أحدث المشاركات
النتائج 1 إلى 7 من 7

الموضوع: كتر خيرك

  1. #1
    الصورة الرمزية ممدوح سالم شاعر
    تاريخ التسجيل : Jan 2010
    الدولة : فى روىّ قصائدى
    المشاركات : 223
    المواضيع : 39
    الردود : 223
    المعدل اليومي : 0.06

    Exclamation كتر خيرك

    كتر خيرك


    سكك الفقرا بتيجى حدانا وتوسع


    عطشان يا بحر النيل


    أنا جيى أشكيلك همى همى وهم ولادى واللى بيسمع


    ليلاتي أشكيلك همي يا نيل


    ها تسمع مني ولا مش فاضي للمواويل؟؟؟


    أنا ما اعرفتش فوق الشط الشايل بدنى غير النوح !


    واهو مستنى تبوت الموت الدور الجاى.


    وانا قال واحد من ملايين ف أرض الطاهرة بتيجى وتروح


    نعيش ونموت ولا حد بيسمع عشنا ازاى ومتنا ازاى!!


    عطشان يا بحر النيل حزين مجروح


    أنا فاكر أمى وابوى وجدى


    فاكر فرحة خالى وخالتى ..أنا فاكر فرحة جتى


    لما أبوى سمانى ممدوح


    وفاكر بعد سنين وحكاية الحرب


    علو الهمة وصوت الضرب


    دفا الأحضان / عاشر رمضان ..رجوع الأرض بعون الرب


    وكمممممممم وعود!


    قال الخلق الصبر يا هوو ...واديها ليالي معدية وبكرة صباح


    بنات بكفوف محنية شجر تفاح


    ومهما الليل سهر نجمه ح ييجى صباح


    وبكرة الأرض الطاهرة كنوزها تفوح


    القمح سنابله تقوم والشمس تلوح


    النخل الطارح طارح حلم غلابة كتير


    وانت يا نيل قال مستنى ...؟؟؟


    بتصبر عشقك بدرى تروح


    زيك زيى تمام ,,,, احنا ولاد الشمس ..قمرتنا هناك


    وقلت يا نيل واسمعنا لك واصبرنا معاك!!


    وقلت يا خال إن ولادك دول شهدا بحق ...وضحوا لست الكل


    باعوا ارواحهم خضراا لآاخر قطرة وفاتو الكل


    ولما دماهم روت سينا حنت يدها وطرحت فل ..


    قلنا خلاص ارفع راسك... ينصر دينك بلدك حر


    وعاد فرحان وود عمى وجات الناس


    والزغاريت المحبوسة سنيين فــ خشوم الناس.....بقت إحساس ...


    بقت علام ...أقلام ..كراس


    وسمعنا أدان


    وقرينا الفاتحة يس والناس


    نرقي بلدنا


    من سلومها لغاية اسوان


    صدقنا نفوسنا وقلنا خلاص


    دا احنا حضارة بعمر الدنيا


    دا احنا أساس


    وقالوا خلاص ودعنا المر


    وبقينا نعد سنين بتجر........... ح نرضا خلاص


    أتاري أعمارالرضا بتعدي


    ومحسوبة شقاوة ........محسوبة سنين من عمر الناس


    كان جدي يقول :عد سنينك تلقى العد صداع في الراس....


    وكتر خيرك


    دا انت يا نيل مواويلك عزيق بالفاس


    واحنا المر الطافح عاد شربينو بنرصو صفايح ما هو خلصان


    دا احنا بقينا احوال مشهورة


    كل عناوين الشقا مشهورة ف عيون الناس


    وادي بلدنا بلاد النيل محصورة


    هبة النيل الميه بتقطع فيها تلات ايام !!






    الناس عطشانة ف ليل صيام


    بق الميه بقاش موفور


    حتى النور بقاش موفور


    مهو معذور


    في بلاد السد النور تقسيط


    إيه ح ينور إنت عبيط



    وإيه ح يشغل؟


    عايزو ينور نجع البركة حواري المرج وكفر سرور؟؟؟


    مهو معذور!!!


    طيب قوللي الكام تكييف للبشوات منين ح تدور؟


    ومنتاش خابر إن أكابر بلدك باعو الطاقة ...ومش بفلوس




    وباعو الغاز ..


    وصاحبك فاز.


    موت محسور موت ميئوس


    حجيبوا منين وهو مالو الجاز ف زمن النت


    يا واكل ناسك مالوا الجاز؟؟؟ اقفل خشمك واسكت


    دا حتى يقولو اللي بيفوت قديمو يتوه


    ما نيش زعلان!


    أهو بطلع غلبي ف المواويل


    وانت يا نيل خليك بخلان


    كبارنا يقولو إن النيل عليكو بخلان


    وما لناش ذنب هو قلة حب يعني لا هي مؤامرة ولا سجان


    كل القصة إن النيل كان فلتان عاشق بحري... وكان فرحان


    ها بقي زعلان.... كشكش نفسه شوية ناحية قبلي ولم الدور


    قلت يا نيل صح دا كلام


    خليك جلعان علينا سنين .. مش أيام


    واهو صابرين


    خليك بخلان !!!








    شوية قمح ومش عارفين


    لا نروي قراط ولا فدان


    خليك بخلان آدي الرز خلاص حرمان


    يعني لا قمحة ولا رزاية ولا بستان


    واحنا يا نيل صابرين


    وكله تمام!!!


    كتر خيرك


    أشوفك بكرة


    يللا سلام


    ولد الجنوب ...... القاهرة أغسطس 2010

  2. #2
    الصورة الرمزية محسن شاهين المناور شاعر
    في ذمة الله

    تاريخ التسجيل : Apr 2008
    الدولة : سوريا ديرالزور
    العمر : 67
    المشاركات : 4,232
    المواضيع : 86
    الردود : 4232
    المعدل اليومي : 0.95

    افتراضي

    أخي الحبيب ممدوح
    لوحة من الحزن تدمي القلب
    وسرد لمعاناة وواقع مؤلم
    لقد أبدعت وأوجعت ياصاحبي
    وعذرا لأني نقلتها للقسم المختص
    كي تأخذ حقها في النقاش
    لأن القسم الذي وضعتها فيه خاص بالفصيح
    محبتي وتقديري
    محسن شاهين المناور

  3. #3
    الصورة الرمزية ممدوح سالم شاعر
    تاريخ التسجيل : Jan 2010
    الدولة : فى روىّ قصائدى
    المشاركات : 223
    المواضيع : 39
    الردود : 223
    المعدل اليومي : 0.06

    افتراضي

    شكرا أستاذي الكبير لمطالعتك التي ألبستها حلية زينتها وصاحبها على سواء
    وعذرا لسهوي
    ولد الجنوب

  4. #4
    الصورة الرمزية علاءالحكيم قلم نشيط
    تاريخ التسجيل : Feb 2010
    الدولة : في أرض الله الواسعة
    العمر : 60
    المشاركات : 408
    المواضيع : 35
    الردود : 408
    المعدل اليومي : 0.11

    افتراضي

    صوره حيه ...لواقع اليم

    ولا حول ولا قوة الا بالله

    سلمت يمينك اخي الفاضل...ممدوح
    ابدعت...فاوجعت
    ودي وتقديري

  5. #5
    الصورة الرمزية ممدوح سالم شاعر
    تاريخ التسجيل : Jan 2010
    الدولة : فى روىّ قصائدى
    المشاركات : 223
    المواضيع : 39
    الردود : 223
    المعدل اليومي : 0.06

    افتراضي

    شكرا أخي الأديب الجميل علاء
    مرورك أسعدني
    لك التحية عد أنفاسك الطيبة
    ممدوح

  6. #6
    شاعرة
    تاريخ التسجيل : Jan 2010
    الدولة : على أرض العروبة
    المشاركات : 34,923
    المواضيع : 293
    الردود : 34923
    المعدل اليومي : 9.15

    افتراضي

    صارت حروفنا مسكونة بالوجع والآه
    حتى بتنا نمر به بهدوء ونمضي

    ولكنك مع هذا استوقتنا بروعة حرفك

    دمت مبدعا
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  7. #7
    الصورة الرمزية الطنطاوي الحسيني شاعر
    في رحمة الله

    تاريخ التسجيل : Jun 2007
    المشاركات : 10,901
    المواضيع : 538
    الردود : 10901
    المعدل اليومي : 2.28

    افتراضي

    قصيد مرير طويلكطول المر الذي نحياهرائعة وجميلة لولا ان صببت كل الحزن فيهاأعاننا الله وإياك على هذه الأيام وهذه الصورتقد\يري ايها المتمكن