أحدث المشاركات

مصير الكوكب على متن الشراع الشمسي» بقلم إبراهيم أمين مؤمن مصطفى ح » آخر مشاركة: ناديه محمد الجابي »»»»» قراءة فى بحث تجربة ميلغرام: التجربة التي صدمت العالم» بقلم اسلام رضا » آخر مشاركة: اسلام رضا »»»»» وذُلّت الأعناق مقتطف من رواية قنابل الثقوب السوداء...» بقلم إبراهيم أمين مؤمن مصطفى ح » آخر مشاركة: إبراهيم أمين مؤمن مصطفى ح »»»»» الفصل الثاني من رواية وتستمر الحياة بين يأس و تفاؤل الأم الجريحة» بقلم بوشعيب محمد » آخر مشاركة: ناديه محمد الجابي »»»»» و تستمر الحياة بين يأس و تفاؤل الفصل الأول من الرواية بقلم بوشعيب» بقلم بوشعيب محمد » آخر مشاركة: ناديه محمد الجابي »»»»» قراءة في بحث أمور قد لا تعرفها عن مستعمرة "إيلون موسك" المستقبلية» بقلم اسلام رضا » آخر مشاركة: اسلام رضا »»»»» نعم القائد» بقلم عطية حسين » آخر مشاركة: احمد المعطي »»»»» قراءة في مقال يأجوج و مأجوج ... و حرب العوالم» بقلم اسلام رضا » آخر مشاركة: بوشعيب محمد »»»»» الطفل المشاكس بقلمي» بقلم بوشعيب محمد » آخر مشاركة: بوشعيب محمد »»»»» @ تَعَاويــذ فراشَــةٍ عَاشِقـَـة @» بقلم دوريس سمعان » آخر مشاركة: دوريس سمعان »»»»»

النتائج 1 إلى 8 من 8

الموضوع: قصيدة قطر الثورة

  1. #1
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.05

    افتراضي قصيدة قطر الثورة

    قَََََََطرْ الثَورَة
    سنة ورا سنة والأيام بتعدي قوام
    كل الشعب العربي يِشَخَر وألا يِنام
    والحرية يا دوب بيشوفها في الأحلام
    وبس يا ويله لو يحكى الحلم
    وألا يقول أنا شفت منام
    يلاقي المخبر جوة في عبه
    وألف محاكمه, ويا سلام سلم ع الأحكام
    كلها عدل , وكلها حق , وكله تمام
    الكل بيحكم باسم الله - باسم الشعب
    باسم رئيس حاكم وهمام
    يبقي حرام الشعب دا يحلم بالحرية
    دا حتى كمان الحلم حرام
    ...........................................
    سنة ورا سنة .......
    بس زمان كل الأمة تشوفها سعيدة
    من مشارقها إلي مغاربها في حالة فريدة
    يجروا ويفتحوا كل الدنيا
    و انتصارات خالدة و مجيدة
    ييجي زماننا بعد زمانهم
    بانتصارات مكتوبة في جريدة
    عاش البطل الخالد جدا . انتخبوني لفترة جديدة
    والحكام بتضحي عشانا , وبتحكمنا أطول مدة
    أصل الحكم كان تأبيدة
    يقوم كل الشعب يسقف واللي موافق يرفع إيده
    واللي بيرفض إيده في حديده
    يروح متكلبش أمن الدولة
    جيت الدنيا ليه يا منيل خد كيس بانجو
    غور , ريحنا , جوه في قلبك خد تسديدة
    قلبك أسود والأحقاد ملياه وشديدة
    و إحنا نخاف م الحقد الأسود والفيس بوك
    ولا جزيرة في وسط البحر هناك وبعيدة
    تِبَوَظْ كل الدنيا بحالها اللي يشوفها يحرق نفسه
    و اللي عملها جه من تونس الواد بوعزيزي
    واد مجنون وحرايقه شديدة
    قام ولعها وقام شَعلِلها وفجر فينا ثورة جديدة
    .................................................. ........
    قطر الثورة قام اتحرك , حرك كل الدنيا بحالها
    نادي وقال ... أنا قطر الثورة ...
    بطلوا نوم .. الناس تِصحي تشوف أحوالها
    والحكام ما لهاش في القطر . خلاص هتنام
    كل الشعب هيصحي بدلها
    .................................................. .....

    الشعب في تونس صاحي وقام صلي الفجر
    الشعب في مصر صاحي حتى من قبل العصر
    الشعب في ليبيا بين الإتنين
    قال الله .... دا علامة النصر
    وشعب اليمن المخلص جداَ وملهوش حصر
    والبحرين ويا عمان أخدوا جوه القطر مكان
    والدور على مين ؟؟ ... الله أعلم
    كل شعوبنا بتجري وتركب جوه القطر
    القطر بيجري معاه الشعب
    حالف يدخل للحكام جوه القصر
    الحكام مذعورة بتسأل إيه اللي بيحصل ؟ ؟
    قطر دا ؟ وألا ؟ . أيام سوده جاية و هلا ؟
    .................................................. ........
    مع رأس السنة وبداية الشهر
    شهر يناير يا نهار أسود , دا أسوأ شهر
    ناوي يخلص علي الحكام اللي بتحكم أبد الدهر
    القطر يعدى يحرر بلدي بس بلادنا طالبة المهر
    وكل بلادنا مهرها غالي اسمه الحرية
    والحرية بدم الشهدا هتفتح نهر
    .................................................. .........
    قطر الثورة طلع من تونس خدنا لمصر
    وجري علي ليبيا قول لي يا قطر واخدنا لفين ؟
    بنجري وراك من حتة لحتة قول لنا بس نهايتك فين
    قطر دا وألا زلزال جاي بيِهِد فساد عشناه لسنين ؟
    عُمركو شفتوا قطر يهد عروش سلاطين ؟
    .................................................. ............
    قطر الشعب قال للظلم الفجر خلاص شقشق بساتين
    شباب هتشوفهم زى الفل
    ولاد وبنات في ميدان حالفين
    ييجي كل الشعب يشوفهم
    يشوف طلباتهم إيه عايزين
    قالوا القطر ويا الشعب خلاص اتفقوا
    الحكام لازم يمشوا ... إحنا أبداً مش ماشيين ...
    .................................................. ..........
    لقيت الأمة بحالها خلاص
    في التحرير ماليه الميادين
    ومن جناينها الورد بيسقط
    مسكت الورد لقيت الورد فل وياسمين
    قلت الله عليك يا بلادنا زرعك أخضر
    بريحه المسك و ريحه العنبر جوه الطين
    سألت الورد . إيه اللي أنا ماسكه في إيدي يا ورد
    شايفك دافي في عز البرد ؟
    شايفك ليه زعلان وحزين ؟
    قال الورد أخاف تنسونى وألا تناموا مع الناسيين
    وتنسوا حكايتي وتنسوا بدمي كتبت المجد
    قلت إزاي ننساك . واللي هيقدر ينساك مين ؟
    دا أنا لو أنسي ..
    بلادنا ما تنسي .. وكل الدنيا كمان شاهدين
    شوف هتلاقي قطر الثورة بيجري بِوَردَك
    و إنت لوحدك ...
    وسط القطر في نص الصورة مع الواقفين
    واسمع قطر الثورة بيهتف ينادي باسمك للملايين
    وربك قال الكل يموت
    إنت لوحدك حي بترزق وسط الجنة مع الخالدين
    .................................................. ...........
    الله يا ولاد .....
    كنت بقول دا خلاص هنموت من غير صوت
    زى جدودنا
    بس الحمد الله .....
    ركبنا القطر وجبنا الفخر كمان لأحفادنا
    و اللي ما شاف القطر هيسأَل
    قطر دا وألا جناح حرية ؟
    رَجََعْ لينا أحلي عهودنا
    قطر الثورة ... يا قطر الثورة
    جيت بالفرحة . تكتب صفحة
    الحرية سر خلودنا . الحرية سر خلودنا
    من أشعار د. هاني أبوالفتوح
    الكويت يوم الثلاثاء 8 مارس 2011

  2. #2
    شاعرة
    تاريخ التسجيل : Jan 2010
    الدولة : على أرض العروبة
    المشاركات : 34,923
    المواضيع : 293
    الردود : 34923
    المعدل اليومي : 6.74

    افتراضي

    بطلوا نوم .. الناس تِصحي تشوف أحوالها
    والحكام ما لهاش في القطر . خلاص هتنام
    كل الشعب هيصحي بدلها
    الله الله
    ما أجملها قصيدة وما أبهاها مقالة
    د. هاني أبو الفتوح
    أجدت وقصدت فتألقت
    دمت مبدعا
    تستطيع أن ترى الصورة بحجمها الطبيعي بعد الضغط عليها

  3. #3
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.05

    افتراضي شكر واجب

    اقتباس المشاركة الأصلية كتبت بواسطة ربيحة الرفاعي مشاهدة المشاركة

    الله الله
    ما أجملها قصيدة وما أبهاها مقالة
    د. هاني أبو الفتوح
    أجدت وقصدت فتألقت
    دمت مبدعا
    الأستاذة الفاضلة ربيحة الرفاعي الكلمات أضاءت بمرورك وردك تشريف ادعو الله تعالي ان اكون أهلاً له تقبلي تحياتي

  4. #4
    الصورة الرمزية الطنطاوي الحسيني شاعر
    في رحمة الله

    تاريخ التسجيل : Jun 2007
    المشاركات : 10,902
    المواضيع : 538
    الردود : 10902
    المعدل اليومي : 1.77

    افتراضي

    استاذي الشاعر الباهر د هاني ابو الفتوح
    اولا ارحب بكم اخي الفاضل
    فأهلا وسهلا في واحتك وبيتك بين اخوانك واحبابك من المبدعين الأدباء الكبار
    وبعد هذه قصيدة على الخبب الجميل فعلن فعلن واحييك عليها
    هدوء قصصي شعري يحتاج المعالجة والوقت والاعصاب الهادئة اغبطك عليه
    القصيدة تحكي قصة ما قبل الثورة والثورة والفجر الذي سيأتي بعدها بإذن الله تعالى
    هي للتثبيت ابداعا وترحيبا وتقديرا

  5. #5
    الصورة الرمزية هناء سعيد قلم منتسب
    تاريخ التسجيل : Mar 2011
    المشاركات : 18
    المواضيع : 2
    الردود : 18
    المعدل اليومي : 0.00

    افتراضي

    سألت الورد . إيه اللي أنا ماسكه في إيدي يا ورد
    شايفك دافي في عز البرد ؟
    شايفك ليه زعلان وحزين ؟
    قال الورد أخاف تنسونى وألا تناموا مع الناسيين
    وتنسوا حكايتي وتنسوا بدمي كتبت المجد


    لا مش ممكن ننسى الشهدا

    مهما يفوت م العمر سنين

    ضحوا عشان تنزاح الغُمّة

    يرجع عصر صلاح الدين

    عصر الحق وسيف الدولة

    دولة خير من غير مساكين

    ضموا ايديكوا نصبح أُمة

    نحفظ عهد نوّفى الدين

    تبقى الدولة وكل مافيها

    أرض لكل المصريين


    من وحى كلماتك المعبرة دمت ودام حرفك النابض

    تحيتى وتقديرى


  6. #6
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.05

    افتراضي

    اقتباس المشاركة الأصلية كتبت بواسطة الطنطاوي الحسيني مشاهدة المشاركة
    استاذي الشاعر الباهر د هاني ابو الفتوح
    اولا ارحب بكم اخي الفاضل
    فأهلا وسهلا في واحتك وبيتك بين اخوانك واحبابك من المبدعين الأدباء الكبار
    وبعد هذه قصيدة على الخبب الجميل فعلن فعلن واحييك عليها
    هدوء قصصي شعري يحتاج المعالجة والوقت والاعصاب الهادئة اغبطك عليه
    القصيدة تحكي قصة ما قبل الثورة والثورة والفجر الذي سيأتي بعدها بإذن الله تعالى
    هي للتثبيت ابداعا وترحيبا وتقديرا
    أستاذي الفاضل الطنطاوي الحسينى
    حاشا لله مانا هنا إلا تلميذ اتي لدوحة الأساتذة المبدعين لينهل من فكرهم وعطائهم ويصحو بعد ثبات وغفوة و لقد نالني من الشرف ماافخر به بتثبيتك للقصيدة ويجعلنى اكثر حرصا علي كل حرف وكلمة وعذرا علي تقصيري في الوفاء الواجب بقدركم الكبير لحضوركم ومروركم بالقصيدة تقبل خالص تحياتي واحترامي لقلمك المبدع

  7. #7
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.05

    افتراضي

    اقتباس المشاركة الأصلية كتبت بواسطة هناء سعيد مشاهدة المشاركة
    سألت الورد . إيه اللي أنا ماسكه في إيدي يا ورد
    شايفك دافي في عز البرد ؟
    شايفك ليه زعلان وحزين ؟
    قال الورد أخاف تنسونى وألا تناموا مع الناسيين
    وتنسوا حكايتي وتنسوا بدمي كتبت المجد


    لا مش ممكن ننسى الشهدا

    مهما يفوت م العمر سنين

    ضحوا عشان تنزاح الغُمّة

    يرجع عصر صلاح الدين

    عصر الحق وسيف الدولة

    دولة خير من غير مساكين

    ضموا ايديكوا نصبح أُمة

    نحفظ عهد نوّفى الدين

    تبقى الدولة وكل مافيها

    أرض لكل المصريين


    من وحى كلماتك المعبرة دمت ودام حرفك النابض

    تحيتى وتقديرى

    الأستاذة الفاضلة المبدعة هناء سعيد القصيدة تشرفت بحضورك وشعرت بكلماتك الرائعة تملأ المكان أنقا وعبيراً وعجبا لكلمات كتبتها يد مبدعة ردا فجاءت بردا وسلاما علي من كتب
    لك منى خالص التحية وعاطر الثناء

  8. #8

المواضيع المتشابهه

  1. صراع السلطة فى قطر
    بواسطة رضا البطاوى في المنتدى الحِوَارُ السِّيَاسِيُّ العَرَبِيُّ
    مشاركات: 0
    آخر مشاركة: 10-06-2013, 11:19 PM
  2. الثورة في شهر الثورة على الذنوب
    بواسطة رشيد زايزون في المنتدى الحِوَارُ الإِسْلامِي
    مشاركات: 2
    آخر مشاركة: 08-08-2012, 02:27 PM
  3. أوراق على هامش الثورة .. الثورة وبيت المقدس .. رباط من نور
    بواسطة بهجت عبدالغني في المنتدى الحِوَارُ السِّيَاسِيُّ العَرَبِيُّ
    مشاركات: 12
    آخر مشاركة: 05-03-2012, 08:55 AM
  4. حكام قطر والسعودية في نجدت بابااوبح أمريكا """شووووإنسانية"
    بواسطة نعيمه الهاشمي في المنتدى الحِوَارُ الإِسْلامِي
    مشاركات: 1
    آخر مشاركة: 04-09-2005, 08:35 PM
  5. بوش يستقبل زوجة امير دولة قطر ! عجيب ؟
    بواسطة محمود مرعي في المنتدى الحِوَارُ الإِسْلامِي
    مشاركات: 0
    آخر مشاركة: 22-12-2003, 01:47 PM