أحدث المشاركات
النتائج 1 إلى 7 من 7

الموضوع: الوليد

  1. #1
    قلم منتسب
    تاريخ التسجيل : Aug 2008
    العمر : 37
    المشاركات : 10
    المواضيع : 2
    الردود : 10
    المعدل اليومي : 0.00
    من مواضيعي

    افتراضي الوليد

    والله ماسبتش مكانى يوم أُحد
    رغم إنى محتاج للغنايم
    لكن حلاوة الإنتظار
    بتهد جوايا إشتياقى للوصول
    الرسول كان له أكيد حكمة فى ثباتنا
    إثبتوا

    ***

    _ الإلتزام سر الوصول بالمعركة لبر الأمان
    الغنايم مصيدة
    الإنتصار مش بالسهولة المفرطة
    الإنتصار بيْدَعَّمه أبسط مبادئ
    إيه لزمة التخطيط .. إذا كان إلتزامنا بالقواعد والأوامر إتنسى ؟؟ _

    ***

    أنا ملتزم
    وانحرافى عن مبادئى مستحيل
    أنا مش هكون زى اللى نزلوا للميدان من غير سلاح
    فاتحين صدورهم لاغتيال الريح من غير حساب الممكنات

    ***

    فكروا قبل التحرك ..
    هل من الممكن لجيش
    أرسى قواعد الانكسار
    والرهبة والخوف والعذاب جوا قلوبنا
    إنه يسمح إنِّنا نملك زمام المعركة
    والسيطرة ف قلب الميدان
    من غير مقاومة أو مؤامرة أو معارضة
    أو مخطط للحصار لاستعادة مجدهم ؟؟
    إنهم لا يؤمنون
    والحرب خدعة وكل شئ فيها مباح


    ***


    والوليد مش سهل أبدا
    الوليد عارف ظروفنا واحتياجنا
    وانحرافه عن حالاتنا واعتقادنا
    يدَعَّمه لاقتناص آخر فتات حلم المواجهه من قلوبنا
    تتنزف منَّا الإرادة
    ننكشف ليهم
    فنستقبل سهام الفكر من جوفهم نبقى ف تشتت
    هى دى لحظة وصول حلم الوليد للسما
    يلتقى بخوفنا المعشش فى العيون
    نستقبل المطر التحكم
    يتولد فينا انكسارنا وبين ملامحنا الذهول
    تنطق قلوبنا
    ياريتنا طاوعنا الرسول

    ***

    _ إيه راح يفيد الندم من بعد تحديد المصير
    إيه راح يفيد المؤمنين دلوقت
    بإسلام الوليد بعدين
    إيه راح يفيد الإبتكار لحظة وقوع المشكلة
    إذا كان إيمانَّا بدورنا أصبح منتهى
    والإعتماد ع الغير أصبح وسيلة للخلاص _

    ***

    الوليد رش الجنود ع الميدان
    فى الحلم / جوا الكيان / فى الدم
    إنكسر فينا التحرر
    وارتمينا ف حضن أخطائنا وطمعنا
    إتجردت أفكارنا من درع المصابرة والإيمان بالإنتصار
    الوليد رش الجنود فى الميدان دوامات
    إتخلقنا من موج المفاجأة
    وانكسار الموج فى قلب الدوامات هى حقيقة الموت
    إحنا اتخلقنا لمعركة واحنا مش عارفين
    جلل سؤالى فى الفضا إزاى بقينا مؤمنين

    _ أنا مش هفارق موقعى هذا إلا بموتى _

    ياللى عندك أمل إن الوليد يرحم شقانا وضعفنا
    لازم تفوق
    الوليد مش هيبقى ف صفنا أبدا
    مش هيؤمن باللى فى قلوبنا
    الوليد هيموت كدة
    كافر

  2. #2
    الصورة الرمزية علاءالحكيم قلم نشيط
    تاريخ التسجيل : Feb 2010
    الدولة : في أرض الله الواسعة
    العمر : 60
    المشاركات : 408
    المواضيع : 35
    الردود : 408
    المعدل اليومي : 0.11

    افتراضي

    اخي الفاضل.....هاني مهران

    سلام الله عليك اخي

    ايه ياعم هاني الابداع ده

    واللهي ياعم لو نعرف طريقك لاتصلنا بيك

    اشتقنالك

    وسألنا عليك في بحبوحة قسم العاميه

    سلمت يمينك اخي
    وعوده حميده

    وفي انتظار ابدعاتك

    كل الود والتحيه اخي الفاضل

    دومت بالق

  3. #3
    قلم منتسب
    تاريخ التسجيل : Aug 2008
    العمر : 37
    المشاركات : 10
    المواضيع : 2
    الردود : 10
    المعدل اليومي : 0.00
    من مواضيعي

    افتراضي

    استاذ علاء الحكيم

    شكرا جدا لرأيك ولإهتمامك

    معلش انا مقل فى اعمالى فى الفترة الاخيرة وان شاء الله اقدر اكتب جديد

    تقبل تقديرى واحترامى

  4. #4
    الصورة الرمزية محمد عبد القادر شاعر عامية
    تاريخ التسجيل : Mar 2009
    الدولة : مصر - الأسكندرية
    المشاركات : 1,036
    المواضيع : 32
    الردود : 1036
    المعدل اليومي : 0.25

    افتراضي

    الفكر عالى و جميل
    و التعبير روعة فى صورته الرمزية
    و برغم انتظام موسيقى النص
    إلا إنى ضد التحرر التام من القافية
    اللى الشعر أصلا قائم عليها
    مجرد وجهة نظر
    تقبل مرورى
    و
    إلى لقاء
    وَ مَا فِى الدَّهْرِ خَيْرٌ مِنْ حَيَاةٍ = يَكونُ قِوَامُهَا رَوْحَ الشَّبَابِ

  5. #5
    قلم منتسب
    تاريخ التسجيل : Aug 2008
    العمر : 37
    المشاركات : 10
    المواضيع : 2
    الردود : 10
    المعدل اليومي : 0.00
    من مواضيعي

    افتراضي

    أ / محمد عبدالقادر

    اشكر حضرتك جدا على رأيك فى القصيدة

    وبالنسبة للقافية احترم رأيك جدا
    وأكيد وجهات النظر والالتزام او الطرق بتختلف من شاعر لآخر

    تقبل تقديرى واحترامى

  6. #6
    شاعرة
    تاريخ التسجيل : Jan 2010
    الدولة : على أرض العروبة
    المشاركات : 34,923
    المواضيع : 293
    الردود : 34923
    المعدل اليومي : 9.15

    افتراضي

    الرائع هاني مهران
    شكرا للقصيدة الجميلة
    والتسجيل الشعري لوقائع في قراءتها بوعي صياغة للنمط الفكري والسلوكي لقارئها

    تحيتي

    دمت بخير
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  7. #7
    الصورة الرمزية آمال المصري عضو الإدارة العليا
    أمينة سر الإدارة
    أديبة

    تاريخ التسجيل : Jul 2008
    الدولة : Egypt
    المشاركات : 23,643
    المواضيع : 386
    الردود : 23643
    المعدل اليومي : 5.41

    افتراضي

    _ أنا مش هفارق موقعى هذا إلا بموتى _

    ياللى عندك أمل إن الوليد يرحم شقانا وضعفنا
    لازم تفوق
    الوليد مش هيبقى ف صفنا أبدا
    مش هيؤمن باللى فى قلوبنا

    هذا وحده نص كامل استوعب الأحداث بأسلوب متميز أراك تنفرد به كلما قرأت لك
    شاعرنا الرائع ...
    دمت ماهرا متألقا
    ولك جل التحايا
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

المواضيع المتشابهه

  1. عمر الوليد
    بواسطة بن عمر غاني في المنتدى النَّثْرُ الأَدَبِيُّ
    مشاركات: 15
    آخر مشاركة: 08-05-2006, 02:37 PM
  2. حديث مع خالد بن الوليد ( قصيدة لـ ماجد الخطاب )
    بواسطة ماجد الخطاب في المنتدى الشِّعْرُ الفَصِيحُ
    مشاركات: 10
    آخر مشاركة: 09-10-2005, 09:13 PM
  3. الوليد
    بواسطة حوراء آل بورنو في المنتدى النَّثْرُ الأَدَبِيُّ
    مشاركات: 5
    آخر مشاركة: 23-04-2004, 05:06 PM
  4. لو جاء عمر بن الخطاب أو خالد بن الوليد أو صلاح الدين الأيوبي سيقابلونا بالبصاق
    بواسطة عمر الدمشقي في المنتدى النَّثْرُ الأَدَبِيُّ
    مشاركات: 4
    آخر مشاركة: 22-05-2003, 12:08 AM
  5. سيرة القائد (أبو الوليد)
    بواسطة عبد الله الشدوي في المنتدى الحِوَارُ الإِسْلامِي
    مشاركات: 3
    آخر مشاركة: 08-02-2003, 02:54 AM