أحدث المشاركات

مصير الكوكب على متن الشراع الشمسي» بقلم إبراهيم أمين مؤمن مصطفى ح » آخر مشاركة: ناديه محمد الجابي »»»»» قراءة فى بحث تجربة ميلغرام: التجربة التي صدمت العالم» بقلم اسلام رضا » آخر مشاركة: اسلام رضا »»»»» وذُلّت الأعناق مقتطف من رواية قنابل الثقوب السوداء...» بقلم إبراهيم أمين مؤمن مصطفى ح » آخر مشاركة: إبراهيم أمين مؤمن مصطفى ح »»»»» الفصل الثاني من رواية وتستمر الحياة بين يأس و تفاؤل الأم الجريحة» بقلم بوشعيب محمد » آخر مشاركة: ناديه محمد الجابي »»»»» و تستمر الحياة بين يأس و تفاؤل الفصل الأول من الرواية بقلم بوشعيب» بقلم بوشعيب محمد » آخر مشاركة: ناديه محمد الجابي »»»»» قراءة في بحث أمور قد لا تعرفها عن مستعمرة "إيلون موسك" المستقبلية» بقلم اسلام رضا » آخر مشاركة: اسلام رضا »»»»» نعم القائد» بقلم عطية حسين » آخر مشاركة: احمد المعطي »»»»» قراءة في مقال يأجوج و مأجوج ... و حرب العوالم» بقلم اسلام رضا » آخر مشاركة: بوشعيب محمد »»»»» الطفل المشاكس بقلمي» بقلم بوشعيب محمد » آخر مشاركة: بوشعيب محمد »»»»» @ تَعَاويــذ فراشَــةٍ عَاشِقـَـة @» بقلم دوريس سمعان » آخر مشاركة: دوريس سمعان »»»»»

النتائج 1 إلى 7 من 7

الموضوع: كأنك مافيش لأحمد فؤاد نجم

  1. #1
    الصورة الرمزية كريمة سعيد أديبة
    تاريخ التسجيل : Nov 2009
    المشاركات : 1,435
    المواضيع : 34
    الردود : 1435
    المعدل اليومي : 0.27

    افتراضي كأنك مافيش لأحمد فؤاد نجم



    برغم إن صورك فـ كل الدواير
    وكل المداخل وكل المحاور
    ومليا الشوارع على كل حيط ..
    مطنش علينا وعامل عبيط ..
    كأنك مفيش ..
    ***
    يا فرحة قلوبنا رئيسنا ظريف ..
    فُكهي ..
    إبن نكته ودمه خفيف
    فـ عهدك سيادتك فَرَشنا الرصيف
    وآخر مُنانا الغُموس والرغيف
    وكل أمَّا تُخنُق ندوَّر ..
    مفيش !!
    ***
    مسيِّب علينا عصابة حبايبك
    فضايح وسرقة ونهب بسبايبك
    مابين حزب نجلك .. وهانم جلالتك
    وجيش الغوازي إللَّي داير يجاملك
    وناملك وقاملك .. وحارسك وأمن
    شبعنا مهانه .. شبعنا لطيش ..!
    وأنت .. مفيش !!
    ***
    باعونا فـ حضورك .
    ببركة عِبـيدك وغالي وسرورك
    باعوا الأراضي .. وكل المصانع
    وباعوا البنوك ..
    وقدَّام عِنيك .. صوتنا إتـنبح ..
    ننادي عليك ..
    إلحق يا ريس : ده باعوا الحديد !!
    وأنت منشِّف دماغك عنيد !!
    .. كأنك مفيش !!
    ***
    دوشتوا دماغنا ” بجمال ” طلعتك
    ومن يومها وإحنا عَبـيد حضرتك
    ما تزعلش إني مواطن أبيح
    ورافض كلابك فـ شعبك تطيح
    فسادهم يا ريِّس واضح .. صريح
    قوم بينا صلّح وفتَّش .. وثور
    ح نكتب تاريخك ياريِّس بنور
    مش تبقى عايش كأنـَّك مفيش !!
    ***
    ورحمة أبوك .. مادام أنت قاعد
    عيب لمَّا عُصبة نَـوََر يسحبُوك
    م تُقبض عليهم .. م تقطع إيديهم ..
    م تعمل عليهم يا ريِّس شاويش
    بدل م انت ساكت وقاعد مفيش
    ***
    ياريس علىّ الطلاق تعبانين !!
    ياريس علىّ الحرام كفرانين !!
    صبرنا سنين ..
    سيادتك مسلطن
    وشعبك وناسك بتاكل مسرطن
    وتشرب مجاري وميت سم هاري ..
    ومش دريانين !!
    ما تنهض يا ريس تلم الديابه ؟!!
    ده شعبك غلابه ..
    ومليان طيابه ..
    وهوَّ الشفاعة ف يوم الحساب
    وهما البطانة الحُثاله الكلاب
    ما يملاش عنيهم غير التراب
    وليهم ضوافر
    وميت ألف ناب
    وواقفين لشعبك ورا كل باب
    لإمتى ح تسكت وليه الغياب ؟
    ده ياما ممالك طواها التراب
    حياتنا ياريس تعب فوق عذاب
    يا ريس ” شريفك ” ماهوَّاش شريف !!
    ” نظيفك ” يا ريس ماهوَّاش نظيف !!
    وحتى ” حبيبك ” ماهواش حبـيب !!
    وأنا غصب عني .. خلاص إستويت ..
    بـ غـُلبي إنحنيت ..
    وطلعان عنيا .. وصعبان عليا
    بحسبة بسيطة ومن غير خريطه ..
    وكونك مفيش .. لقيت متساويش
    ومش فارقه أعيش ..
    نويت أشتكيك للِّي فوقي وفوقك
    وأصلي الفرايض ..عسى يفـُك طُوقـك
    قالولي إللي يسجد عدو النظام !!
    حاولت أحكي حالي ..!!
    قالولي الحكاوي نميمة وحرام !!
    فكرت أكتب ..
    لقيتكم سيادتك منعتوا الكلام !!
    فقررت أحلم ..
    هاحلم سيادتك وأفُك اللِّجام
    ولو مش هيعجب سيادتك يا فندم
    وصِّي العساكر .. تاخُدني أمَّا انام !!
    ***
    حلمت إني شعب ..!
    حلمت إني شعب ومصلوب بطولي
    على أرض سمرا
    ودمي بينـزف ومليان جروح
    وفوق صدري جمرة
    يميني مربّط على أرض طابا
    شمالي ممسمر فـ “أولاد علي”
    ورجلي على جزع نخلة فـ “حلايب”
    ومرتاح براسي على حِجْر مصر
    وشوفتك ياريس ..كأنك ولي ..
    كأنك نبي ..
    فـ إيدك عصاية وليك معجزات
    وشايل صليبي وبتفـُكني ..
    وانا فـ جنَّه خضره .. وتحتي جداول ..
    ومن فوقي نور .. وريحة بخور ..
    همست ف ودانك بآخر وصيّة :
    إنسى إللي فاتك ..
    هننسى الأسية .. !!
    أمانه عليك ..
    حُط الوطن جُوَّه نِنِّي عينيك
    كرامة عيالنا أمانة ف إيديك
    بحق إللي بينّا يا ريِّس وبـينك
    وحَق اليَمِين و” ألكتاب ” فى يمينك

    بحق الشهيد .. إللي رافع جبينك
    وجيش إنتصارك فى يوم العبور
    وجيل حُر طالع .. وعدته بدور
    لملم عيالك .. وجمَّع فـ مالك
    وإسحب ” جمالك ” وسيبنا وغور .

  2. #2
    شاعرة
    تاريخ التسجيل : Jan 2010
    الدولة : على أرض العروبة
    المشاركات : 34,923
    المواضيع : 293
    الردود : 34923
    المعدل اليومي : 6.74

    افتراضي

    بحق الشهيد .. إللي رافع جبينك
    وجيش إنتصارك فى يوم العبور
    وجيل حُر طالع .. وعدته بدور
    لملم عيالك .. وجمَّع فـ مالك
    وإسحب ” جمالك ” وسيبنا وغور
    حين ينطق الكبار
    تتلعثم حروفنا

    وأحمد فؤاد نجم، نجم في سماء الشعر باهر بنوره وروعة حضورة

    اختيار موفق أيتها الرائعة

    دمت بألق
    تستطيع أن ترى الصورة بحجمها الطبيعي بعد الضغط عليها

  3. #3
    الصورة الرمزية كريمة سعيد أديبة
    تاريخ التسجيل : Nov 2009
    المشاركات : 1,435
    المواضيع : 34
    الردود : 1435
    المعدل اليومي : 0.27

    افتراضي

    اقتباس المشاركة الأصلية كتبت بواسطة ربيحة الرفاعي مشاهدة المشاركة


    حين ينطق الكبار
    تتلعثم حروفنا

    وأحمد فؤاد نجم، نجم في سماء الشعر باهر بنوره وروعة حضورة

    اختيار موفق أيتها الرائعة

    دمت بألق
    هو كذلك عزيزتي ربيحة
    كلامه صادق وحارق لأنه يلامس الجرح
    إليك تحياتي ومحبتي الكبيرة مع هذهنقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  4. #4

  5. #5
    الصورة الرمزية آمال المصري عضو الإدارة العليا
    أمينة سر الإدارة
    أديبة

    تاريخ التسجيل : Jul 2008
    الدولة : Egypt
    المشاركات : 23,786
    المواضيع : 391
    الردود : 23786
    المعدل اليومي : 4.15

    افتراضي

    ولأريك الحكم سحر وبريق
    والجلوس عليه إدمان وإن وصل لإراقة الدماء
    وعلى مر التاريخ وفي عالمنا العربي تعددت القصص في حبه
    وكما المثل القائل ( كلهم في هوى الكرسي قيس )
    اختيار أكثر من رائع من واقع مصر لشاعر لامس هموم كل المصريين
    نسأل الله لها الأمن والسلام والاستقرار
    بدون آل مبارك
    تحياتي د. كريمة
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  6. #6
    الصورة الرمزية سامي عبد الكريم قلم نشيط
    تاريخ التسجيل : Jul 2010
    الدولة : بينكم
    المشاركات : 407
    المواضيع : 8
    الردود : 407
    المعدل اليومي : 0.08

    افتراضي

    بل هو "مفيش" فعلا وليس كأنه "مفيش"

    ما اقبحه شكلا وخلقا


    احسنت الاختيار

    جزاك الله خيرا

  7. #7
    الصورة الرمزية كريمة سعيد أديبة
    تاريخ التسجيل : Nov 2009
    المشاركات : 1,435
    المواضيع : 34
    الردود : 1435
    المعدل اليومي : 0.27

    افتراضي

    اقتباس المشاركة الأصلية كتبت بواسطة زهراء المقدسية مشاهدة المشاركة
    وصدق أحمد نجم

    مبارك مفيش

    انتقاء رائع لشاعر جرئ ومميز

    امتناني الكبير
    لعن الله الطاغية وحفظ الناس من بطشه ...........
    اللهم ثبت إخواننا الثوار بمصر وأبعد عنهم الطاغية وجنب مصر مزيدا من سفك الدماء

    المورقة زهراء المقدسية
    شكرا على مرورك الرائع عزيزتي
    وتقبلي تحياتي وتقديري وهذهنقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

المواضيع المتشابهه

  1. أحمد فؤاد نجم فى الكويت
    بواسطة حمدى ليلة في المنتدى الاسْترَاحَةُ
    مشاركات: 1
    آخر مشاركة: 03-07-2008, 07:04 PM
  2. "قصيدةأحمد فؤاد نجم"أنا مصرى أبن مصرى وليا الشرف
    بواسطة علاء عيسى في المنتدى أَدَبُ العَامِيَّة العَرَبِيَّةِ
    مشاركات: 5
    آخر مشاركة: 25-05-2008, 11:54 PM
  3. أضواء من حياة شاعر العامية المشاغب ..أحمد فؤاد نجم
    بواسطة ابراهيم عبد المعطى في المنتدى أَدَبُ العَامِيَّة العَرَبِيَّةِ
    مشاركات: 5
    آخر مشاركة: 01-05-2008, 12:36 AM
  4. لقاء مع شاعر الغلابة الفاجومى عمنا الاستاذ (احمد فؤاد نجم)
    بواسطة د. فوزى أبو دنيا في المنتدى فَرْعُ جمْهُورِيَّةِ مِصْرَ العَرَبِيَّةِ
    مشاركات: 3
    آخر مشاركة: 17-04-2007, 07:27 PM
  5. تذكرة مسجون ......... أحمد فؤاد نجم
    بواسطة مسلم في المنتدى أَدَبُ العَامِيَّة العَرَبِيَّةِ
    مشاركات: 1
    آخر مشاركة: 04-12-2003, 10:59 AM