انا بتاع الأتوبيس

قصيدة"أنا بتاع الأتوبيس " للشاعر / أكرم حسن


يمكن حلاوة روح
خلتنى اكون شاعر
احساسى بالكلمة
وكتير مابكتبهاش
الخوف خلانى اعيش
وكأنى ف الأنعاش
مستنى يجي ال.......
ماجاش
الناس ..من كتر الألم
بيفكرونى عجوز
ماتهزنيش يا.....
خلينى اعيش ثابت
رعب البشر هزنى
اعصاب كتير سابت
العمر لسه بتبتدى
والمنتهى موجود
و كل ماحلم باللأمل
ألقى الطريق مسدود
عايز ..ونفسى
تلتين سنه .. والخوف
عاييشنى جوه تبوت
كأنى وحدى ف الميدان
مسلوب
بيقدمونى للبشر ..مصلوب
بيلفقولى ف التوهم
وبيرجموني.. بطوب
معرفش مين غالب
علشان اكون مغلوب !!
شدوا الحصار بالقوى
وكأن انا بغداد
كتر الوجع
علمنى اروح للبحر
واقعد قصاده سعات
والبحر معرفنيش
مع ان انا صيد
يمكن ف رمى الشبك
سببت له ف جراح
ولا تكون المركبه
وخدانى ضد.. الموج
وكل ماحلم بالدفه
أحلامى تبقى رماد
البحر
هو اللي فاضل من قصتين الحب
الأول كانت
والتانيه كانت
والجرح جوه النبض
البحر
اجمل مكان للحب
واجمل مكان للحزن
واجمل مكان للبوح
ساعات
تشوفه بيبتسم
وساعات
تشوفه دموع
ساعات يطير م الفرح
وساعات يكون مجروح
زى مانت حاسس.. بتلاقيه
فابتحكى ليه بِصَّمت
مين اجبرك
فَبَصمت

.....
كلمات / اكرم حسن

اخي الشاعر الرقيق اكرم حسن
قصيدة مبدعة حقا
شاعريتها واضحة و موسيقاها خفيفة
لولا بعض هنة في الموسيقى
قصيدة جميلة منفتحة لعوالم النصر بعد الياس
والقوة بعد الخوف
رائع وجميل وبديع
تمنياتي بالتوفيق والابداع

بيقدمونى للبشر ..مصلوب
بيلفقولى ف التوهم
وبيرجموني.. بطوب
معرفش مين غالب
علشان اكون مغلوب !!
شدوا الحصار بالقوى
وكأن انا بغداد
كتر الوجع
علمنى اروح للبحر
واقعد قصاده سعات
والبحر معرفنيش
مع ان انا صيد

مع ان انا صيد ... أليست هذه صياد؟؟
نص جميل ونابض بحسرة عشناها زمانا وآن لها أن ... ترحل مع من رحلوا
دمت بألق