و كان نفسي أسلملك على قلبك
لسماع المادة الصوتية
اضغط هنا
وكان نفسي أسلملِكْ على قلبِك
و أرسملِك على دمع الفرح بوسة
و احبِك زي ما كل البشر حبك
و اسقي كل أحبابك عبير ودِك
و اصَحِّي النايم النعسان
يشوف النصر مرسومة قناديلو على خدِك
و اجبيلك روحي في كفِّي
و أقدمها و لا تِكْفِي
و كان نِفْسِي أشوف بعنيك أحلامي
أشوفك واقفة قدامي
تسامحيني على عجزي
و تعتبريني يا غالية
جنين محتاج دفا صدرك
و كان نفسي أسلملك على قلبك
أشوف الضحكة بعيونك
و أمسح دمعي بجفونك
و اسكن جوا بعنيك
و اصاحب دمعك الباكي
و أفرد كل أوراقي
الأولى عليها القلب
التانية عليها العين
التالتة بين الكفين
الرابعة عليها الروح
الخامسة حبيب مجروح
يطيب جرحو ببسمة يشوفها فوق وردك
و كان نفسي اسلملك على قلبك
لقيت الظلم بيحاصر خطاوينا
بيقتل كل أحلامنا على مرسى أمانينا
لقيت القيد مكتفني كما الأموات
و دمع عيونة بيمطر كما الميه من الغربال
فأسأل و الكلام أسرار
فهات السر يا قيدي و هات الحال
بلاش الدمع خلينا هنا أصحاب
تفضفض لي و افضفضلك
و تحكيلي سبب دمعك
فقال اسمعني يا صاحبي
أنا قيدك لكن قلبي ملان أسرار
هأقولك بعض أسراري
فداري دمعتك داري
أنا من عمري حبيتك و محتاجلك
تواسيني و ترسملي الهنا بصبرك
و كان نفسي أكون القيد
على كل اللي باع حبك
فساوموني و حاصروني و جابوني هنا جنبك
لأني في يوم من الأيام
كان نفسي أسلملك على قلبك .
فهات صبرك على صبري
و هات حبك على حبي
و نستنى يجينا اليوم
أنا و انت نسلملك على قلبك .
رد مع اقتباس
