أحدث المشاركات
صفحة 1 من 2 12 الأخيرةالأخيرة
النتائج 1 إلى 10 من 11

الموضوع: هكذا يغنى المصريون فى يوم الغضب

  1. #1
    الصورة الرمزية محمد جاد الزغبي شاعر
    تاريخ التسجيل : Jan 2006
    العمر : 43
    المشاركات : 705
    المواضيع : 83
    الردود : 705
    المعدل اليومي : 0.13

    افتراضي هكذا يغنى المصريون فى يوم الغضب

    هكذا يغنى المصريون فى يوم الغضب


    يا مبارك .. قول لجمال

    مصر كبيرة على العيال ..

    يا عساكر .. واقفين ليه

    انتوا معاهم ولا ايه

    روحوا للى سرقوا فلوسنا

    وخلو الفقر بِعَجلُه يدوسنا

    يا عساكرنا بتضربوا مين

    ده احنا الناس الشقيانين

    يا عساكرنا .. عيب عليكو

    احنا طلعنا لينا وليكو

    لا احنا بتوع إضراب ولا نيله

    بس خيبتنا خيبة تقيله

    احنا الشعب اللى شنقوه

    بعد ما عاشوا يعذبوه

    سيبوا الناس تتكلم مرّه

    قبل مصوتها يطلع بره

    مهما يكون القهر كبير

    ربك أكبر من الوزير

    افهم ياللى ساكن فوق

    اطلع منها بقي بالذوق

    دى كلمتنا حنفضل بيها ..

    لحد مترحل من أراضيها
    الإيميل الجديد للتواصل
    gadelzoghaby@hotmail.com

  2. #2
    الصورة الرمزية محمد جاد الزغبي شاعر
    تاريخ التسجيل : Jan 2006
    العمر : 43
    المشاركات : 705
    المواضيع : 83
    الردود : 705
    المعدل اليومي : 0.13

    افتراضي

    يا صفوت الشريف ..

    صفوت الشريف بيقول : قيادات مصر لا تعرف الهروب !

    دمك شربات يا صفوت


    يا صفوت الشريف ..

    يا بو دم خفيف ..

    مين قال إنك حتهرب ..

    بكرة تقعد ع الرصيف

    مستنى دورك ييجى

    بعد مبارك ونظيف

    حناخدك واحدة واحدة ..

    ننتف ريشك اللطيف

    نحكيلك عن تاريخك ..

    واللى يعيش ياما بيشوف

    ونقول للناس يا صفوت

    ليه سموك صفوت شريف

    لما رحت النيابة

    وشك أصغر من الرغيف

    وقلت يا ناس دى غلطة

    وانا طول عمرى نضيف

    ده أنا كنت زابط مجدع

    بس معرفش الكسوف

    بسمع كلام الباشا

    ولازم نكرم الضيوف

    ليقولوا علينا بخلا

    وأدى آخرة المعروف

    معلش يا بابا صفوت

    هى دى نهاية الـــ ....

  3. #3
    الصورة الرمزية الطنطاوي الحسيني شاعر
    في رحمة الله

    تاريخ التسجيل : Jun 2007
    المشاركات : 10,901
    المواضيع : 538
    الردود : 10901
    المعدل اليومي : 2.28

    افتراضي

    الح-------ل--------و---------ف

    اخي الحبيب الزغبي الحر
    قصائد هتافية رائعة نحتاجها الآن
    رائع ومبدع وللتثبيت للمواكبة
    وربك لولا الموقف ما ثبتها ولكن قد اعذر الله عز وجل الناس
    في قول السوء إلا من ظُلِم ونحن قد ظلمنا منهم
    دمت بحميتك
    وهذا هو شعب مصر البطل
    وغدا سيعلمون ما تحتهم حصان ام حمار

  4. #4
  5. #5
    الصورة الرمزية رفعت زيتون شاعر
    تاريخ التسجيل : Aug 2008
    الدولة : القدس
    المشاركات : 2,334
    المواضيع : 136
    الردود : 2334
    المعدل اليومي : 0.54

    افتراضي

    .

    أبشرك أخي

    فلقد قرأت الآن على الشاشات

    أن بعض أفراد الشرطة

    بدأوا بخلع ملابسهم العسكرية

    والانضمام الى المتظاهرين

    تحية لك ولشعب مصر العظيم

    .

  6. #6
    شاعرة
    تاريخ التسجيل : Jan 2010
    الدولة : على أرض العروبة
    المشاركات : 34,923
    المواضيع : 293
    الردود : 34923
    المعدل اليومي : 9.14

    افتراضي

    الله
    ما أجمل مرحلة صرنا فيها نقول بوضوح ما نشعر به

    جميلة شاعرنا

    دمت بألق
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  7. #7
    الصورة الرمزية خالد الجريوي قلم فعال
    تاريخ التسجيل : Sep 2010
    المشاركات : 1,330
    المواضيع : 83
    الردود : 1330
    المعدل اليومي : 0.37

    افتراضي

    قول

    كمان وكمان

    دلوقتي بس

    تقدر تقول


    والله وعملوها الرجاله

    تحيه لمصر أم الدنيا

    ولشبابها الرجال

    وتقديري لك

  8. #8
    الصورة الرمزية محمد جاد الزغبي شاعر
    تاريخ التسجيل : Jan 2006
    العمر : 43
    المشاركات : 705
    المواضيع : 83
    الردود : 705
    المعدل اليومي : 0.13

    افتراضي

    بارك الله فيكم وجميعا ,
    سنظل نقول بإذن الله ..


    مبارك يا ندل !
    أصدر مبارك قراره بمحاكمة أحمد عز , حبيب النظام ! , وطبعا دى ندالة ..
    فكرتنا بندالة الرئيس الامريكى كارتر لما تخلى عن شاه إيران بعد قيام الثورة عليه
    فكتب أحمد فؤاد نجم قصيدته ( يا كارتر يا ندل ) يسخر فيها من الاثنين طبعا
    ونحن على منوال عمنا نجم نكتب اليوم .. مبارك يا ندل

    مبارك يا ندل
    حبيبك وصاحبك
    وصاحب جمالك ..
    وكان برضه شايلك
    وشايل عيالك ..
    تبيعه وتخونه ..
    وتخلع عيونه ..
    ده كان تحت رجلك
    ورجل اللى جابك
    يا راجل يا ندل !


    ده كان على الحديده
    وجبته لحديدك
    ويسرق وينهب
    وايده فى ايدك
    وكل اللى ياخده
    يصبه فى رصيدك
    وجابلك زكايب
    وكتّر عبيدك
    وخلى المعارضة ..
    تغنى بنشيدك ..
    ودلوقتى تنسي
    وتقله يا فسل
    يا راجل يا ندل

  9. #9
    الصورة الرمزية علاءالحكيم قلم نشيط
    تاريخ التسجيل : Feb 2010
    الدولة : في أرض الله الواسعة
    العمر : 60
    المشاركات : 408
    المواضيع : 35
    الردود : 408
    المعدل اليومي : 0.11

    افتراضي

    الشاعر الرائع الفاضل
    محمد جاد
    سلام الله عليك
    هتافات تصلح لهذا الزمن
    هذا اخي زمن التغير
    وادعوا الله ان يقف المنافقون عن النفخ في الزعماء حتي ظنوا انهم الهه
    طبعا الاغاني التي غنوها الي مبارك خدعته ودفعنا نحن ثمنا من الشهداء
    ادعوا الله ان يتاح لنا المجال حتي ننقض رائيس اي دوله حتي يعلم اين يقف
    وبارك الله فيك اخي ومبروك الي كل الشعب العربي بالنصر المصري
    مودتي
    مصر التي في خاطري

  10. #10
    الصورة الرمزية سماح عبد اللاوى قلم منتسب
    تاريخ التسجيل : Jan 2011
    المشاركات : 58
    المواضيع : 3
    الردود : 58
    المعدل اليومي : 0.02

    افتراضي

    شاعرنا محمد الزغبى
    وهتافات من نار وحرارة القلوب المصرية التى صمتت السنوات والسنوات
    تخرج من قلمك لتنير واحتنا بشعاع الامل هنيئا لنا بقلمك الساحر
    دمت متألقا تحياتى

صفحة 1 من 2 12 الأخيرةالأخيرة

المواضيع المتشابهه

  1. بلبل الروض يغنى
    بواسطة هائل سعيد الصرمي في المنتدى الشِّعْرُ الفَصِيحُ
    مشاركات: 9
    آخر مشاركة: 15-09-2012, 01:16 AM
  2. ترنيماتٌ نيلية ٌفى قصر ِ الرشيد...!!
    بواسطة عبدالوهاب موسى في المنتدى الشِّعْرُ الفَصِيحُ
    مشاركات: 10
    آخر مشاركة: 30-11-2011, 09:39 PM
  3. مرحب يا يوم الغضب
    بواسطة إكرام مجاور في المنتدى أَدَبُ العَامِيَّة العَرَبِيَّةِ
    مشاركات: 22
    آخر مشاركة: 23-03-2011, 06:22 PM
  4. أيها المصريون، إحذروا تقاليد يوم شم النسيم
    بواسطة البحترى في المنتدى الاسْترَاحَةُ
    مشاركات: 13
    آخر مشاركة: 29-04-2006, 11:07 AM
  5. يوم الغضب هل بدأ بانتفاضة رجب
    بواسطة حنظلة في المنتدى الحِوَارُ الإِسْلامِي
    مشاركات: 2
    آخر مشاركة: 31-10-2003, 09:54 AM