!!

حاولت وأجدت والنتيجه على الله .!!

سيدي د/ غازي

كم أفرح عندما أرى اسمكم يزين صفحتي

شكرا جزيلا على مروركم واهتمامكم أستاذي الشاعر المتدفق