أجمل مسكة قلم ف إديكو يافنانين
والدوى حبره ندم وسطور الألم جاهزين
حزنان عليا أبويا وأمى شايله الطين
إبنى بيضحك وجع وأخته توبها الضيم
زارع بيوتنا الصبر .. ويتيمه .. شجرة تين
فتحنا ميت شباك عالقمر دايرين
وسيبنا جنب الباب قله وحطب وعجين
وف ساقيه شعرى هناك نزفته فى قنايه
حط عليها الطير والأم والدايه
فى حفل فطم الولد جمعنا مر .. حزين
جزع البرئ وبكى وعنيه متعلقين
هناك بركن الدار على غصن ثمر التين
دلونى من فضلكم ياهل الأدب والدين
لإمته هنعيش كده
والصبر وللا التين