أقول يا امة
الاقي الحضن والضمة
شجر طارح
شوكو .. مرار
غضب سارح
بيتمشي .. في وسط الدار
وأقول ...
يا امة
سنين الغربة
وخداني
أموت وارجع
أموت تاني
واتمني .. اشوف النيل
ويرميني في حضنك الدافي
دهب صافي
وافرد جناح الليل
علي اكتافي
واشيل الحمل ... بالهٍمة
أمـــــــــــانة اءن كنتي فكراني
امانة يا امة
.....
....
سنين الغربة حرقاني
وانتي ... لسة عيفاني
أقول تــــــــــــــــــــــــ ــــــــاني
دا انا الي.
عمري متربي علي ترابك
وانا الي..
ديما حارس علي بابك
بقيت مطروووووووووود
شفت حدود بترفضني
وترميني لتاني حدووووووود
وانتي يامة شيفاني
وسمعاني
ووحشاني .....
بزحمة الشارع
بنخلك
والبلح طارح علي الاعتاب
بشمسك والدهب لصفر
منور .. ركن في الاوضة
بصيفك والســـما زرقة
بغيمك والسمـــا سودة
بحر الصيف وانا ماشي
علي الرملة
أعد الرمل من خوفي
فــــــــــــدا عرضك .. يروح شوفي
بصدري العاري قدامي.. يصد رصاصة الخاينين
علي حدووووووووودك
بخوفي لما بتميلي
ينحني عودك
بخيرك الَي مش ليا
وانا راضي
ببيتي الَي ... م الهوي فاضي
بناسك الَي ... ف الطبور واقفين
عشان اللقمة يكلوها ... ومش طايلين
بحضنك ولسع اشواكه
بسجنك وعلو شباكة
بمتش الكورة ف حماكي
وانا باكي
بسجدة نصر في الملعب
علي الخضرة
بطير الفرحة ف سماكي
بقعدة زار وبالحضرة
بحبك .. وانتي نسياني
وشيفاني
متشعبط ف لقمة عيش
بحبك .. وانتي رسماني علي فاسك
اسد شامخ
بيحفر جو قلب الهيش
.........
.....
بحبك وبتمني
اكون م الحر شمسية
علي راسك
واكون في البرد
شعسة نعل في مداسك
بحبك وانتي عداني
ما بين ناسك
بحبك..وانا عاصي
وانا عابد
وانا ناسك
بحبك.. وانتي كتباني ف كراسك
بحبك وانتي فكراني
بحبك...... وانتي نسياني
اقول تاني؟؟؟؟
اقووووووووول تاني
وابوس راسك ومداسك
يا مصر يعز من قلك ابوس الكعب في مداسك
خالد الهواري......... علي استحياء كتبت تلك الكلمات ووالله لا تليقي ولكن
كل له الحق في ان يتحدث الي اه ولو كان لا يستطيع تستيف الكلمات