بعترف لك
بعترف لك إنى فعلا محتاجالك
وانت عارف احتياجى قد أيه
بس نفسى أحس مره بانشغالك
وتشاركنى فى حلم عشت استنى فيه
بعترف لك
بعترف لك إنى قبلك كنت شايفه
كل خطوه مشيتها وحدى خطوه خايفه
كنت حاسه إنى عايشه فى دنيا زايفه
ماالتقيتش فيها حب اتهنى بيه
بعترف لك
بعترف لك إنى جايز اكون جريئه
لما اقول لك عن مشاعر شوق بريئه
عاشها قلبى غصب عنى ودى الحقيقه
ما انت أول حب ليا اقول عليه
بعترف لك
رغم قسوة ظلم قلبك والليالى
اللى عاشت جرح قلبى وانشغالى
بعترف لك إن حبك شىء خيالى
كل ماا هرب منه روحى تعود إليه
بعترف لك
إسكندرانى