انسوا معايا الماضي بقيت انسان جديد
وحدي ف وسط العالم عايش يا ناس سعيد
عاشق اغلي صبيه ارسم معاها احلامي
ندهتني والله بنظره غنت معاها ايامي
وخداني فدنيا تانيه دنيا جديده عليه
قالتلي انت يامصري ف الدنيا بس ليه
ارسم معيا الخطوه ضحك ليا الزمان
كسر كل القيود واشربلك كاس حنان
قلبي بيقولي هيه في الدنيا مقسومالي
حافظ عليها كتير وابنيها من امالك
انا شفت فيها ايه فيها شفت الامل
فيها لمست امان بيها قلبي اكتمل
وعشقت اسم جميل غنيته في المواويل
والبسمه فيها دليل صافيه بلون النيل
فلبي غني لزمنها رقص كونه عشانها
ليلي يقولي عيونها نهاري يعطر مكنها
وعيوني فيها تسرح واشوفها ف كل مطرح
ما تقول ياقلبي واشرح داوي من غير ماتجرح
بلدي غليه عليه هي حبة عنيه
تعالي قولي جايه نسعد نفرح شويه
كلامي مش حكايات ولا غنوه فيها اهات
حبك لروحي الذات عيشي فتبات ونبات
وانسوا معيا الماضي عيشوا احلام سعيده
بقلم علاء الحكيم
.