عُلِّيق بلدنا عِلِقْ
عُلِّيق بلدنا عِلِقْ
\
\
\
عُلِّيق بلادنا عِلِق=وبكل نبت أصيل
والنَبْت لو يتخنَق == إزاي نعيش يا نيل
كابس على قلبنا = والجيل فِ كعب الجيل
قطَّعْ مداس عمرنا = ودا حبل عمرو طويل
********
يا شعبي قوم وانتفض = هوَّا انته خايف ليه
مَ الفقر خدنا خلاص = والموت معشِّشْ فيه
هوَّا احنا متعبناش = مصايبنا بالزُّوفِة
سرقة وبطالة ومرض = متقولي فاضل إيه
*********
عيالنا كبرت قوي = ع المصطبة قاعدين
قهاوينا لمَّاهم = وِ شقانا راح في الطين
والرحمة عل الأخلاق = بيعاكسو بني آدمين
لا نَفَعوا اهاليهم = أو يبنو عشِّ أمين
********
يا شعبي قوم وانتفض = واكسر قيود خنْقتك
فرضوا الضريبة عليك = والضغط هيموِّتك
سقعان بترعش ليه = والغاز عطاه لْْحَيِّتَك
عديت لخط الفقر = من تحت فين غضبتك
*************
والنخوة إِمتى تبان = دا كتير قوي عَدِّنا
فرعون ومين تَبَعوه = هنغرَّقوا في مدِّنا
خلي الكتاب في القلب =بالنور نجيب سعدنا
والصحوة ليها رب =طب ليه يغيب مجدنا
*********
الشهدا اهم جاهزين = والجنة عند الرب
نفختهم الزَّايفة = غُزُّوها عَدُّو الصَّعب
بلدي ترابها دهب = تِسْوا نفك الكرب
يَنعيش كرامة العرب = يانموت نقول يارب
دمتم مبدعين
واعذروني فهذا اوان الغيرة من تونس الحبيبة
رد مع اقتباس
المشاركة الأصلية كتبت بواسطة إكرام مجاور
