أحدث المشاركات
النتائج 1 إلى 4 من 4

الموضوع: لحظة سقوط الكدبة قدامك

  1. #1
    الصورة الرمزية محمود موسى شاعر
    تاريخ التسجيل : Jun 2006
    العمر : 35
    المشاركات : 835
    المواضيع : 169
    الردود : 835
    المعدل اليومي : 0.16

    افتراضي لحظة سقوط الكدبة قدامك

    ياه عالقَدَر !
    من قد إيه مستنى عابر زى ده ..
    وانا كنت بستعجل مرور الشىء هنا
    علشان ما اقول لك :
    غشاشة يا مراية اتْمَلِت فيها البطولة
    بصورة نائية مُزَيَّفة ..
    بالسطح كانت طيف ومتموّج
    بيتحدى الوضوح .
    و أنا اللى كنت منين مارُوح
    شايف يَدوبَك نفْسى فيها وكل برواز بَلْمَحُه
    كنت احترم فيها ابتعاده الملتزم بالحد والمسموح.
    وَلاَ كان بيخطر إنه يتعكر جدارك قبل ماعرف..
    وان عرفت/
    يخدعنى تمثيل البخار عـ الصورة
    آل فاكر هنا المنديل يخَلّى الصورة تلمع
    واتاريكى موجة تزوّد التعاريج
    وبتشَوّش على الجزء اللى متفرغ بيخدع
    وانعكس من وقفتين قدام ثَباتك منظرى
    فاكر بإنى بكتشف نفسى اللى كانت
    من جديد / آل يعنى كان جُوّاكِ ينفع !
    ووقفت قدامك بِهِندامى اللى غَيَّر بعض فيَّا
    بيختبر مردودك الصافى ..
    ينكر عوادم شارع الواقفين بأنفاس مستفزة/
    وإيه كمان ؟ !
    بيمر منديله اللى بادىء لَمْسِته بالبسملة
    بعد استعاذة من الطريق
    كان برضه خايف بس تتعكر حدودك مالهوا
    واتاريه ف لحظة ما احتواه القرب
    خَدَّر محتواه الحُر والمألوف بنفسه
    ونفسه خان !
    طب إيه كمان ؟ !
    الصورة ما اكتملتش لسة - حسب كلامك -
    يعنى آل غيرى اللى واقف عند آخر صف
    شافها بالاكتمال
    وأنا اللى قدامك مانيش شايف
    كأنك لما كنتى بتعكسى الواقف ف صفك
    حَوّلت كل الزوايا-القايمة برضُه- بنفسها
    سمتى الغريب ..
    ناحية غريب !
    واستوقفتنى بحجة بايخة وقفت بستعتب :
    " جبان ! !"
    ازاى بتستأمن كده الدخان على مرايتك
    وتهرب من طموح شايل على اكتافه الأمل ؟ !

    لو كنت بس اديت لنفسك وقت تسأل
    كنت كَسَّرت الإزاز عند اكتشافك انه ما بيعكس ملامحك
    جُوَّا تحويلة مَداه
    الصورة مش صورتك
    دا منظر شخص نافِد مـ الإزاز
    قُدّامه كنت/ وهو كان واقف .. وراه

    18/3/2008
    facebook.com/mousapoet

  2. #2
    شاعرة
    تاريخ التسجيل : Jan 2010
    الدولة : على أرض العروبة
    المشاركات : 34,923
    المواضيع : 293
    الردود : 34923
    المعدل اليومي : 9.15

    افتراضي

    كأني قرأت هذا النص لك وعلقت عليه سابقا
    ولكنه جمال يستحق التعليق أكثر من مرة

    دمت مبدعا
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  3. #3
    الصورة الرمزية علاءالحكيم قلم نشيط
    تاريخ التسجيل : Feb 2010
    الدولة : في أرض الله الواسعة
    العمر : 60
    المشاركات : 408
    المواضيع : 35
    الردود : 408
    المعدل اليومي : 0.11

    افتراضي

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    اخي الفاضل الرائع...محمود موسي
    سلام الله عليك
    راق لي ما قرائت هنا
    احسنت اخي وفي انتظار روائع اخرى

  4. #4
    قلم منتسب
    تاريخ التسجيل : Oct 2010
    المشاركات : 12
    المواضيع : 5
    الردود : 12
    المعدل اليومي : 0.00

    افتراضي

    أستاذ محمود موسى
    أول قراءة لنصوصك المُبدعة، فعنوان القصيدة قد شدني حتى إلتقيت بلحظة أوقعتنى في شِرك إبداعك.
    لك من القلب ما ترضى .

المواضيع المتشابهه

  1. لحظة سقوط الكدبة قدامك
    بواسطة محمود موسى في المنتدى أَدَبُ العَامِيَّة العَرَبِيَّةِ
    مشاركات: 14
    آخر مشاركة: 16-09-2013, 04:36 PM
  2. سقوط الحصن/ ذكرى سقوط بغذاد
    بواسطة عمر الراجي في المنتدى الشِّعْرُ الفَصِيحُ
    مشاركات: 21
    آخر مشاركة: 31-03-2009, 02:37 AM
  3. ***حقيقة سقوط بغداد***
    بواسطة بكاء الياسمين في المنتدى الحِوَارُ الإِسْلامِي
    مشاركات: 1
    آخر مشاركة: 18-09-2003, 03:30 AM
  4. ((سقوط التمثال))
    بواسطة وله في المنتدى الشِّعْرُ الفَصِيحُ
    مشاركات: 14
    آخر مشاركة: 02-08-2003, 04:02 AM