رقم اتنين ( لكل مغترب) .. شعر عامي
.
.
(((( 1 ))))
رقم اتنين ... رقم اتنين
إنت َ مقامك رقم اتنين
مهما حَ تعلى أو تترقى
أو تتمييز فيها الدِّقه
أو حَ تبيّن طيبه ورِقـّه
مش راح ْ تبقى
غير اتنين
(((( 2 )))))
فكـّر واسمعني يَ مسكين
طاوعني يا حبيب العين
بغيابك عن كل حبابك
أيامك بتمر سنين
نار الوحده ... وذل الغربه
وكلمه صغيره ... ونظرة شين
كله مَ يسوى ... والله م َ يسوى
ورزقك واحد وربك واحد
ومش ممكن ح َ يصيروا اتنين
مش ممكن ح َ يصيروا اتنين
((((3 ))))))
لو إخلاصك ْ أو إحساسكْ
غطى الدنيا ... وسابق ناسكْ
راح تلاقي ف بلد الغربه
حتى اللي ما يستاهل داسكْ
يبقى اسمعني وريـّح راسك ْ
ارجع بلدك واحمل فاسك ْ
أشرف ما تضيّع إحساسك ْ
إرجع إبني وعلـّم وازرع ْ
ارجع ناضل وانزل واطلع ْ
وفّر جهدك وفّر مالك
وانفع إمك وعمك وخالك ْ
وارفع راسي يابني وراسك ْ
..
بقلم : مهندس رفعت زيتون
القدس ( من قديم ما كتبت).
رد مع اقتباس
المشاركة الأصلية كتبت بواسطة علياء محمود
