يا حبيبتي بقلم إكرام مجاور

يا حبيبتي

يا حبيبتي .. آه حبيبتي
وانتي عارفه
ان شوقي مهما اقوله
لسه جوا الماضي عايش
من بعادك يا حبيبتي
سور حنايا القلب بايش
كان زمان .. آه زمان
لما كنا اتنين حبايب
بدلت احلامنا خوفنا
كان ساعيتها القلب دايب
من حنانك
كنتي قبل ما تيجي ليا
يتفتح قلبي ف بيبانك
كنتي فكري ..
والشعور كان فيا بحر
كنتي روحي
كنت ليا حنان وسحر
كنتي بحر وكنتي موجه
كنتي عامل فيا هوجه
حبنا ماكانش حب
زي باقي الناس يا عيني
حبنا كان زوج وزوجه
حبنا كان طوق نجاه
كان يعدي البر بينا
مهما هاج بحر الحياه
كنا لسه في البدايه
رغم إن الحب بينّا
كان وصلنا لمنتهاه
كنا لما نشوف حبايب
مهما كانو
كنا بنقول دول صغار
حبنا أكبر وأكبر
حتى الحب منا غار
في النهايه
لسه مش آخر الحكايه
لسه فيه أحلام وشوق
لسه فيه أمواج وطوق
لسه لسه..ولسه ياما
لسه بحر الحب فينا
حب راجع بالسلامه
يلا بينا يا حبيتي
نبتدي تاني اللي فاتنا
نبتدي تاني حياتنا
ودعي الأحزان معايا
وقابلي فرحك بابتسامه

حبنا كان زوج وزوجه
حبنا كان طوق نجاه
كان يعدي البر بينا
مهما هاج بحر الحياه
كنا لسه في البدايه
رغم إن الحب بينّا
كان وصلنا لمنتهاه


أصفق لكم اخي اكرام مجاور
اولا للتجديد فقليل من يكتب للزوجة والحب الحلال بهذه الانطلاقة في زماننا
وخصوصا في العامي لأننا كتبنا ونكتب لها في الفصيح
القصيدة للتثبيت ابداعا وابتكارا و تقديرا
وسامحنى افك تثبيت الاخرى فهي كلها في الحب الحلال قبل او بعد
تحياتي وتقديري

حرف كريم طاهر الغرض بهي المعنى

رسالة محبة مخلصة لامرأتك تستحق تحايانا

دمت بألق

الله الله الله
رائعة وأكثر تتغنى بكل مافيها من جمال الكلمات والمعنى والغرض
سعدت شاعرنا الرائع بمعانقة تلك الجميلة
تقديري الشديد لحرفك
ولك باقة من نور

يلا بينا يا حبيتي
نبتدي تاني اللي فاتنا
نبتدي تاني حياتنا
ودعي الأحزان معايا
وقابلي فرحك بابتسامه

حب وأمل
طبعا مهما جارت الأيام .. يبقى الحب
ومهما تكالبت الأيام .. يبقى الأمل
سيدتي / إكرام مجاور
نص رائع ، وبوح شفوف
تحيتي لروعة إبداعك

حمادة الشاعر
مشرف عامية

كلماتك دائماً رائعه استاذى الفاضل/اكرام مجاور
تتغنى لك السطور باجمل الكلمات فتغوص بنا فى بحور هادره من المعانى الرقيقه والهدف النبيل
تحيتى ايها القدير
كم اشتقنا لتواجدكم ولهولك الماتع
ننتظرك دائما
وبالتوفيق

يلا بينا يا حبيتي
نبتدي تاني اللي فاتنا
نبتدي تاني حياتنا
ودعي الأحزان معايا
وقابلي فرحك بابتسامه

دعوة جميلة للتفاؤل والإقبال على الحياة بحب وابتسامة تمحو الأحزان
شاعرنا الرائع ...
جميل ماقرأت لك
دام ألقك
ومرحبا بك في واحتك
تاياي