أحدث المشاركات

مصير الكوكب على متن الشراع الشمسي» بقلم إبراهيم أمين مؤمن مصطفى ح » آخر مشاركة: ناديه محمد الجابي »»»»» قراءة فى بحث تجربة ميلغرام: التجربة التي صدمت العالم» بقلم اسلام رضا » آخر مشاركة: اسلام رضا »»»»» وذُلّت الأعناق مقتطف من رواية قنابل الثقوب السوداء...» بقلم إبراهيم أمين مؤمن مصطفى ح » آخر مشاركة: إبراهيم أمين مؤمن مصطفى ح »»»»» الفصل الثاني من رواية وتستمر الحياة بين يأس و تفاؤل الأم الجريحة» بقلم بوشعيب محمد » آخر مشاركة: ناديه محمد الجابي »»»»» و تستمر الحياة بين يأس و تفاؤل الفصل الأول من الرواية بقلم بوشعيب» بقلم بوشعيب محمد » آخر مشاركة: ناديه محمد الجابي »»»»» قراءة في بحث أمور قد لا تعرفها عن مستعمرة "إيلون موسك" المستقبلية» بقلم اسلام رضا » آخر مشاركة: اسلام رضا »»»»» نعم القائد» بقلم عطية حسين » آخر مشاركة: احمد المعطي »»»»» قراءة في مقال يأجوج و مأجوج ... و حرب العوالم» بقلم اسلام رضا » آخر مشاركة: بوشعيب محمد »»»»» الطفل المشاكس بقلمي» بقلم بوشعيب محمد » آخر مشاركة: بوشعيب محمد »»»»» @ تَعَاويــذ فراشَــةٍ عَاشِقـَـة @» بقلم دوريس سمعان » آخر مشاركة: دوريس سمعان »»»»»

صفحة 1 من 2 12 الأخيرةالأخيرة
النتائج 1 إلى 10 من 13

الموضوع: يامصر حبك وجع

  1. #1
    قلم منتسب
    تاريخ التسجيل : Feb 2009
    المشاركات : 60
    المواضيع : 10
    الردود : 60
    المعدل اليومي : 0.01

    افتراضي يامصر حبك وجع

    يامصر حبك وجع

    فى حب مصر كتبت الشعر على موجه
    ساعات تنزل.. ساعات تطلع
    تخبّط فى الصخور تخضع
    تلفّ الدومات ترجع
    لكنها ما بتنتهيش
    وغيرها جوا قلبى مافيش
    وبتمنى لو تاخدنى رهين
    وأغازل حضنها الياسمين
    وترمينى جوا بحر العشق
    وتنسانى فى الغريق ومجيش
    فى حب مصر بموت كل يوم وبعيش
    بلملم فيها احلامى المرمّيه فى كل مكان
    وأصبّر بيها ايامى اللى كانت لما كنت زمان
    محاره فى بحرها المرمر
    فى حلقى حبها ممرر
    تبعّنى لقطر هيولع
    لمركب بكره هيودع
    لكل اللى اشترى ووزع
    وبرجع احبها اكتر
    تدوس على قلبى بالجزمه
    وترمينى ما ليش لزمه
    وعمرى ما سيبتها فى أزمه
    وبرضه بحبها واصبر
    فى حب مصر
    كتبت الشعر فوق خصرى
    وشمت النسر على صدرى
    رسمت الرايه فوق ضهرى
    وخبيتها بعيييييييييييد خالص
    هناك جوا ساااااااابع قلب
    وروّتها بوريد الحب
    خلاصة لانتماء من صب
    ووضّتها من خرير دمّى
    دى أم الدنيا مش أمى
    ولا كانت فى يوم أمى
    دى مصر العيله واللمه
    ومصر حرارة الضمه
    ومصر منارة الامه
    ومن غيرها القيامه تقوم
    انا ابن الستينات الشوم
    أيوب يامصرى
    وصابر على الشقا المقسوم
    ايوب وغافر ذنبها
    وتفرح لو تبات مظلوم
    مخنوق وبرضك حبها
    جواك بيكبر كل يوم.....
    انا مين فى بحرك
    ياحته من قدرمحتوم
    أنا موج بعافر واسافر
    ولّا غريق بيعوم
    انا مين فى بحرك
    يا سايقه فى الدلال واللوم
    وبريئ بحاول أبرر
    سر كل هجوم
    وجريئ بآوح وأصبر
    قلبى يوم ورا يوم
    أنا مين فى بحرك
    يابدر منوره يانجوم
    أنا حلم سابق فى الزمان سنى
    وأنا ابنك المدبوح
    على عتبة الننى
    وانا اللى برضه بموت
    طول ما انت بتأنى
    وأنا اللى فوق السحاب
    طاير مع إنى
    تحت الرجول منداس
    تتبرى ليه منى؟
    عراف وشاف الودع
    قال الطريق مسدود
    انا قلت لا للوجع
    دا لكل ظلم حدود
    عراف وشاف الجدع
    قالّى على الصوره
    ويامصر حبك وجع
    طول ما انتى مكسوره
    أنا نفسى أكتب قصيده
    مليانه شوق وحماس
    وأنشرها فوق العلم
    ويرفرف الاحساس
    وألقانى بفرح وأنا
    بيسمعها كل الناس
    وأقول عشانك انا
    مولود كده شاعر
    ماعرفش غير القلم
    بالهمزه انا شاعر
    وهفضل أكتب انا فى
    الشعر طول عمرى
    لو حتى وقعت سنانى
    ولّلا انحنى ضهرى
    يا مصر دا انتى الامان
    وانتى الدفا فى التوب
    وإنتى روح الفؤاد
    والقلب فيك يدوب
    مع انى فيكى طريد
    فوق الجبين مصلوب

    شعر/ ايهاب وفا

  2. #2
    الصورة الرمزية علاءالحكيم قلم نشيط
    تاريخ التسجيل : Feb 2010
    الدولة : في أرض الله الواسعة
    العمر : 63
    المشاركات : 408
    المواضيع : 35
    الردود : 408
    المعدل اليومي : 0.08

    افتراضي

    الشاعر الرائع.......ايهاب وفا

    ابدعت..........فاوجعت

    جميل ان اكون اول من عانق هذه القصيده الرائعه

    ولكن هذه الام قد ظلمت معنا فهي لا حول لها ولا قوه

    طوغيتنا هم من ظلمنا او نحن ظلمنا انفسنا

    فهي كما هي علي طول الزمان

    وقال احد المقهورين

    مهما الزمان يكسر في ايدك قلتك........وفرانه تاكل غلتك

    مهما الزمان يسرق خيطان جلابيتك.........اوطرحتك

    مهما العوازل يابهيه يقتلوا الضحكه علي وش الزمان
    .......
    ....................ويبدلوا الربان

    ...................ويزورلك غنوتك

    .................او يرسمولك خطوتك

    ...............ويغيرولك سكتك

    .............راح تفضلي اقوي واكبر من الزمان....

    ادامك الله واعز قلمك

    وتقبل مني كل الود والاحترام

    علاء الحكيم

  3. #3
    الصورة الرمزية خالد الهواري قلم فعال
    تاريخ التسجيل : Oct 2008
    الدولة : مصر
    العمر : 47
    المشاركات : 1,820
    المواضيع : 57
    الردود : 1820
    المعدل اليومي : 0.32

    افتراضي

    جسد عطره التراب فوق ضفاف النيل
    وكسته الحضارة ثوبا ذا جناح فحلق فوق هامات الانتماء
    وصار سحابا ......... امطر اغنية حب ووجع والم وانتماء
    علي ارض الجسد المعطر بزهر النيل
    فانبتت الارض .... كرامة وعزة واباء في جسد من (( وفا )) .. تكوينه الداخلي النيل والنخيل والشهداء
    والتبر المصري وشمس الاصيل (( واهابه)) الشعر والحرف الجميل
    انظر الي خيل هوارة تري عجبا _ في سيرها عندما يسري بها الساري لم تفخر الخيل قط براكبها_ مالم يكن فوق ظهر السرج هواري

  4. #4
    قلم منتسب
    تاريخ التسجيل : Feb 2009
    المشاركات : 60
    المواضيع : 10
    الردود : 60
    المعدل اليومي : 0.01

    افتراضي

    الاقتباس غير متاح حتى تصل إلى 100 مشاركات
    علاء الحكيم مصر هى كل جميل بداخلنا هى الحلم الذى يراود ابداعاتنا
    هى الصوره الجميله التى نحرص على بقائها بلا رتوش وندفع عنها تراب الزمن
    بطواغيته مصر هى اصاله المطحونين وحلم المقهورين وسوسنه الشعراء
    مصر هى الام وإن جار عليها ابن عاق من ابنائها الذين لا يعلمون ان هناك نهايه
    لكل جبار ظلم مصر هى الامس الذى بات بعيدا والغد الذى اوشك على المجيئ
    ولكن ما ابكيها هنا هى مصر اليوم وما اعشقها هنا هى مصر التى فى خاطرى وفى فمى
    مصر التى احبها من كل روحى ودمى

    اشكر لك مرورك المتألق
    ايهاب

  5. #5
    قلم منتسب
    تاريخ التسجيل : Feb 2009
    المشاركات : 60
    المواضيع : 10
    الردود : 60
    المعدل اليومي : 0.01

    افتراضي

    خالد الهوارى سليل الاصاله أنت ايها الجميل الوقع
    من نفس الجسد خلقنا وبنفس الروح نحيا وعلى نفس الارض نموت
    فلنمت وقوفا على لأنها تستحق

    هذه هى رسالتنا لها ومن اجلها

    سرّنى انك دوما هنا
    ايهاب

  6. #6
    الصورة الرمزية الطنطاوي الحسيني شاعر
    في رحمة الله

    تاريخ التسجيل : Jun 2007
    المشاركات : 10,902
    المواضيع : 538
    الردود : 10902
    المعدل اليومي : 1.77

    افتراضي

    محاره فى بحرها المرمر
    فى حلقى حبها مرر
    اخي الحبيب ايهاب وفا
    قصيدة من روائعك
    لا ينكر عليك احد حب هذه الدرة المصونة
    وهي كما قلت للعرب والآمة
    وهي كما قلت القيامة تقوم لولاها طبعا القيامة بالمعنى المجازي المصري
    اي مصيبة وداهية تحدث
    اخي ايهاب القصيدة للتثبيت ابداعا وتقديرا
    ايها الصب الوفي
    نصر الله مصر بعظيم رجالاتها
    اللهم أمين

  7. #7
    قلم منتسب
    تاريخ التسجيل : Feb 2009
    المشاركات : 60
    المواضيع : 10
    الردود : 60
    المعدل اليومي : 0.01

    افتراضي

    الاقتباس غير متاح حتى تصل إلى 100 مشاركات
    الاستاذ والاديب الراقى الطنطاوى مرورك مبهج للنفس دوما
    وشهادتك فرحة ووسام من متذوق له ذائقه بحجم ذائقتك

    ودى واحترامى
    ايهاب

  8. #8
    الصورة الرمزية محاسن بيومي قلم مشارك
    تاريخ التسجيل : Nov 2009
    المشاركات : 214
    المواضيع : 28
    الردود : 214
    المعدل اليومي : 0.04

    افتراضي

    ومهما نروح بعيد خالص بحبها بتوحشنا ومهما الضلمة توجعنا بأنادي عليها وحشاني

    وحشاني
    الأرض ليها حنان ....... وف قلبي ساكنان
    ماللي بناها كان......... في الأصل حلواني
    اللي بناهاكان فنان وخلاني
    وهمومي ساكناني ......... أصرخ وأقول ياني
    واحضنها بحناني ........ماللي بناها كان
    في الاصل حلواني
    يزرع جنانين حب والمسك رباني
    عطشان لنسمة شوق وعبيرها أوطاني
    واللي بناها كان في الاصل حلواني
    أخضر يالون الارض والخضرة عاشقاني
    تزف عطر الشوق يا بلادي وحشاني
    اللي بناها كان ............. في الأصل حلواني
    حب الوطن بركان وحبيب بقاله زمان
    في الغربة بيعاني
    رغم إني فيكي يا مصر
    يا بلادي وحشاني
    وحشاني ساعة العصر واللمة وجيراني
    اللي بناها كان .......... في الاصل حلواني
    محتاج لساعة صفر للنصر من تاني
    أهزم جيوش النفس واغسلها رباني
    مش بالكلام يا خلق
    راح نبني أوطاني
    اللي بناها كان بالعقل خلاني
    مفتاح رايات النصر والنصر آهوجاني
    ده اللي بناهاكان ........في الاصل حلواني
    رغم فيكي يا مصر يا بلادي وحشاني

  9. #9
    شاعرة
    تاريخ التسجيل : Jan 2010
    الدولة : على أرض العروبة
    المشاركات : 34,923
    المواضيع : 293
    الردود : 34923
    المعدل اليومي : 6.74

    افتراضي

    المبدع إيهاب وفا

    قصيدة رائعة في حب مصر البهية ، الأبية التي فاجأت العالم بثورة من أعظم ثوراته

    دمت بألق
    تستطيع أن ترى الصورة بحجمها الطبيعي بعد الضغط عليها

  10. #10
    الصورة الرمزية محمد محمود محمد شعبان أديب
    تاريخ التسجيل : Jan 2012
    المشاركات : 2,176
    المواضيع : 158
    الردود : 2176
    المعدل اليومي : 0.49

    افتراضي

    تدوس على قلبى بالجزمه
    وترمينى ما ليش لزمه
    وعمرى ما سيبتها فى أزمه
    وبرضه بحبها واصبر
    فى حب مصر


    وهكذا الحال في حب الغالية الآسرة

    صافحت نصك الرائع أخي / إيهاب
    وإن كنت قد أطلت الغيبة علينا
    لا حرمنا الله منك

    تحيتي

    حمادة الشاعر
    أسعدني بإضافة facebook
    mohammad shaban

صفحة 1 من 2 12 الأخيرةالأخيرة

المواضيع المتشابهه

  1. يامصر جدارك نحن
    بواسطة معتزابوشقير في المنتدى فِي مِحْرَابِ الشِّعْرِ
    مشاركات: 23
    آخر مشاركة: 20-07-2010, 05:52 PM
  2. محاسن بيومي في يامصر والله وحشاني
    بواسطة محاسن بيومي في المنتدى أَدَبُ العَامِيَّة العَرَبِيَّةِ
    مشاركات: 9
    آخر مشاركة: 01-05-2010, 10:02 PM
  3. ...يامصر ياحته مني...كلمات..نجوي أبو ليله
    بواسطة نجوي أبو ليله في المنتدى أَدَبُ العَامِيَّة العَرَبِيَّةِ
    مشاركات: 1
    آخر مشاركة: 17-12-2009, 06:39 PM
  4. حبك وجع ..؟؟
    بواسطة سحر الليالي في المنتدى أَدَبُ العَامِيَّة العَرَبِيَّةِ
    مشاركات: 26
    آخر مشاركة: 28-06-2006, 04:00 PM
  5. لك الله يامصر أذا اصبحت ارض تقام على ظهرها الخيانات الخطيرة والدنيئة
    بواسطة نعيمه الهاشمي في المنتدى الحِوَارُ الإِسْلامِي
    مشاركات: 2
    آخر مشاركة: 29-11-2004, 05:29 AM