أنا رسول

يا جماعة انا عايز اعرف ادخل على ايه عشان أعدل ..مافيش كلمة اسمها تعديل ..ادخل على ايه عشان أعدل ؟؟؟

اخي الفاضل..هاني مهران

تحيه طيبه

اكتب القصيده هنا بعد التعديل...واطلب من الاستاذ الطنطاوي يعدلها لك

وهو سيقوم بذلك ان شاء الله

وعلي فكره ..فيه في التثبيت موضوع اسمه بحبوحة قسم العاميه

خش عليه وقول اللي انت عيزه...وهناك الرد سريع

كل الود والتحيه اخي

علاء الحكيم

التعديل :

من ( فن تفسير الرؤى فى ظل انحراف يوسف ) الى ( فن تفسير الرؤى فى ظل ارتحال يوسف )

ارجو تعديل هذه الكلمة وتثبيتها فى القصيدة

يا جماعة انا عايز اعرف ادخل على ايه عشان أعدل ..مافيش كلمة اسمها تعديل ..ادخل على ايه عشان أعدل ؟؟؟

السلام عليكم ورحمة الله وبركاته
أخي الحبيب هاني مهران المبدع الجميل
السلام عليكم ورحمة الله وبركاته
اولا اود أن أشكرك شكر عميق يليق بجمال ابداعك وجمال روحك في العدول للحق و الرجوع له
والإنحرافات الأدبية اخي الفاضل لا تأتي كلها جملة وإنما تحدث بزاوية حادة جدا ثم ما تلبث أن تتسع وتتسع
فنسأل الله السلامة
اخي الحبيب هاني قد عدلت ما أشرت ولو عندك كلمة أجمل من ارتحال انا تحت امرك ان شاء الله ومتابعك
واغيرها لكم بكل حب
تقبل شكري وتثبيتي ومروري

اخي الفاضل..هاني مهران

تحيه طيبه

اكتب القصيده هنا بعد التعديل...واطلب من الاستاذ الطنطاوي يعدلها لك

وهو سيقوم بذلك ان شاء الله

وعلي فكره ..فيه في التثبيت موضوع اسمه بحبوحة قسم العاميه

خش عليه وقول اللي انت عيزه...وهناك الرد سريع

كل الود والتحيه اخي

علاء الحكيم

اخي الفاضل الكريم علاء الحكيم
سلام الله عليك ورحمته وبركاته
اشكرك اخي الحبيب على شد الظهر وسد الثغر الكريم وتوجيه أخانا هاني مهران
وقد رددت عليه وصححت ما اراد وثبت القصيدة فهي جميلة بدون مجاملة
تحياتي وتقديري وشكري اخي

والله ماسبتش مكانى يوم أُحد
ومازلت واقف منتظر
رغم إنى محتاج للغنايم
لكن حلاوة الإنتظار
بتهد جوايا إشتياقى للوصول
الرسول كان له أكيد حكمة فى ثباتنا
إثبتوا

***

_ الإلتزام سر الوصول بالمعركة لبر الأمان
الغنايم مصيدة
الإنتصار مش بالسهولة المفرطة
الإنتصار بيْدَعَّمه أبسط مبادئ
إيه لزمة التخطيط .. إذا كان إلتزامنا بالقواعد والأوامر إتنسى ؟؟ _

***

أنا ملتزم
وانحرافى عن مبادئى مستحيل
أنا مش هكون زى اللى نزلوا للميدان من غير سلاح
فاتحين صدورهم لاغتيال الريح من غير حساب الممكنات

***

فكروا قبل التحرك ..
هل من الممكن لجيش
أرسى قواعد الانكسار
والرهبة والخوف والعذاب جوا قلوبنا
إنه يسمح إنِّنا نملك زمام المعركة
والسيطرة ف قلب الميدان
من غير مقاومة أو مؤامرة أو معارضة
أو مخطط للحصار لاستعادة مجدهم ؟؟
إنهم لا يؤمنون
والحرب خدعة وكل شئ فيها مباح


***


والوليد مش سهل أبدا
الوليد عارف ظروفنا واحتياجنا
وانحرافه عن حالاتنا واعتقادنا
يدَعَّمه لاقتناص آخر فتات حلم المواجهه من قلوبنا
تتنزف منَّا الإرادة
ننكشف ليهم
فنستقبل سهام الفكر من جوفهم نبقى ف تشتت
هى دى لحظة وصول حلم الوليد للسما
يلتقى بخوفنا المعشش فى العيون
نستقبل المطر التحكم
يتولد فينا انكسارنا وبين ملامحنا الذهول
تنطق قلوبنا
ياريتنا طاوعنا الرسول

***

_ إيه راح يفيد الندم من بعد تحديد المصير
إيه راح يفيد المؤمنين دلوقت
بإسلام الوليد بعدين
إيه راح يفيد الإبتكار لحظة وقوع المشكلة
إذا كان إيمانَّا بدورنا أصبح منتهى
والإعتماد ع الغير أصبح وسيلة للخلاص _

***

الوليد رش الجنود ع الميدان
فى الحلم / جوا الكيان / فى الدم
إنكسر فينا التحرر
وارتمينا ف حضن أخطائنا وطمعنا
إتجردت أفكارنا من درع المصابرة والإيمان بالإنتصار
الوليد رش الجنود فى الميدان دوامات
إتخلقنا من موج المفاجأة
وانكسار الموج فى قلب الدوامات هى حقيقة الموت
إحنا اتخلقنا لمعركة واحنا مش عارفين
جلل سؤالى فى الفضا إزاى بقينا مؤمنين

_ أنا مش هفارق موقعى هذا إلا بموتى _

ياللى عندك أمل إن الوليد يرحم شقانا وضعفنا
لازم تفوق
الوليد مش هيبقى ف صفنا أبدا
مش هيؤمن باللى فى قلوبنا
الوليد هيموت كدة
كافر

الله عليك يالصعيدي


انا سانقطع هنا لكن اتبابعكم هناك بالله لاتغيب

الله لا يحرمنا منكم امين فمان الله اخوي

أ / نريانا

شكرا جدا على الثقة والرأى

مع تقديرى واحترامى

كل يوم ف بلدنا تلقى فيه جديد
فى التحايل ع القوانين و اللوايح
فيه جديد
فى الهروب م المسئولية
فيه جديد
فى الوسايط و التعامل بالرشاوى
فيه جديد
حتى فى طريقة الاهانة وف المزلة
فيه جديد
***
القصيدة ثورة حرة
بتنطلق لجل انقلاب ف الفكر
و أنا صاحب الثورة
و أقدر اكتب عن تضاد الظن فى نسيج الملامح
و انعزال الأوردة ف جسمى النحيف

حرف بهي نطق بالحق في زمان الانكسار
وحس حر محلق في فضاءات الجمال برغم حلكة الليل

ونتوق لسماعه اليوم وقد أشرقت شمس الحرية والانعتاق

نص بديع حسا وجرسا

دمت بألق