موال لغزة

طول عمرى باكتب ادب وانظم فى ابياتو
اكتب كتير وافتكر تعبتنى اوقاتو
ع اللى فى يوم اقبلوا وع اللى فى يوم فاتوا
بصّيت للمة حريم ع السكة بتنوح
وسالت إيه السبب قالوا العرب ماتوا

يا غزة شفت العرب وقعت عمايمهم
وعقال دماغهم فلت ولا شى هاممهم
الحقد كم ضلهم فى الازمة لاجمهم
بالزمه فين الحقيقة انهضى وقولى
للعُرب ان اليهود بيذلوا خادمهم

يا غزة صابرين كتير والنصر مالينا
حكامنا ذل اتملوا والذل ما لينا
إيه الامل والعمل ع السكة دلينا
الطفل ردد وقال هيا اسمعوا منا
العيشة تبقى هنية لو تبقوا زيينا

الطفل وامه وابوه واقفين على حصونك
الطفل عاشقك كتير والاب مجنونك
والبنت تدعى وتقول يا امنا نصونك
من شر كيد العدا ومن شر حسادك
ف عيونا انت الامل لمينا ف عيونك

يا غزة لاجل النبى لا تلمى اولادك
احكيلهم اجمل قصص يرويها احفادك
على قصة اجدع بطل صامد على بابك
وتخلى اصغر صغير بالقصة يتباهى
يرفع لوائك يكون حافظ لامجادك

بالذمة لاجل النبى يا غزة ما تموتى
ولا تحنى يوم جبهتك ع السكة وتفوتى
قالت ل حصمد كتير مهما حصل ليّا
انا عارفة صوتى الحياة والموتى ف سكوتى

يا غزة شفت العرب وقعت عمايمهم
وعقال دماغهم فلت ولا شى هاممهم
الحقد كم ضلهم فى الازمة لاجمهم
بالزمه فين الحقيقة انهضى وقولى
للعُرب ان اليهود بيذلوا خادمهم


السلام عليكم ورحمة الله

ياغزة العرب ضاعوا وكترت منابرهم

الحكام ديول وربنا يخفف عنا مصايبهم

لمي ابطالك انسي فتح وحماس ومطالبهم

ناسك عاوزة الحق وربنا معاهم وناصرهم

راقي ورائع ما ابدعت استاذنا الكريم

يا غزة صابرين كتير والنصر مالينا
حكامنا ذل اتملوا والذل ما لينا
إيه الامل والعمل ع السكة دلينا
الطفل ردد وقال هيا اسمعوا منا
العيشة تبقى هنية لو تبقوا زيينا
السلام عليكم ورحمة الله وبركاته
اخي عبدد الرؤوف أمين
ارحب بك اولا ايها الأبي الوفي
للتثبيت استحقاقا وترحيبا وتقديرا
دمت مبدعا رائعا
لي عودة لها اخرى ان شاء الله

بارك الله فيك د/ عبد الرؤوف

كلمات رائعة
وإ، كانت موجعة
شكرا لك
تقبل مروري

الاخ الفاضل والشاعر المبدع الطنطاوى الحسينى اسعدنى مروركم الكريم على هذا الموال الغزاوى ولكم منى ارق تحياتى

ياعبد الرؤؤف أمين... ياخوي.. بايّن عليك غزاوي

جرح غزه حارقك ...ومش لاقي ف العرب مداوي

أغلبهم ياهامل .. يا مغلوب ع أمرو..

يا كاتم ف قلبو .. وناوي!!!!

الأخ الفاضل عبد الرءوف

أراك تحترق ألما على غزة من خلال هذا الشعر

الجميل المعبر عن الحب والوفاء والانتماء

وغزة سعيدة كل السعادة عندما ترى وتسمع وتقرأ من

يهمه أمرها ويحزن ويتألم لألمها

بارك الله فيك أيها النبيل ودمت لغزة ولمصر وللعروبة والإسلام .

الاخ الفاضل عبد الكريم العسولى شكرا على مرورك الذى طوقتنى به سعادة ولكن صديقى اعلم جيدا ان غزة جرح باتساع الوطن وانها حمل ينوء به الشرفاء فكل التحية والتقدير لها ولكتيبة الشرفاء اينما كانو مرة اخرى شكرا لمروركم الكريم

وسألت ايه السبب قالوا العرب ماتوا