غرفة .... الــتــفــشـــــش

بما انها الغرفة لفش الغل
احكولي بعد ما احكيلكم هالقصة افش غلي بمين
لما اعزم صاحباتي واحضر سفرة فيها من كل اشي
معجنات على مكسرات وتبولة وحلويات غير الحلويات اشكال والوان وطبعا الفواكه
ويجي ابني الصغير يمسك موزة ويسأل شو اسمها
طبعا لو احلف على المصحف إنّا بنشتري موز وبنعرفه ما حد رح يصدق
وزيادة بتيجي وحدة تحكيلك يا حرام اعطيه وحدة
ووحدة تانية بتقول كل اللصغار هيك
ووحدة الصمت أبلغ
لا اصلا ابني ما بحب الموز
المهم افش غلي بمين
كالمعتاد ههههههه اكيد كل الحريم فهمو
وكل الرجال عملو حالهم ما فهمو
ولا يعني وين اروح اكيد بزوجي الحبيب

كأنك يا خلود ما شربت بنادول
بس يمكن بعد ما فشيت خلقك بزوجك انتهى أمر الصداع عندك , و بلش عند زوجك
ههههههههههههههههههههههههه هه
هههههههههههههههههه
هههههههههههه
هاااااااااااااااااااااااا ااااااااااااااااااااااااا ااااااااااااااه
آآآآهـ ..قلبي رح يطق من الضحك
أكيد عجبتكم النكتة لأني أنا أعجبت فيها .

مرحبا
والله انتوا فتحتوا الباب عاد اتحملوا
وخليني افش غلي
هاد انا كنت بعطي بنتي درس في الاخلاق الحميدة وعدم النميمة والغيبة وساعة وانا ابرم المهم بنتي ما صدقت تقوم ووعدتني خيرا ولمعت عينها ليه ما عرفت ساعتها بس لما مسكتني متلبسة مع خالتها بنحش
مو كتير يعني كلمة على حماتي على حماتها على جوازنا يعني على مين بدنا نحكي على الناس اللي بنحبهم
وأجا وقت انتقام الننيجا
شو ماما النميمة حرام والاستغابة بتدخل النار
طبعا انا ما خليتها تكمل كان في أشياء طارت وبنتي طارت قبلها
كملت التلفون طبعا بس هزتلي بدني
يعني ما احكي ما أفش غلي
مش احسن ما افش غلي بزوجي الحبيب
هوكل يوم

شو ما حد بدو يفش غلّو اليوم
ياجماعة الغرفة مفتوحة بلا ما تكتموا في حالكم الكتمة مو منيحة
بعدين هون ما في لا حركات ولا تشكيل ولا حتى املاء
مسموح كل شي
وما حد رح يعلق لا تخافوا
كل فشة وانتو بخير
مش عارفة الواو بالف ولا بلا ألف ..

عندي طالبة بالمدرسة
يا بدها تحلفني بالحرام ما عود درّس حدا
يا بدي علمها الشعر غصب عنها
و بما أنو روحي مطاطة رح حطم أرقام جينيس بالتحمل ..
صار حطمت كذا رقم , و رح حطم هذا الرقم كمان ,
رغم أنو جينيس أجبرني على دفع غرامة مقابل أرقامه اللي تحطمت و جبت له بدالها ,
بس مع ذلك رح حطم له أرقام ضبط النفس و طولة البال و برودة الأعصاب ..

و يا أنا يا مسيو جينيس بيك .

عندي طالبة بالمدرسة
يا بدها تحلفني بالحرام ما عود درّس حدا
يا بدي علمها الشعر غصب عنها
و بما أنو روحي مطاطة رح حطم أرقام جينيس بالتحمل ..
صار حطمت كذا رقم , و رح حطم هذا الرقم كمان ,
رغم أنو جينيس أجبرني على دفع غرامة مقابل أرقامه اللي تحطمت و جبت له بدالها ,
بس مع ذلك رح حطم له أرقام ضبط النفس و طولة البال و برودة الأعصاب ..

و يا أنا يا مسيو جينيس بيك .

(( بدك تطول بالك يا معلمي ، بعدين بيني وبينك : بس طالب/ة اللي مشيبيتك ولا أكثر ؟؟))


عندي أكم حبة وجع راس ، على كيف كيفك ههه

(( بدك تطول بالك يا معلمي ، بعدين بيني وبينك : بس طالب/ة اللي مشيبيتك ولا أكثر ؟؟))


عندي أكم حبة وجع راس ، على كيف كيفك ههه

وك هاظا الحب خطير , لا يكون هاظا اللي يخلي الواحد يطوطح هيش و هيش ...
أني بعرف واحد أخظ وحده , ون شاف الدنيا إظبشت , و ماعاد يطس , و ظنلك حاله مش فرعون , لأ ابوه لفرعون .

هاي أنا بحاشيك حوراني قح .
و إذا بدك أرجع أحشي عربي أني جاهز

زمان ما فشيت غلي
لأني بصراحة ما فشيت غلي هالمرة منيح
هاد انا كنت بدرس ومنسجمة وغرقانة ومش ملحقة فشو أجت دبانة يعني ذبابة وصارت تلف وتدور وتتحركش فيني بس انا مو فاضية حتى اكشها
لفت وحامت وما خلت طريقة وانا نفس الشي مطنشه
شوي فقدتها ما لقيتها كيفت فكرت حالي زهقتها
اجيت بدي اشرب النسكافية اللي بتمزمز عليها ولا الدبانة بتسبح فيها ومكيفة وبترقصلي بحواجبها
وكأني اسمعتها بتصفر
بشو افش غلي هلا

يا حرام الشوم يا خلود
حزنتيني والله

دخلك وشو عملتي ..
غتيتيلها جناحاتا بالنص قهوة قصدي النسكافيه حسب المقولة ؟

قلبي عندك يا خيتي

إيه صحيح والله
هاي دبانة خلود نستني لشو كنت جايي أنا

دي بقول لكل العرب -- مبارك فوز الجزائر الليلة بمباراة كرة القدم

الحقيقة ما بعرف على مين فازواو
بس مو مهم -- المهم نفوز بشي
والله نطفت قلوبنا على شي فوز بأي شي
شكرا يا جزائر يا رافعة روسنا