سحر الحب
يا محلى الحب ف عنيكي
بيزيد الهوى تراتيل
ف سحر هواكي باتغنى
واقول مواويل
وحتى قرّبي ودنك على قلبي
هتلقى العزف ف وريدي
وصوت القلب بيدندن
يا عيني يا ليل
وتلقى دمي جواكي يقول اشعار
بيحكي الحب جوانا بحروف من نار
وحبك أحلى معزوفه على الأوتار
دا شوقي لضمتك ليا ليلاتي يقيد
د انا نفسي أدوق شهدك
وانا بعاهدك على التناهيد
واعاهدك حبنا الباقي يوماتي يزيد
واقدملك مشاعري ضفاير
تزين الجيد
واقطف من على الشفة الزهور عناقيد
باقولك أيه؟
دا بحر الحب لو شاطر
ما خوفنيش
ولو موجو العفي غادر
ما بيصيبنيش
لكني ف حالي باستغرب
-برغم القوة والشدة-
بقيت درويش
وانا اعمل ايه؟
دا بحر هواك غرقني وما خنقنيش