بلادك أمانةْ.....وشَعبك أمانةْ..
ياسامع ندانا.....وساددْ ودانك..
ياحاكم بأمرك...وعايش في قصرك
بتصدِر أوامرك...يافرعون زمانك
شيطانك يضلّك.....وطمعك يذلّك
وعقلك يقولّك.....هتفضل مكانك
وعشقك لذاتك....بيرسم حياتك
بتعلن سُكاتك...وترضى بهوانك
بتلجأ لسيدك....وبتمدّ ايدك
يزوّد رصيدك..ويخْرِس لسانك
تتاجر في قوتي..وعاجبك سكُوتي
ولوفيها موتي..أموت لو عشانك
تخصّص..تبيع...وشعبك يضيع
ولازم نطيع...ونسمع.. بيانك
ومن تُقل دمّك..مفيش حَد همّك
وموتك وسِمّك...نعارض جنانك
وليلك نهارك....بتاخد بتارك
وتحرق بنارك...قلوبنا البريئة
تزيّف..تحرّف..تداري الحقيقة..
تهدّدٌ..تخوُّف..وتمحي المشيئة..
بقلم....رضا محمود