ارفع ... راسك

ارفع ... راسك

ياللى سواعدك .. فيها خلاصك

اصرخ .. عبر عن احساسك

هين من هانك .. دوس مين داسك

قوم واتحدى .. بكل اراده

ده انت جهادك .. اقوى عباده

مصر ما فيها .. عبيد ولا ساده

لكن فيها .. الواكل ناسك

اوعى تهاون .. فى اللى بدأته

كمل غضبك .. هو ده وقته

ولجل الظلم .. ماتبقى دى ساعته

احذر لحظه .. يخف حماسك

اوعى تخاف .. ده الغدر جبان

يهرب لما الحق .. يبان

سمى وصلى .. وسد بيبان

واقفل ع الخناس .. ترباسك

يا ابن الأرض .. السمرا الطاهره

خلى عيونك .. فى سماها ساهره

وارفع صوتك .. بالصلاه جاهره

على مداينها .. النور وناسك

وارفع .. راسك

----------------------- فاطمه حمزه

للتثبيت ابداعا ومواكبة وعزة
تحياتي ايتها المبدعة فاطمة حمزة

الله يا فاطمة ما أجملك
لم أتصور حين دخلتها هذا الجمال
ليتها طالت وطالت
فقد امتعتني بحق

دمت بألقحلوتي

الأستاذ الشاعر ..الطنطاوى الحسينى
صبحك الله بالخير .. وجمعه مباركه بأذن الله
شكرا استاذى على التثبيت وهذا الثناء الجميل
واتمنى من الله ان تظل الرأس مرفوعه وان
لا ندع احدا يملى علينا توجهاته او ينال من عزتنا
وكرامتنا بعد اليوم وليحفظ مصر لأبناءها الشرفاء
شرفت بمرورك .. ودمت بخير

الأستاذه الشاعره .. ربيحه الرفاعى
صبحك الله بالخير وجمعه مباركه
اخجلتم تواضوعنا يا استاذه..
فى هذه الأيام الدقيقه والحرجه من
عمر مصر لا نستطيع ان نوقف نزيف
المشاعر فكلنا تحفز وتفاعل مع مايجرى
على الساحه السياسيه الآن وفى ترقب
دائم الى ما ستصل اليه الأمور ..
فنحن ننتظر ميلاد جديد لمصر وهذا
ليس بالشئ السهل .. وارجو ان تحمل
هذه الجمعه ما ننتظره ...
شكرا على الأطراء والكلمات الطيبه
وان شاء الله سأحاول ان تكون القصيده
القادمه اطول ...
شرفت وسعدت بمرورك ومتابعتك
ودمت بخي

ر

جميلة جميلة الله عليكى بجد
كلماتك معبرة جدا وغاية فى الروعة وفعلا تستحق التثبيت
تسلم ايديكى يا شاعرة
دمتى بكل الحب

الأستاذه ..سماح عبد اللاوى
صبحك الله بكل الخير
اضأتى صفحتى المتواضعه بمرورك الجميل
وشاكره لتناءك وكلماتك الطيبه
شرفت بك .. ودمت بخير

قصيدة جميلة أختي فاطمة
مشاعرها قوية ومعانية ثائرة
ولحنها رائع

بوركت

ي

ا ابن الأرض .. السمرا الطاهره

خلى عيونك .. فى سماها ساهره

وارفع صوتك .. بالصلاه جاهره

على مداينها .. النور وناسك

وارفع .. راسك

سلام الله عليكي اختي الفاضله
فاطمه حمزه
سلمت اناملك اختي كلامات ولا اروع
وصور في غاية الدقه
بارك الله فيكي ودمتي بكل الق
مودتي

الأستاذ الشاعره .. نداء غريب
شرفت وسعدت بمرورك الجميل
على ابياتى المتواضعه .. وشاكره
لك طيب كلماتك ..
وكل سنه وانت طيبه .. ودمت بخير