قولولي اعمل ايه؟

لما قالوا لي الناس بتكتب لمين اشعارك

انا قلت اللي باكتب لها صبية في عود غزلان

الشعر ماوصفهوش لون العيون حالك

في الشكل مالها مثيل فيها جمال هالك

يا ميت خسارة عليك ايه بَدِلَك حالك

انت اكيد حبيت مهو اصل مش حالك

ايوه صحيح حبيت ماقدرش اقول لا

اول ما اشوف عيــنه الاقي قلبي دق

نصب شِباك الهوي حوالين حَمار خده

اول ما روحت هناك قام ع الشبك شَده

ومن ساعتها وانا تايه عايش اسير خده

ماعرفش ايه شدني ولا حتي ايه شده

ان كان سواد العيون ولا حَمار الخد ولا جمال قده

اول ماغيب عنه يبعت ورايا رسول

مرة تلاقي الهوي هو رسول حبي

وكتير تلاقي النسيم حامل مكاتيبه

جاني في منامي وقال لي هاشكيك انا لربي

تِشكيني انا ليه متقول لي ايه ذنبي

قال القدر لَمنا ولابد نسمع له

قلت خلاص بامر الله انا راجع

اول ما اقابل حبيبي اضمه في حضني

واقول تعالي يا غالي واقعد هنا جنبي

وافتح لنا بابك وقولي ايه مالك

تعبان نروح للحكيم ولا دا يبقي حالك

يقول لي ما للحكيم قدرة في اللي جري لي وجري لك

ردوا علي الناس حاسب علي مهلك

الحب دا بهدلة وممكن في يوم تِهلَك

قولوا لي اعمل ايه الحال دا جنني

انا إن فارقته يوم الشوق بيقتلني

واول ما اقابله يا ناس جماله يسحرني

قولولي اعمل ايه في اللي بيحصلي

قولولي اعمل ايه في اللي بيحص ل لي ؟

عذراً حدث خطأ سهواً في البيت الأخير فيكون كالتالي

قولولي اعمل ايه في اللي بيحصلي ؟

تسلم امرك للي السحاب حامل للارض خيرو
واللي بايدو يداوي وعمرو مااحتاج دوا غيرو
واللي اسمو في الفضا بيغني بيه طيرو
.......
رب السما والارض دا في عدلو مفيش غيرو
يصبر قلب الاحبة واحد مفيش زيو ولا غيرو


يا ميت ندامة علي اللي حب ولا طال شي هههههههههه ربنا يصبرك بقي
حتعمل ايه لنصيبك
خالد الهواري

صابرين والله يا خالد
شكراً حبيبي

تسلم ايدك على ما ابدعة

و أصبر تنول

شكراً إسلام علي ذوقك

الأخ الفاضل حسام حسين
جميلة ورائقة هذه الأبيات المغردة في سماء الشعر
وهاذا هو حال المحبين يكثرون من الشكوى
يا سيدي مفيش في الحب راحة
وإذا بدك تتعب انت حر والذنب ذنبك
دمت شاعرا متألقا
لك تحياتي.

شكراً أخي عبدالكريم علي المرور الكريم