أحدث المشاركات
النتائج 1 إلى 3 من 3

الموضوع: فتافيت

  1. #1
    شاعر
    تاريخ التسجيل : Aug 2007
    الدولة : المطرية - القاهرة
    العمر : 32
    المشاركات : 54
    المواضيع : 13
    الردود : 54
    المعدل اليومي : 0.01

    افتراضي فتافيت

    (على باب محطة مترو رمسيس)


    الأرض مدت إيدها مدنة لاجل ماتشيل الهلال
    وتعلمه بالخبرة ويّا الضي معنى الاحتمال
    والخلق كلٌ تحتها متبعترين
    واحد بيشفط م السجارة حكمة الأجيال
    والجرايد جنبه بيضا...
    إن شافه أصحاب البصيرة يقدروا يقروا في ملامحه ييجي ميت جرنال
    وادي اللي خاصمها الجمال - حكمة من المولى -
    فاهمة بإن تناكة المشية
    راح تلفت الأنظار
    والحق أقوله...
    الطريقة ديه بتنجح - بالأخص معايا انا - في معظم الأحوال
    وادي اللي متغرّب عشان لقمة
    من فرحته بنهاية الأسبوع...
    بيتزحلق بخفة ع الرخام
    باصص بعينه ع المحطة...
    والرسايل في الملامح تتسقي بلفحة لهيب...
    شوقه البسيط لامّ العيال
    وانا لسة في حيرتي ما بين المرج أو حلوان
    محتار انا ليه مالتقيتهاش نفس ذات السمرا...
    دي اللي كانت بتطاردني من زمان
    فجأة فهمت...
    وإيدي بازنق بيها باب المترو بالعافية - عشان الجاي يجري من بعيد يلحق مكان -
    يا سمرا دول كانوا مجرد ع الرصيف فتافيت إزاز
    يتجمّعوا علشان ف لحظة يعملولك صورة بالألوان


    باسم زكريا
    23/1/2010
    جماعة رؤى الأدبية

  2. #2
    الصورة الرمزية الطنطاوي الحسيني شاعر
    في رحمة الله

    تاريخ التسجيل : Jun 2007
    المشاركات : 10,901
    المواضيع : 538
    الردود : 10901
    المعدل اليومي : 2.28

    افتراضي

    أخي الفاضل الكريم الشاعر باسم زكريا
    سلام عليك والآبداع ابدا
    قصيدة قصية جميلة وخفيفة
    مررت على ابداع حقيقي
    نسألك المزيد
    ايها المبدع الجميل
    تقديري وامتناني

  3. #3
    الصورة الرمزية خالد الهواري قلم فعال
    تاريخ التسجيل : Oct 2008
    الدولة : مصر
    العمر : 43
    المشاركات : 1,820
    المواضيع : 57
    الردود : 1820
    المعدل اليومي : 0.43

    افتراضي

    والله تستاهل الصورة يا ذكريا
    ربنا يخليك وهذا الابداع الراقي
    استمتعت هنا بجمال ورزانة واناقة تلك القصيدة
    انظر الي خيل هوارة تري عجبا _ في سيرها عندما يسري بها الساري لم تفخر الخيل قط براكبها_ مالم يكن فوق ظهر السرج هواري

المواضيع المتشابهه

  1. فتافيت امرأة
    بواسطة عصام عبد الحميد في المنتدى القِصَّةُ وَالمَسْرَحِيَّةُ
    مشاركات: 27
    آخر مشاركة: 12-02-2019, 10:16 AM
  2. && فتافيت إمرأة &&
    بواسطة عمر الصالح في المنتدى القِصَّةُ وَالمَسْرَحِيَّةُ
    مشاركات: 16
    آخر مشاركة: 15-04-2013, 02:27 AM
  3. فتافيت فضائية
    بواسطة مصلح أبو حسنين في المنتدى القِصَّةُ وَالمَسْرَحِيَّةُ
    مشاركات: 15
    آخر مشاركة: 04-02-2013, 06:35 PM
  4. * فتافيت *
    بواسطة عبد الرحمن الكرد في المنتدى النَّثْرُ الأَدَبِيُّ
    مشاركات: 30
    آخر مشاركة: 04-05-2010, 01:35 PM
  5. فتافيت امرأة للشاعرة الكويتية سعاد الصباح
    بواسطة د. مصطفى عراقي في المنتدى الاسْترَاحَةُ
    مشاركات: 2
    آخر مشاركة: 16-04-2009, 09:57 AM