هاشتكيلك وانتي حرة.....
هاشتكيلك وانتي حرة
تقتليني
تدبحيني
تقدري بحنان ايديكي
توزعيني
ع الطرق ويا الشوارع
للي شاري واللي بايع
تقدري لو كنتي عاجزة
تاخدي ضي يكون ف عيني
هاشتكيلك وانتي حرة.....
هو انا مش ضي عينك؟
ليه قبلتي تودعيني
هو انا مش كنت فارس
يوم ماكنتي لقلبي حارس
ليه ف وسط السوق قبلتي
تشتري غيري وقدرتي
للنخاسة يقلبوني
وتبعيني
هاشتكيلك وانتي حرة.....
هاشتكي منك وليكي
اصل انا عاشق عينكي
مهما كان وقدرتي تقسي
نفسي اقول لك مافي نفسي
انت نفسي وروحي منك
رحمة الدنيا ف ايديكي
هاشتكيلك وانتي حرة......
نفسي اقدم ليكي اجمل
لوحة بتعبر وتبكي
هاشتكيلك ايوة جايز
بس منك عمري ماشكي
هاشتكيلك وانتي حرة
تقتليني
تدبحيني
تقدري بحنان ايديكي توزعيني
هاشتكيلك
********************