..............انا الغريب.........
انا الغريب وضايع في البلاد سواح
انا الغريب فقلبي شوق وكلي جراح
تايه وحيد اصلي غريب ليلي صباح
مشواري بعيد مابيلاقيني غيرالرياح
سمايا غيوم ليلي يزوم وعمري راح
احزان وخداني افراح نسياني مكسورالجناح
..........................................
دانا الغريب ضاع مني اجمل حبيب
دنا الغريب ومليش في الغربه نسيب
ليلي اصبح نهاري ماحد مني قريب
دموعي بتجري وعمري بيجري بشكل مريب
القلب بالياس امتلا وربي ليا حسيب
والناس بتسال انت مين..انا الغريب
.......................................
غريب غريب واحدي غريب ضيعني زماني
خدني حبيب سبني غريب شلني ورماني
ف وسط ناره دوقني مراره اصله كواني
قولي ياعمي قولي ياخالي فين الاماني
فغربه طالت هدت امالي نستني حناني
عمري انطوي وقلبي انكوي انحرق بستاني
..........................................
دانا الغريب تايه وحيد الرحمه ياناس
دانا الغريب اصل الحبيب شعور احساس
ليه القسوه علي الغريب د الحب الاساس
تفتوه وحيد يسهر ليله بلا وناس
فت بلادي وغير بلادي فقلبي حماس
اتاري البلاد بتسقي المرار.فاول كاس
.........................................
دانا الغريب ماشى الطريق ماقلت الاه
دانا الغريب عاشق امل عاشق حياه
فبلدى قريب منيش غريب حبي صلاه
ف الغربه حزين جرحى اليم مشلاقى دواه
غريب وادوب لوشفت يوم بسمة شفاه
تعدلي ماضي قتلوا زماني بدري وتواه
.......................................
غريب وداري بعيد والغربه بيا طالت
غريب والصبر انتها ودموع عيني سالت
بقصة غريب ماشي وحيد وقصته مالت
زمانه جار وقلبه بار وغربته حالت
عمره ماعاش وفرحته من قلبه شالت
وليله طال ودمعته غنوته زي ماقالت
......................................
دانا الغريب يازمن ايه اخرتي وياك
دنا الغريب يازمن عايز تخدني فداك
د كتير كده يازمن دنا فرحتي سمعاك
زمانك كان لعبتي بسمتي كانت سماك
سقيتك شربات فرحتي سقيتني قهوة عزاك
دانا الغريب يازمن دانا الحبيب وكفاك
......................................
غريب غريب بس ماشي ف سكتي
غريب غريب حزين ودمعي غنوتي
اه ياغريب ضيع زماني بسمتي
شوفوا ياناس مرة مراري ولوعتي
لوعني زماني وماحد سامع صرختي
واديني تايه وسط الزحام فغربتي
....................................
دانا الغريب تعالا يابكره نجيني
تعالا مره وشيل الدمع من عيني
تعالا بكره مافي صبر يواسيني
طال انتظاري ماجيتني مره تهنيني
من بعيد لبعيد ترمي التحيه تحيني
بس ليه يازمن الكل جاي يعزيني
...................................
انا الغريب يازمن ماتبعتر همومك
انا الغريب ياسما متزيحي غيومك
عجل شويه ياقدر مؤمن انا بيومك
اصلي باست وكواني قسوة هجومك
ليلك وراني العجب وعماني بظلومك
فرحك ماضاع ماعطيته كل نومك
.....................................
دانا الغريب وضاعوا الاهل والاحباب
انا الغريب وعمري اصبح سراب
بقيت وسط الطيور شبهوني بالغراب
غريب رماني زماني هنا ع الباب
الرحمه حلوه ياخلق دالزمن قلاب
وصحيح الدنيا بتدي وياولكم م الحساب
......................................
انا الغريب وانحرمت لامي النظره
رحت غريب اعمل م الفلوس بصره
وحلفت مارجع الا بريات العزه والنصره
غريب وفارد جناحه ف الهوي نسره
وادي القدر كسرلي ف الجناح كسره
ماكسبت غير وجع القلب والحسره
.................................
غريب وراجع بعد ماكواني الشوق
غريب وتايب مايبص تاني لفوق
رجعلك ياامي يام الحنان والذوق
راجع لحضنك وبرضه انا المحقوق
دحبك يا امي ادمانه ساري ف العروق
وعندي بالدنيا بس اشوفك ف الشروق
.....................................
غريب ودعوه لكل غريب ومتغرب
ودمعه لكل قريب ولسه هيجرب
نار الغربه مابترحم وعماله بتسرب
وخانقه كل غريب ونارها بتشرب
كاسات المر لكل قريب منها بيقرب
واديني راجع....بس قلبي متخرب
........علاء الحكيم........