يومـــاتى أســـلم واصـلـى
وادعـِــى بمقــــام محمـود
عاشقَـك وعشقَـك وَاصلى
ف ارض و سمـا محـمـود
***
قالــوا البنون ولا مـــــال
وميـــــن بـلاهـــم بـيحـى
زكــــريـا يدعـى ولا مـال
بشــارته كانـت "بـيحـى"
***
محـــــروم وبـادعى يهـادى
"خـليـل" دعـاها وهاجـــر
شـوف ربـك امــا يهـــــادى
"سارة" تخلف و"هاجر"
***
استغـفر الله وصــــالح
كل اللى تاب ولا عـــاد
اهى ناقـة كانت لصالح
لا خلت ثمـود ولا عـــاد
***
باجــــرى ما لاقى مطـــــارح
ياللى خـــذلانــى ف سبـــاقى
ليــه فـرحى فـيـكى مطـــارح
وهـمـــــــك اخـدتُــه سَــبـاقى
***
عيونك ف الميــزان طبـين
ورمشك ف القلوب جَـراح
يـاما فيــكى نـــاس طـبـيـن
جـــرحــى تعـــوز جــــراح
***
لو ملــــح اكلى متــــــاجــر
ف يوم و صـــاحبى أعادى
ولا عـمرى افـتح متــاجـــر
تكسب بحَـضـن الأعـــــادى
***
بتقــولى جــوعــــى دا طبــلك
وصيـــــامى فيـكـى تـقــالـــى
لا فــرحـــت مــرة ف طـبـــلك
ولا دُقـــت ليــكــى تـقــالـــــى
***
النـــــدل قـلبه مصـــــــــافى
لا عـمـــره مــــره مـعـكــــر
والله ان تجيـب له مصــافى
دمـــــــه ح يجــــرى معـكـر
***
حـبـــــــابى دول فــــــاطـيــن
كـــــــــدَّبنى جيـب أهـالـيــــك
لا عــــــم يـــــــوم فـاطـيـــــن
ولا شـــفـنا خـــال أهـالـيـــــك
***
دايمــاً فى عـشـقك بطاطـى
وتقــــــــولى الـزم لحــــــدك
عرتـنى عــالى وواطـــــــــى
وانا اللـــى جــايـلك لحـــــدك
***
استـنكـــر واشجـب ودين
وقـــولك ع الهــــــوا قولا
اعمل مــدافع على الــدين
وقاطــــع واشرب كوكولا
***
شعر
خالد حلمى الطاهر
مصر - الاقصر 0ارمنت
رد مع اقتباس
