هلوسات احمد الغلاييني (شيرازي بيك )

من يومين اتصل فيني صديقي وخبرني انه راح يزورني ومعه شيرازي للوهلة الاولى انا فكرت شيرازي شخصيه اجنبيه مهمه وجاي تتطلع على احوال المنطقه ...

دقتني النخوه والحميه ودقيت على صدري وقلت حياك الله انت والضيف
البيت صار عنا في حالة تأهب واضح كيف جاينا ضيف مهم

انا لبست بدلة المناسبات وامي طلعت فناجين الضيوف واخواتي والجارات بلشو ينظفو البيت حتى الجيران كان الهم بصمه واضحه في زيارة شيرازي بيك النا ...

اندق الباب واذا صاحبي على الباب

ولك وين الضيف

هيو دخل ماشفته

وينه ... هيو تحت رجليك

اتطلعت تحت رجلي وحكيت كش بس هسا بيجي الزلمه وبحكي بيتهم مليان بسس

صاحبي زعل وقال لاااااااا حرام هاد شيرازي حئو 500 دينار

اطلعت في صاحبي وقلت هاظ هو الشيرازي طلع الشيرازي (بسه)
صفنت في صاحبي وحكيتله يازلمه انا صارلي ساعة بزبط بلقرافه وتحملت جميلة ابو محمد تبع الدكانه وانت جايبلي (بسه) على الدار

مش مكفيني البسس العندي بدار
اطلعت بشيرازي بيك قاعد بصدر الدار وحكيتله قديش بسوا هاظ البس

صاحبي ... بيسوى 500 دينار

ودخلك ال 500 دينار على كم عيله من حاراتنا بصرفو

صاحبي ... وكمان اله اكل خصوصي ونظام غذائي معين

اااااااخ الله يرحمك ياجدي مات والسبب مش عارفين متى يعطوه الدوا

وكمان اله تأمين صحي وهوية شخصيه

ياهملالي انا الزلمه طول بعرض ماعندي تأمين ونص اهل الحارة ماعندهم تأمين

اففففففف كمان تأمين كل هاظ لشيرزاي بيك

صاحبي يييييييييي كيف لكان هاد امريكي

ياحبيبي كمان معه جنسيه امريكيه

امي نزلت القهوة لصاحبي وللبيك

صاحبي انفزع ئهوة لا بدي كابتشينو لشيرازتي

شو كابتشينو وشو هاظ كابتشينو بس مايطلع اسم كلب

لا شو كلب هاي ئهوة ايطاليه
بصراحة انا قلبت الطربيزه على صاحبي وقللته قوم اي من يوم ماصرنا بني ادمين ماشفنا لا لحمه ولاتأمين صحي ولا شمة هوا

احمد الغلاييني

ههههههههههههههههههههههههه ه
قصة جميلة بس المكان هنا للشعر العامي ممكن كنت نشرت في منتدي القصة القصيرة
ولكن الاسقاط رائع
ناس تضيق بطوق الفقر وناس تضيق بوسع النعيم وعجبي

أخي الشيرازي أضحكتني كثيرا على حالي
ولكن مكانها ليس هنا

اخواني انرتموني بنوركم وبدربكم الذي كان لي نورآ حقآ واعذروني فمازلت جديدآ عليكم

ان شاء الله في المرات القادمه اخذ انتباهي وحذري