حسرة الوجدان

قصيدة (حسرة الوجدان) للشاعر سجاد سيد محسن




احس شما مشيت احمل متاهه وياي



واشوف اسمي اعله حَلبه امعانكَه لهمه





ولاجني الصرت انا لجميع الناس



درج وشـما تدوسه يوصلك القمه





ساريتي الزمن واسمي صبح مرفوع



ونفض اسمي الزمن من رفرف ابعلمه





بعد ما الكَه ذاكه اللي يمنـّي الروح



ذاكه اللي يوكَد اصبع الرحـــــــمه





البرق حبله ويزيّح كل سواد الغيـــم



وحزن الضي يكشفه الحده بالعتمه





ويمشي ابكل درب وشما لكَه الدمعات



يخليهن حبر بي يكـــتب البسمه





مو متعافي انا وما اريد الصــوت



بس الصوت رحمه والصدى نقمه





وبعد ما الكَه ذاكه اللي يرد الصوت



لأن اصبح حقيقة وتــاهت اويه اسمه





لكَيت العاش بــالغربه وديـــار الغير



المــو لـــهله الهوه ويتجاوز ابشمه





لكَيت العاش بالدنيا وربح جم داس



اليحــفر بير كصته ومايجد كَطره





وما شفت اليصير اسمه درس الشفاف



الحَضن اسمه ابسكتهن فـركَهن ذكره





شاهدت اليدرّس همــــسته اكذوبات



وشاهدت الـــحمام اليدرس الهجره





تسوه اشجم حديقة مقبرة الاسرار



لأن شـمه اندفن سر زاد من عمره





شفت السر انه يتماشه بين الناس



ولنـــــــــــــفسه يكرّه حتى متذكره





موتنـاه بدينه وكَمنه نحلم بيـــــه



حــــــــــلم خلانه هوه اندرّس السهره





وتندمنه وبقينة ابحسرة الوجدان



شتــــنفع عَبره كَلي ومامش العِبره





وبعد ما الكَه ذاكه اللي يرده الصوت



لأن الصــوت سد احدودة من ذكره




2008م

اخي سجاد
كل عام وانت بخير بمناسبة عاشوراء
تحياتي ايها المبدع