الهجرة طلعت مصطفى العواد

[center]أصلى على النبى بداية الكلام والقول
وأعاير كلامى وأصب بميزان شعور معقول
وأنادى بحور الجمال تقص الحكاية حول
حكاية هجرة الرسول وياما لاقى من هول
فى الأولة إتولد محمد يقول الحق
يصحى قلوب البشر وقلبى بحبه دق
دعا قريش كلها ترد يا محمد لأ
ولمّت قريش أربعين فتى من ذوى قوة
وشيلين سيوف مشمرين الدراع عامة
وراحوالحد العتب يستنوا فى همّة
خروج النبى ويضربوا ضربة تكون تامّة
لكن تعالى وشوف حصل إيه جرى
خرج بحكمة النبى ومعجزة مقدرة
وهم وقوف لحد طلوع النهار ع القرى
قريش ذهب عقلها وقالت ده مين نايم
على ؟! آه وآه خرج النبى يا بنى آدم
علم البشر بالخبر وهب العرب جايزة
لمن يجيب الرسول يكون بها غانم
بحث الشباب يمين وشمال ع الرسول
وكل شاب قوى وصاحب سمانة وطول
وبالفرس فى الصحرا ذهب يغربلها
ولسه فى لالحكاية نقص ونقول
خرج النبى صحب أبوبكر الصديق
وصحبته صحبة خير وهداية طريق
وبنته تزوده طعام وترعى الغنم تلفيق
وتعلم خبر قريش وسيرهم ونيتهم
ويوصل بصحة للنبى مع الزاد بتدقيق
وغار ثور فيه الرسول وصاحبه مقيم لسه
وعليه العنكبوت وحمام وقشة
وفيه العرب بتدوروتحت العين الرسول
ما شافهش وربى حماه وكده يتم القول
تأليف /طلعت مصطفى العواد
مدينة السرو محافظة دمياط
وكيل مدرسة الشهيد محمد عربانو

السلام عليكم ورحمة الله وبركاته
صلى الله على محمد صلى الله عليه وسلم
اللي م يبدأ بمدح النبي المختار
كلامه ملوهش لازمة وف أخر المقال يحتار
يا صاحب الهجرة هجرت الأهل والدار
صلى عليك الإله في اليل وعقبه نهار
اخي الحبيب طلعت جعلها الله في ميزان حسناتك
وجزاك الله كل خير ايه الطيب

أخي / طلعت محمد عواد

بداية لا بأس بها ..
وعليك القراءة والقراءة والقراءة في شعر العامية المصرية
حتى تستقيم القصيدة شكلاً ومضموناً
خالص تحياتي
نبيل مصيلحي

اللهم صلي على سيدنا محمد

نص طيب المعنى بهي الرسالة
لكن موسيقاه تحتاج لعناية واهتمام

بانتظار جديدك

تحيتي