افتكر معايا,,,,,,,,,,,,,,

أيام زمان

ياااااااااه على أيام زمان
كانت أيام كلها حنان
أيام حقيقيه موزونه بالميزان
عمرنا لونها بكل الألوان

ياااااااه على أيام زمان

أيام الصفا والجمال الخلاب
أنا فاكره لسه اللعب فى التراب
وجرى القطط ووراها الكلاب
وأبويا إلى كان مليان حيويه وشباب

ياااااااه على أيام زمان

أول مره أعرف يعنى إيه مدرسه
وأحلم ,,,إنى لما أكبر أبقى مدرسه
وحبى للبس الكعب العالى والجيبه القصيره
وكلمتى لأمى ( أنا مبقتش صغيرة )

ياااااااه على أيام زمان

الشقاوة ولعب الشارع صبيان وبنات
من سباعيه لستغمايه لكهرب والتعلب فات
والجرى من غير تعب لمسافات
ورا عم بتاع الحلاوة وسكر النبات

يااااااه على أيام زمان

انا حبيت افتكر ايام زمان الخاصه بيا معاكوا بس لقيت نفسى لو طويلت فى سردها أكتر من كده هتبقى فضيحه علنيه

ههههههههههه

والله لو كلنا حبينا نفتكر هنطلع بلاوي
الصراحة .. فكرتيني بشوية ألعاب كنت بلعبهم زمان
( استغماية , الشبر شبرين , حتة جبنه بقرش , فركش , كهربه , مساكه ,
صلَّح , عسكر وحرامية , أم جابر , ..... إلخ )

رجعتينا لأيام والله كانت جميلة
أسعد الله أيامك كلها
أخوكِ

أيام زمان

ياااااااااه على أيام زمان
كانت أيام كلها حنان
أيام حقيقيه موزونه بالميزان
عمرنا لونها بكل الألوان

ياااااااه على أيام زمان

أيام الصفا والجمال الخلاب
أنا فاكره لسه اللعب فى التراب
وجرى القطط ووراها الكلاب
وأبويا إلى كان مليان حيويه وشباب

ياااااااه على أيام زمان

أول مره أعرف يعنى إيه مدرسه
وأحلم ,,,إنى لما أكبر أبقى مدرسه
وحبى للبس الكعب العالى والجيبه القصيره
وكلمتى لأمى ( أنا مبقتش صغيرة )

ياااااااه على أيام زمان

الشقاوة ولعب الشارع صبيان وبنات
من سباعيه لستغمايه لكهرب والتعلب فات
والجرى من غير تعب لمسافات
ورا عم بتاع الحلاوة وسكر النبات

يااااااه على أيام زمان

انا حبيت افتكر ايام زمان الخاصه بيا معاكوا بس لقيت نفسى لو طويلت فى سردها أكتر من كده هتبقى فضيحه علنيه

فعلا ياااااااه على ايام زمان
دايما ايام زمان بتفكرنا بحاجات حلوة
وسعات وحشة
لكن دايما بيكون لينا ذكرى ف امبارح
المبدعة / منى حسن
احييكى على الفكرة دى
اهلا بك معانا ف شعر العامية
قصيدتك فكرتها جيدة وان كان ناس كتير استخدمت الذكرى والايام اللى فاتت ف شعرها لكن لامانع برضه من ان القصيدة فكرتها جميلة
ناقصك تتعلمى شوية وزن لان القصيدة فيها كسور عروضية
وعندك بدايات صور جميلة
ان شاء الله تبقى شاعرة كويسة جدا
ولكن اثقلى موهبتك بالقراءة
فصحى وعامية هيفيدك ده كتير
اقرى لفؤاد حداد واحمد فؤاد نجم ولصلاح جاهين وبرضه للناس الجديدة ف العامية والفصحى
اتمنى لك مستقبل جيد
لك التحية والتقدير
اختك
الهام احمد سعد

ومتقراش لأحمد موسى يعني ؟؟
مااااااااااااشي

ومتقراش لأحمد موسى يعني ؟؟
مااااااااااااشي

طبعا يا منى لازم تقرى لاحمد موسى
بس اقريله ربع قران عشان ربنا يغفرله ههههههههههه

*
لا بجد المبدع العزيز / احمد موسى
شاعر يستحق انك تقريله
لك التحية منى وشكرا لاسقبال دردشتنا على صفحتك

السلام عليكم ورحمة الله وبركاته
اختنا الفاضلة ذكرتينا
بأغنية وردة (وهدومنا الجديدة ماليها التراب=وقلوبنا السعيدة ناسيها العذاب
ذكريات حب الطفولة.....البريئة .....الرئيئة
عايشة بيها من يوميها.......من يوميها)
قصيدة تنبئ بشاعرة واعدة رغم عدم انتظام موسيقاها ولكن لا ينقصها الفطرة والتي يغلبها بعد حين الشاعرية
تحيتي وتقديري
واهلا وسهلا بك بيننا

ههههههههههههههههههههههه

شكرا لكم جميعا

بس على فكره انا بكتب لمجرد الكتابه مش هدفى انى أبقى شاعره

لأن طبعا مش عندى الإمكانيات لأنى أبقى شاعره هههههه

وبالنسبه للقرايه أنا بحبها جدا بس حد يجيب فلوس ووقت عشان أشترى كتب ههههههههه

بس بجد شكرا جزيلا على الإهتمام وياريت توضحولى ايه هيا القصور عشان ماخدش بالى منها بعد كده ههههههههه

لأ بجد ايه هيا عشان انتوا عنكوا ماشاء الله خبره أكتر منى

معانيها جميلة
وفكرتها شيقة وقريبة للنفس
غير أنها خرجت عن موسيقاها في غير موقع

قلمك واعد وأظنه الآن يهطل بروائع
فليتنا نراها

دمت بخير